ඩලස්ට අගුපිළ නමින් බියොන්ඩ් ෆ්‍රේම් ගේ ලිපියකට මා සහ මල් මාමා ලියන ලද සටහනක් නිසා රනා සටනට එළබිණ.දැන් එය ද්වන්ධ සටනක් බවට පත්වි මාසයක් තිස්සේ ඇදි යයි.අප දෙදෙනා බියොන්ඩ් ෆ්‍රේම්ගේ අවකාශය මෙසේ යොදා ගැනීම නොහොබී.එබැවින් එය මගේ අගු පිළට ගෙන ආවෙමි.බියොන්ඩ් ෆ්‍රේම් ,මල්මාමා ඇතුළු සැමට මේ සටන නැරඹිමට ඇරියුම් කරමි.
අපේ සන්වාදයට හවුල් වූ රනා හැර තවත් රනා කෙනෙක් සිටි.ඔහු මේ මම ගැන නෙමෙයි…. මගින් එය පැහැදිළිකර ඇත.මා පිළිතුරු දුන්නේ වාදයට පැටලුනු රනාටය.මට හමුවු දෙවනි රනා ඔබට යම් සිත තැවුලක් විනි නම් සමාවෙන්න.මා කිසිවිටෙක ඔබව ඉලක්ක නොකෙළෙමි.
මල්මාමා
April 27, 2010
rana April 27, 2010
මේ කියන ආකාරයට තරුණ කටයුතු හා රැකී රක්ෂා අමාත්‍යාංශය අගු පිලකි.
දහස් ගණනක් තරුණයන් මරු පල්ලට දැක්කූ එක්සත් ජාතික පක්ෂයට
තරුණ කටයුතු අමාත්‍යාංශය අගු පිලක් සේ පෙනීම පුදුමයක්නම් නොවේ.
බ්‍රේස්ලට් එකකට හෝ කබල් වෑන් රථයකට මුලු ආත්මයම පාවා දෙන
තරුණයන් සිටි බව විස්වාස කළ පක්ෂයකින් අප වෙන බලාපොරොත්තු වන්නේ කුමක්ද?
රටේ ජීවනාලිය යයි කියන තරුණ පරපුර ගැන එ. ජා. ප. යේ මතය මෙයද?
රනිල් වික්‍රමසිංහට ජේ. ආර්. ජයවර්ධන යුගයේදි ලැබුනේ අගු පිලකි.
මන්ද යත් එතුමාට ලැබුනේ තරුණ කටයුතු හා රැකී රක්ෂා අමාත්‍යාංශය බැවිනි.
Reply
මල්මාමා April 27, 2010
ඒත් වැඩේ කියන්නේ ඒ කාලේ තාරුණ්‍යයට හෙටක් කියලා
එකක් තියාගෙන ජේ ආර් ගේ පුතා ඔක්කොම වැඩ ටික කරපු නැති එක තමා.
නැත්තන් ඉතින් ඒකත් අගු පිලක් තමා.
Reply
මල්මාමා April 27, 2010
භූතානෙට යද්දී ලොක්කගේ ලොකු එකාවත් අරන් ගිහින්
නියෝජ්ය විදේශ ඇමති ගීතාංජන නම් හිටියේ නෑ
එත් ජී ඇල් එක්ක ගිහින් තිබ්බේ ලොක්කගේ ලොකු එකා. අලි ශෝක්
Reply
ranaApril 27, 2010
ඇත්ත. රවී ජයවර්ධන තාරුණ්යට හෙටක් හැදුවේ නැහැ.
ඒ වෙනුවට තාරුණ්යට අයිති හෙට නැති කරන්න විශේෂ කාර්ය බලකාය හැදුවා.
හැබැයි විශේෂ කාර්ය බලකාය නිවැරදි දේ සඳහා
පළමුවෙන් යොදා ගත්තේ ඩී. බී. විජේතුංග මහතා.
තව එකක් විදේශයකට ඇමති සහ නියෝජ්ය ඇමති එක පාර යන්නෙ නැහැ.
ඇමති නැති නිසා වැඩ බලන්නේ නියෝජ්ය ඇමති.
රනිල් සහ සාගල රත්නයක රට යනකොට
කරූ ජයසූරිය සහ තිස්ස අත්තනායකත් යන්නෙ නැහැනේ.
Reply
මල්මාමා April 28, 2010
අනේ මල්ලියේ විශේෂ කාර්යය බලකාය මොකැයි කලේ
තාරුණ්‍යයට හෙටක් නැති කරන්න ?
89-90 කලබල කාලේ ගැන කියනව නම්
ඉතින් මුලින්ම කියලා තියන්න වැරද්ද කාගෙද කියලා.
ඔවු ඉතින් ඒත් ඉතින් ජී ඇල් ඇමති තුමා පැත්තක තියෙන
පුටුවක වාඩි වෙලා ප්‍රධාන පුටුව නාමල් කොල්ලට දීල තියෙන්නේ මොකද දන්නේ නෑ.
Reply
rana April 29, 2010
විශේෂ කාර්ය බලකාය 87-89 කරපුවා ඉතින් අයියට මතක ඇතිනේ .
වැරද්ද කාගෙද කියලා අහන හැටි විතරක්!
අයියා පිළිගනියිද මන්දා වැරද්ද එ. ජා. ප. යේ කියලා.
හැබැයි ජේ. ආර්. ලොක්කානම් පෙන්ෂන් ගියාට පස්සේ පිළිගත්තා
ජ. වි. පෙ. තහනම් කළේ බොරුවට කියලා.
ප්‍රජාතන්ත්‍රවදී දේශපාලන දහරාවේ හිටිය දේශපාලන පක්ෂයක්
නිකරුණේ තහනම් කළාම ඔය විදිහේ දේවල් සිද්ධ වෙනවා.
ඒ නිසා ඒ කාළේ ජ. වි. පෙ. කළ දේවල් වළ වගකීම ගන්න වෙන්නෙ එ. ජා. ප. යට.
නාමල් කොල්ලා ඉඳගෙන හිටපු පුටුවේ සයිස් එක කියන්න මන් දන්නෙ නැහැ.
කොහොමහරි නාමල් කොල්ලට විදේශ ඇමති කම
ජී. එල්. ගෙන් උදුරගෙන අරන් දීලානම් අපි අපේ විරොධය පාමු.
Reply
මල්මාමා April 29, 2010
එතකොට රටක පාලනය ආයුධ බලෙන් ලබාගන්න එක හරි ?
එතකොට එල්ටීටීඊ කරපු වැඩෙත් හරි. මහින්ද තමා වැරදි ?
Reply
rana April 30, 2010
ජ.වි.පෙ. අයුධ බලෙන් ආණ්ඩුව අල්ලන්න ගියේ
ඔවුන්ව තහනම් කරළා ඔවුන්ව ප්‍රජාතන්ත්‍රවාදයෙන් පිටමං කරපු නිසානේ.
නැත්නම් 87-89 භීෂණයක් බිහිනොවෙන්න තිබුණනේ.
ඉස්සෙල්ලා විශේෂ කාර්ය බලකාය හැදුවා පස්සේ ජ. වි. පෙ. තහනම් කළා.
ඊට පස්සේ තරුණයෝ ටික බිල්ලට ගත්තා.
ඒ විදිහටයි ජේ. ආර්. තමුන්ගේ පුතාව යොදා ගත්තේ තාරුණ්යට අයිති හෙට නැති කරන්න.
Reply
මල්මාමා April 30, 2010
ඉතින් හත්වලාමේ අපිත් කියන්නේ ඒකම තමා
රටේ ප්‍රධාන සුළු ජාතිය වන දෙමල අයට වෙනස් කම් නොකර
සැමට සමානව සැලකුව නම් දෙමළ ත්‍රස්තවාදය ඇතිවෙන්නෙත් නෑ.
එහෙම ඇතිවුන දෙමල ත්‍රස්තවාදය මර්ධනය කරපු මහින්ද හොඳයි.
අරක කරපු එජාපය වැරදියි. මේක හතර බීරී කථාවක්නේ.
Reply
හොඳහිතMay 2, 2010
1. සිංහල දෙමළ භේදයක් නැතිව කවුරු මැරුවත් ඒක වැරදි දෙයක්.දෙන්නම ඒක පිළිගන්නේ භාගෙට.
2. විශේෂ කාර්ය බලකාය හැදුවේ ජ.වි.පෙ මර්ධනයට නොවේ.
3. රවී,විශේෂ කාර්ය බලකාය හැදුවට නාමල් වගේ දේශපාලනය කළේ නැහැ.
4. රනා ඉතිහාසය වැරදිලෙස පාවිච්ච්චි කරන්න එපා.
තරුණ නවක මන්ත්‍රීවරයකු වූ රනිල්ට එම ඇමතිකම ලැබෙනකොට ඒක ඉහටත් උඩින්.
ඒත් පරිණත ඩලස්ට ඒ ඇමතිකම දෙනකොට ඔහු හිටපු තැනට සාපේක්ෂව අගුපිල තමා.
ඒක ඔබ පිළිනොගත්තත් ඔහුගේ දේශපාලන මිතුරනුත් පිළිගන්නවා.
මා විදේශ ගතවනවිට මාගේ පුතා ගෙනයන විදියටම ජනාධිපතිතුමාටත් පුතා ගෙන යන්න පුළුවනි.
නමුත් වියදම දරන්නේ පියා හෝ පුතාගේ සාක්කුවෙන් වෙන්න ඕනෑ.
එසේ නැතිව ගියානම් ඔහුගේ නිල ගමනක් වියයුතුයි.
රනා මෙන්න මේවා ජනතාවට පැහැදිළි කරන්න.
එසේ නොවේ නම් අනිත් රජයේ සේවකයනටද ඒ අවස්ථාව ලබාදියයුතුයි.
4. රනිල් සහ සාගල රත්නයක රට යනකොට කථාව මෙතනට අදාළ නැහැනේ.
5. අනික අතීතයේ එ.ජා.ප.ය කරපු වැරදි නිසා ඒවාට මහජනයා දඬුවම්දීලා බලයෙන් ඉවත්කරළා තියෙන්නේ.
ඒ වැරදි නොකරන්න කියලා පත්කර ගත් ආණ්ඩුව ,
එ.ජා.පය කරපු වැරදි නැවත කරන එක සාධාරණය කරන්නේ කොහොමද?
rana May 3, 2010
@මල්මාමා
මල්මාමා පටන් ගත්තේ ජ.වි.පෙ. මර්ධනය කරපු එක වැරදිද කියලා අහගෙන.
ඒත් දැන් කියනවා මහින්ද කොටි මර්ධනය කරපු එක වැරදිය කියලා.
කවුද දැන් හතරබීරී කතා කියන්නේ?
මල්මාමේ ත්‍රස්තවාදය නැතිකරන එක ආණ්ඩුවේ වගකීම.
ඒක සිංහලද දෙමළද කියලා බලන්න බැහැ.
හැබැයි ත්‍රස්තවාදය ඇතිකිරීම ආණ්ඩුවේ වගකීමනම් නෙමෙයි.
ජ. වි. පෙ. තහනම් කරනවත් එක්ක
විශේෂ කාර්ය බලකාය හදන්න පටන් ගත්තේ ජ.වි.පෙ. ට ගහන්න.
ඒක නැහැ කියන්න පුලුවන් රටේ මෑත ඉතිහාසය දන්නේ නැති කෙනෙකුට විතරයි.
@හොඳහිත
1. සිංහළ දෙමළ කවුරු මැරුවත් වැරදි දෙයක් වන්නේ අවස්ථාව අනුවයි.
ත්‍රස්තවාදය සිංහළද දෙමළද කියලා බෙදන්න බැහැ.
සාමයට තියෙන දොරවල් පාවිච්චි කරන්නේ නැත්නම් පිළිතුරු හම්බුවෙන්නෙත් යුද්ධයෙන්.
2. එහෙම නෙමෙයි කියලා කියන්නෙ කොහොමද?
ජේ. ආර්. ජ.වි.පෙ. තහනම් කළේ පැහැදිලි හේතුවක් නැතුව.
ඒ එක්කම එයා බලපොරොත්තු වුනා ජ.වි.පෙ. ආයුධ අතට ගනියි කියල්ල.
ඒ නිසා එස්. ටී. එෆ්. එක හැදුවා.
ජ.විපෙ. ට විරුද්ධව එස්. ටී. එෆ්. එක පාවිච්චි කළේ නැහැ කියලද කියන්නේ?
3. ඒක රවීගේ වැඩක් දේශපාලනය කරනවද නැද්ද කියලා තීරණය කරන එක.
ඩඩ්ලිට පුලුවන්නම් ඩී. එස්. ගේ පුතා හැටියට දේශපාලනයට එන්න රවිත් දේශපාලනයට ආවත් වැරද්දක් නැහැ. ඒක මෙතනට අදාළ නැහැ.
4. ඩලස්ගේ මිතුරන් හිතන්නේ කුමක්ද යන්න මම දන්නෙ නැහැ.
හැබැයි තරුණ කටයුතු අමාත්‍යංශය කියන්නේ අගුපිල නෙමෙයි.
ඒක මේ රටේ ජීවනාලිය සහ අනාගතය.
ඒකට අගු පිල කීම තරුණයන්ට කරන ලොකු අපහාසයක්.
මම කලින් කිව්වා වගේ තරුණයන්ව සොහොන් බිමට දක්කපු
එ. ජා. ප. වගේ පක්ෂයක් එහෙම හිතන එක පුදුමයක් නෙමෙයි.
නාමල් ගියේ නිල ගමනක් නෙමෙයිද?
නාමල්ට අපි කැමති වුනත් නැතත් මංත්රී කෙනෙක්.
හරි හෝ වැරදි මංත්‍රීවරුන්ට තියෙන අයිතිය රජයේ හැම සේවකයාටම දෙන්න බැහැ.
උදාහරණයක් හැටියට ගත්තොත් වාහන පර්මිට්, ගෙදරට සිකියුරිටි වගේ දේවල්.
5. රනිල් සහ සාගලගේ කතාව කිව්වේ නියොජ්ය ඇමති ගිය නැති එක ගැන විස්තර කිරීමේ
උදාහරණයකට. නැතුව වෙන මුකුත් හිතේ තියාගෙන ලිව්වා නෙමෙයි.
6. ඔබ මෙතනදී බොහෝ නිවැරදියි.
ඔව් එ. ජා. ප. ය කරපු වැරදි මේ ආණ්ඩුව කළ යුතු නැහැ.
ජනතාව ඡන්දය දුන්නේ එවා නැවතත් අලුත් ආණ්ඩුවකින් කර ගන්න නෙමෙයි.
නමුත් අපිට පිළිගන්න වෙන එක සත්‍යයක් තියෙනවා.
ඒ තමයි මෙච්චර කල් පුරුදු වෙච්ච ක්‍රමය එක පාර අතාරින එක.
උදාහරණයක් හැටියට ඇමති මණ්ඩලය අඩු කිරීම.
ප්රේමදාස තමයි ඉන්න ඔක්කොටොම ඇමති කම් දුන්නේ.
ඊට පස්සේ අනිත් අයත් ඒවා බලපොරොත්තු වෙනවා.
දුන්නැත්නම් අනිත් පැත්තට පනිනවා.
දැන් බලන්න ඩලස්ට දීපු ඇමති කම ගැන ඩලස් කෑ ගහුවේ නැතත් එ. ජා. ප. යෙන් හරි කෑ ගහනවා.
Reply
ChrishiMay 3, 2010ඉතින් මල්ලියේ මම මේ කියන්නේ එල්ටීටීඊ එකෙයි
88-89ජවිපෙ ක්‍රියාදාමයෙයි තියෙන එකම වෙනස
එල්ටීටීඊ එක දෙමල වීමයි ජවිපේ සිංහල වීමයි නෙමේද ?
දෙගොල්ලොම කලේ ආයුධ බලෙන් රාජ්ය බලය ලබාගන්න ට්‍රයි කරපු එකනේ.
ඉතින් කොලුවො එකක් හරියි අනික වැරදියි කියන්නේ කොහොමද ?
ඔය කට්ටිය ඕක ඔච්චර උඩ දාගෙන ඉන්නේ 88-89 කාලේ මරපු හැටි මිනිස්සු දැක්ක නිසා.
ඒක හොඳට දන්න මහින්දයා කරේ
මුලින්ම යුද්දේ තියන පැත්තකටවත් කාටවත් යන්න දුන්නු නැති එකයි.
නැත්තන් ඉතින් ප්රේමදාස දහස් වරක් හොඳයි කියලා මිනිස්සු කියයි.
Reply
මල්මාමාMay 3, 2010who the —— is this ?
ලෝකයාMay 3, 2010
නුඹට ඔවා හොද පාඩම්
Reply
හොඳහිතMay 3, 2010
1. “සිංහළ දෙමළ කවුරු මැරුවත් වැරදි දෙයක් වන්නේ අවස්ථාව අනුවයි. ත්‍රස්තවාදය සිංහළද දෙමළද කියලා බෙදන්න බැහැ. සාමයට තියෙන දොරවල් පාවිච්චි කරන්නේ නැත්නම් පිළිතුරු හම්බුවෙන්නෙත් යුද්ධයෙන්”
කියා ඔබ පැවසුවද ඔබගේ සටහන් වලින් පෙනෙන්නේ ඔබ
“සිංහළ ත්‍රස්තවාදය” පිළිබඳව එම මතය නොදරන බවයි.
මේ ඔබේ වචන
“ජ.වි.පෙ. අයුධ බලෙන් ආණ්ඩුව අල්ලන්න ගියේ ඔවුන්ව තහනම් කරළා ඔවුන්ව ප්ර ජාතන්ත්ර වාදයෙන් පිටමං කරපු නිසානේ. නැත්නම් 87-89 භීෂණයක් බිහිනොවෙන්න තිබුණනේ. ඉස්සෙල්ලා විශේෂ කාර්ය බලකාය හැදුවා පස්සේ ජ. වි. පෙ. තහනම් කළා. ඊට පස්සේ තරුණයෝ ටික බිල්ලට ගත්තා. ඒ විදිහටයි ජේ. ආර්. තමුන්ගේ පුතාව යොදා ගත්තේ තාරුණ්ය්ට අයිති හෙට නැති කරන්න.”
2.
a) විශේෂ කාර්ය බලකාය හැදුවේ ජ.වි.පෙ මර්ධනයට නොවේ . “එහෙම නෙමෙයි කියලා කියන්නෙ කොහොමද?”
1983 දී විශේෂ කාර්ය බලකාය හැදුවේ LTTE නිසායි.
ඔවුන්ව ස්ථාපනය කළේ නැගෙනහිර පලාතේ සහ V.I.P ආරක්ෂාව වෙනුවෙනුයි.
1983 සිට 1987 තෙක් සිංහළ ප්රදේශවල විශේෂ කාර්ය බලකාය ක්රියාත්මකවුනේ නැහැ.
ජුලි කළබල වලට නායකත්වය දුන්නායැයි බොරු චෝදනා කරමින්.
ඔවුන් එකළ ඇත්තටම නායකත්වය දුන්නේ කම්කරු පන්තියට.
1980 වැඩවර්ජනය පරාජයකළද 1983 වනවිට නැවත කම්කරුවන්ගේ නැගිටීමක ඉව වැටී තිබුනා.
ඒ වනවිට ජ.වි.පෙ.වෘත්තිය සමිති පෙරමුණ ගෙන තිබුනා.
ඒක තමයි තහනම් කරන්න පැහැදිළි හේතුව.
1983 දි ජ.වි.පෙ ආයුධ අතට ගන්න බලපොරොත්තු වුනේ නැහැ.
හැබැයි රවී ජයවර්ධන විශේෂ කාර්ය බලකාය පළමුවෙන් යොදා ගත්තේ
දෙමළ තාරුණ්යට හෙටක් නැති කරන්න.
දෙවැනිව යොදා ගත්තේ සිංහළ තාරුණ්යට හෙටක් නැති කරන්න
කියළා ඔබ කියනවනම් මා ඒකට එකඟයි.
c). “ජ.විපෙ. ට විරුද්ධව එස්. ටී. එෆ්. එක පාවිච්චි කළේ නැහැ කියලද කියන්නේ?”
සමාවෙන්න මම එසේ නොකීවෙමි
මා අදහස් කළේ “ඉස්සෙල්ලා විශේෂ කාර්ය බලකාය හැදුවා
පස්සේ ජ. වි. පෙ. තහනම් කළා. ඊට පස්සේ තරුණයෝ ටික බිල්ලට ගත්තා”
යන ඔබේ අදහස වැරදි බව කීමටයි.
3. “ඒක රවීගේ වැඩක් දේශපාලනය කරනවද නැද්ද කියලා තීරණය කරන එක. ඩඩ්ලිට පුලුවන්නම් ඩී. එස්. ගේ පුතා හැටියට දේශපාලනයට එන්න රවිත් දේශපාලනයට ආවත් වැරද්දක් නැහැ. ඒක මෙතනට අදාළ නැහැ.”
මෙතනදි මම ඔබට එකඟවෙමි.
නමුත් “ රවී,විශේෂ කාර්ය බලකාය හැදුවට නාමල් වගේ දේශපාලනය කළේ නැහැ”
යැයි මා කීවේ නාමල් හා රවී සමාන නොකළයුතු නිසායි.
මන්ද යත් නාමල්ගේ “තාරුණ්යට හෙටක්”දේශපාලන ව්යාපෘතියක්වූ අතර
රවීගේ විශේෂ කාර්ය බලකාය රාජ්ය ව්යාපෘතියක්වූ නිසාය.
4.
a) “ඩලස්ගේ මිතුරන් හිතන්නේ කුමක්ද යන්න මම දන්නෙ නැහැ. හැබැයි තරුණ කටයුතු අමාත්යංයශය කියන්නේ අගුපිල නෙමෙයි. ඒක මේ රටේ ජීවනාලිය සහ අනාගතය. ඒකට අගු පිල කීම තරුණයන්ට කරන ලොකු අපහාසයක්”
ඒක හරි මෙතන කිසිකෙනෙක් තරුණයන්ට අපහාස කර ඇතිබවක් මට නොපෙනේ.
ඩලස් වැනි පතාක යෝධයකුට
ඔහුට මුලින් ලබාදී තිබුන අමාත්‍යංශයට වඩා පහල අමාත්‍යංශය ලබාදී ඇති බවයි ඔවුන් කියන්නේ.
ඔබ හැර මුළු රටම දන්නවා මේ අමාත්‍යංශය වල උස් පහත් භේදයක්
විවිධවූ මාන වලින් තිබෙන බව.
හොඳයි ඔබ සමග මොහොතකට එකඟ වෙමු,
මට පෙන්න්වන්න රනිල්ගේ කාලයෙන් පසු
යු,එන්.පි.යත්. පෙරමුණත් මේ රටේ ජීවනාලිය සහ අනාගතයවූ
තරුණ කටයුතු අමාත්‍යංශය හරහා කරනලද සේවයන් ටිකක්.
1971 දි ජ.වි.පෙ සහ සමගි පෙරමුණ(ශ්රි..ල.නි.ප,ල.ස.ස.ප.කො.ප)- .
සිංහළ තරුණයන්ව මුලින් ම සොහොන් බිමට දැක්කුව.
1988 89 දි ජ.වි.පෙ සහ එ. ජා. ප සිංහළ තරුණයන්ව සොහොන් බිමට දැක්කුව.
දෙමළ තරුණයන්ව සොහොන් බිමට දැක්කුව.
මා ඔහුට කැමැතියි.
ප්රශ්ණය ඇයි ඔහුට තිබුන විශේෂ නිල තත්වය අනිත් මන්ත්රින්හට නැති.
අනිත් මන්ත්රීවන්ව අරගෙන ගියේ නැත්තේ ඇයි.
ඔවුන්ට බලය ද නිලයද නැතිද?
ඔබ නොදත්තාට සියලුම රජයේ සෙවකයන් සහ ඇමතිවරුන්
ක්රියාකළයුත්තේ ආයතන සන්ග්ර‍හය සහ මුදල් සන්ග්රාහයට අනුකූළවයි.
ඒ අනුව තමා විදේශ ගමන්වලට මුදල් වෙන්කරන්නේ.
ඒ අනුව නාමල්ට රජය නියොජනය කිරීමට නිළ තත්වයක් නැහැ.
නමුත් ඔහුගේ බාප්පා ඔප්පුකරළා තියෙනවා මෙවා විකාර බව.
ඒ නිසා ඔහු ආයතන සන්ග්රනහය නොතකා ප්රසිද්ධියේ දේශපාලනයේ නිරතවූයේ.
වෙන රජයේ සේවකයකු එය කළානම් ඔහු මහ උළු ගෙදර හෝ ගෙදර.
වාහන පර්මිට්, ගෙදරට සිකියුරිටි වගේ දේවල් මෙතනට අදාල නැහැ
යථාර්තය දැන දැන මෙහෙම උගුරට හොරා බෙහෙත් බොන්න උත්සාහ කරන්නේ ඇයි.
5. රනිල් සහ සාගලගේ කතාව කිව්වේ නියොජ්ය ඇමති ගිය නැති එක ගැන විස්තර කිරීමේ උදාහරණය පැහැදිළි මදිවුන නිසයි අදාළ නෑ යයි ලිව්වේ.. නැතුව වෙන මුකුත් හිතේ තියාගෙන ලිව්වා නෙමෙයි.
6
ඒත් පනින අයට ජනතාව මනාපයි.2010 දීත් ඒක ජනතාව අනුමත කළා.
ප්රේමදාස මරාදමලත් අවුරුදු 17 ක් වුනා.
ඉතින් ඔහු පුරුදු කරපු නරක පුරුදුවලින් මිදෙන්න තවම බැරිවුනාද?
අනික ඩලස්ට දීපු ඇමති කම ගැන ඩලස් කෑ ගහුවේ නැතත්
එ. ජා. ප යටත් මටත් ඔබටත් මේ බ්ලොග්කරුටත් කෑ ගැසීමේ අයිතියක් ඇත.
මා ඔබට එරෙහිවුවා නොව ඔබගේ මතයේ වූ සදොස් තැන් නිදොස් කළා පමණි.
Reply
මල්මාමාMay 3, 2010
රනා මල්ලියේ උත්තර හම්බෙලා තියනවා නේද ?
Reply
rana May 6, 2010
1.
නැත. මම සිංහළ ත්‍රස්තවාදය සම්බන්ධයෙන්ද දරන්නේ එම මතයමයි.
සිංහළ ත්‍රස්තවාදය පරාජය කළ යුතුව තිබු බව මවිසින් දරණ මතය
ඉහත දක්වන ලද මගේ අදහසින් නිෂේද වන්නේ කෙසේද යන්න මටනම් පැහැදිළි නැත.
ඔබ උපකල්පන මතින් නිගමනවලට එළඹෙන බව පෙනේ…
මා එතනදී කියා ඇත්තේ 87-89 භීෂණය වළක්වා ගතව හැකිව තිබූ බව කීමටය.
එම භීෂණය ඇතිකිරීමේ පුරෝගාමි මෙහෙවරක් ජේ. ආර්. විසින් කරන ලද බව දැක්වීමටය.
එමගින් මම සිංහල ත්‍රස්තවාදය අනුමත නොකළෙමි.
නමුත් හේතුව කුමක් වුවත් ජ.වි.පෙ. මර්ධනය කිරීමට එවකට රජය ක්‍රියා කිරීම වැරද්දක් නොවේ.
එය පිළිගැනීම සම්බන්ධයෙන් මටනම් චකිතයක් ඇති නොවේ.
2.
(a) විශේෂ කාර්ය බලකාය හැදුවේ 1983දී බව ඇත්ත.
ඒ වගේම එය නැගෙනහිරින් වැඩ පටන් ගත් බවත් ඇත්ත.
ඒ වගේම අමතක කරන්න එපා ජ.වි.පෙ. තහනම් කළෙත් 1983දී කියලා.
1983-1987 කාළය තුළ සිංහල ප්‍රදේශ වල විශේෂ කාර්ය බලකාය යෙදෙව්වේ නැහැ.
ඒ කාළය තුළ ජ.වි.පෙ. ත්‍රස්තවාදය තුළට අවතීර්ණ වෙළා
හිටියේ නැති නිසා ඒ සඳහා අවශ්‍යතාවයක් තිබුනේ නැහැ.
ජේ. ආර්. බලාපොරොත්තු වුනේ බොහොම ඉක්මනට ජ.වි.පෙ. ආයුධ අතට ගනියි කියලා.
නමුත් ජ.වි.පෙ. එතනට ආවේ බොහෝ පහුවෙලා.
ඒ නිසා එස්. ටී. එෆ්. එකට දකුණේ වැඩ පටන් ගන්න 87 වෙනකම් බලා ඉන්න වුනා.
(b) නැහැ ඔබ කියන හේතුව නිවැරදි නැහැ.
ජේ. ආර්ගේ. ඉලක්කය තිබුනේ ජ.වි.පෙ.යි.
ඒකට හේතුව රෝහණ විජෙවීර 1982 ජනමත විචාරණයට විරුද්ධව පවරපු නඩුවයි.
එම නඩුව ඒ කාළය තුළ එ. ජා.ප. යට අවාසි සහගත අන්දමටයි කැරකුණේ.
ජ.වි.පෙ. පමණක් තහනම් කළානම් හොරේ අහුවෙනවා.
අනිත් අතට ඔය කියන පරණ වම ඒ වෙනකොට නන්නත්තාර වෙලා හිටියේ.
ඒගොල්ලන්ගේ කීමට වැඩ වර්ජන කරළා රැකියා නැතිවූ දහස් ගණනකගේ කෝපය එල්ළ වුනේ ඔවුන්ට.
80 ජුලි වර්ජනය ඛෙදවචාකයක් බවට පත් කිරීමෙන් පසු
ජනතාව එවන් ක්‍රියමාර්ගයකට නැවත අවනත කරගන්නට
ලෙහෙසි නොවන බව ජේ. ආර්. නොදැන සිටියා නොවේ.
අනිත් කාරණාව ඔබ පිළිගන්නවා එස්. ටී. එෆ්. එක සිංහල තාරුණ්යට
හෙට නැති කරන්න යොදා ගත්තා කියළා.
ඔබට තිබෙන එකම අවුළ එස්. ටී. එෆ්. එක පළමුව යොදා ගත්තේ
සිංහළයට විරුද්ධවද නැත්නම් දෙමළ තරුණයට විරුද්ධවද යන්නයි.
දෙමළ තරුණයට විරුද්ධව පළමුව යොදා ගත්තත්
ජ.වි.පෙ. මර්ධනයටත් එස්. ටී. එෆ්. යොදා ගැනීමට ජේ. ආර්. අදහස් කළ බව
නොදන්නේ දේශපාලනය පිළිබඳව සවිඥාණක නොවන අයට පමණි.
(c) නමුත් ඔබට මතක නැතිවාට ජ.වි.පෙ. තහනම් කළ දිනවල
ජේ. ආර්. කියපු කරපු කතාවල ජ.වි.පෙ. ආයුධ ගැනීම ගැන සඳහන් කරළා තිබෙනවා.
ඒ නිසා ජ.වි.පෙ. ත්‍රස්තවාදය නැති කිරීමට එස්. ටී. එෆ්. යොදා ගැනීමක්
ජේ. ආර්. ගේ හිත තුළ නොතිබූ බව කියන්නේ කෙසේද?
ජේ. ආර්. විසින් විනිමය වංචාවක් සම්බන්ධයෙන්
තමුන්ගේ ඥාතින් නිදහස් කර ගැනීමට සහ ඡන්දයේ වාසිය ගැනීමට
විජේවීරව නිදහස් කළත් ඔහුව වෙනත් ලෙසකින්
විනාශ කිරීමට සැලසුම් කළේ නැතයි කියන්නේ කෙසේද?
ජ.වි.පෙ. තහනම් කිරීම සමගම එස්. ටී. එෆ්. එක හැදෙන්නේ අහඹුවකින්ද?
3. රවි දේශපාලනය ප්රසිද්ධියේ නොකළා වෙන්න පුළුවන්.
එහෙත් ඔහුත් තම පියාගේ රාජ්ය ව්යාපෘතියක් දියත් කළා. එය වැරදිද?
එය නිවැරදිනම් නාමල් දේශපාලන ව්යාපෘතියක් ඇරඹීමේ වරද කුමක්ද?
වඩා වැරදි වන්නේ රාජ්ය නායකයාගේ පුත්‍රයා රාජ්ය ව්යාපෘතියක් ඇරඹීමද
නැත්නම් දේශපාලන ව්යාපෘතියක් ඇරඹීමද?
4.
(a)
රටේ අනාගතය බාරගැනීමට සිටින තරුණයන්ට වෙන්වූ අමාත්‍යංශය
අගුපිලක් සේ හැඳින්වීම තරුණයන්ට කළ අපහාසයක් නොවන්නේ කෙසේද?
හෙට දිනයේ අධ්යාපන අමාත්‍යංශයද එසේ හඳුන්වනු ලැබුවොත් එය පුදුමයක් නොවේ.
ඔබ කියන මාන වලින් බැලූ කළ තරුණ කටයුතු අමාත්‍යාංශය
ප්රවාහන අමාත්‍යාංශයට වඩා මිටි වන්නේ කරුණු කිහිපයකිනි.
පළමු එකනම් තරුණ කටයුතු වලින් කොමිස් ගැසීමට ඇති අවස්ථා අඩු වීමයි.
දෙවෙනි කරුණ ලෙස මා දකින්නේ ප්රවාහන අමාත්‍යාංශය හා සසඳන කළ
තමුන්ට උපකාරි කළ අයට ප්රත්යුපකාර කිරීමට තරුණ කටයුතු අමාත්‍යාංශය තුළ
ඉහළ රැකියා සංඛ‍යාවක් නැති කමයි.
නමුත් තරුණ කටයුතු නැංවීම අරමුණු කර ගත් අයෙකුට
ඉහත සඳහන් කළ දේ නොවටිනා බව අමුතුවෙන් කිව යුතු නොවේ.
ඔබ නිවැරදියි.
රනිල්ට පසු තරුණ කටයුතු අමාත්‍යංශයක් තිබූ බවවත් මතක නැත.
තරුණ කටයුතු අමාත්‍යංශය ඩලස්ට දීමෙන් ඒ අඩු පාඩුව සපුරා තිබේ.
ඉදිරියේදිත් එය එසේම විය යුතුද?
ඩලස්, තරුණයන් විශේෂයෙන්ම ජ.වි.පෙ. තරුණයන් ළඟින් ඇසුරු කළ අයෙකි.
එවන් අයෙක් තරුණ කටයුතු අමාත්‍යංශය බාර ගැනීම දෙස
ශුභවාදීව බලන්නට නොහැකි වී ඇත්තේ දේශපාලන කුහකත්වය නිසා මිස අන් කුමක් නිසාද?
(b) ඔබ මෙතැනදී නිවැරදියි.
හැමෝගෙම කිල්ලෝටවල හුණු තිබේ.
නමුත් තරුණයන් වළ පල්ලට දැක්කීමේදී එ. ජා. ප. යේ දායකත්වය සෙසු පාර්ශ්ව හා සසඳන කළ ඉතා ඉහළය.
(c ) ඔබ නොදන්නවාට මහින්ද විදේශගත වන විට
වෙනත් මංත්‍රීවරුද ඒ සමග යනු මා රූපවහිනියෙන් දැක ඇත.
ඔවුන් අතර මහින්දානන්ද අලුත්ගමගේ වැන්නවුන්ද සිටිනු මා දැක ඇත.
ඊට අමතරව විමල් වීරවංශ, ඩලස්, නිමල් සිරිපාල වැන්නවුන්ද මා දැක ඇත.
නාමල්ව මා දකින්නේ ප්‍රථම වතාවටයි.
නාමල්ගේ බප්පගේ ආයතන සංග්රහ විරෝධි වැඩ මොනවාදයි පැහදිළි කළොත් තුති.
මට ඒ පිළිබඳව අවබෝධයක් නැත.
6. යම් බඩගෝස්තරවාදී සංස්කෘතියක් හඳුන්වා දුන් විට එය ඉවත් කිරීම පහසු දෙයක් නොවේ.
විශේෂයෙන්ම පාර්ලිමේන්තුවේ බලය එල්ලී ඇති විටක එය ඉතා අපහසුය.
තුනෙන් දෙකක් බලාපොරොත්තු වනවිට එය නව පාර්ලිමේන්තුව තුළද දිස්වනු ඇත.
දේශපාලනය පිළිබඳව ලිවීමේදී හෝ කතා කිරීමේදී දැනෙන සුමුදු බව ප්රායෝගික දේශපාලනයේ දක්නට නැත.
ඒ අතරම දෑත ශක්තිමත් කිරීමට පැමිණි එ.ජා.ප. මංත්රීවරුන් මේ කාර්යය වඩා දුෂ්කර තත්වයකට පත් කර ඇත. මන්ද ඔවුන් පුරුදු පුහුණු වූ සංස්කෘතිය ඔවුන් තමුන්ගේ වත්මන් ස්ථානයෙන්ද බලාපොරොත්තු වන බැවිනි.
ඔබේ හෝ වෙන අයකුගේ කෑ ගැසීමේ අයිතියට බධා කිරීමට මට අවශ්ය නොවේ.
එහෙත් එම අයිතිය හරවත් දෙයක් වෙනුවෙන් පාවිච්චි කිරීම එම අයිතියේ බලවත් භාවය රැකගැනීමට හේතුවනු ඇත.
නැතහොත් එය අප වසර කිහිපයකට පෙර අත්දුටු ඊනියා මාරාන්තික උපවාස මෙන් ජනතාව අතර හාස්‍යයට ලක්වීම නොවැළැක්විය හැකි වනු ඇත.
Reply
හොඳහිතMay 6, 2010
1.
සමාවෙන්න මා නිගමනයන්ට එළඹෙන්නේ ඔබේ පහත සඳහන් වැකි තේරුම් ගත් අයුරිනුයි.
A)’ ඇත්ත. රවී ජයවර්ධන තාරුණ්යකට හෙටක් හැදුවේ නැහැ.
ඒ වෙනුවට තාරුණ්ය.ට අයිති හෙට නැති කරන්න විශේෂ කාර්ය බලකාය හැදුවා.
හැබැයි විශේෂ කාර්ය බලකාය නිවැරදි දේ සඳහා පළමුවෙන් යොදා ගත්තේ ඩී. බී. විජේතුංග මහතා “
මේ වැකිය කියන්නේ ඩී. බී. විජේතුංග මහතා විශේෂ කාර්ය බලකාය
LTTE ට පහරදීම සඳහා යොදා ගන්නා තෙක් වැරදි දේ කර ඇති බවයි.
මෙම (A)සඳහන .
එයට පෙර විශේෂ කාර්ය බලකාය යොදා ගත්තේ ජ.වි.පෙ. මර්ධනය කිරීමට පමණක් බව කියන ඔබේ පහත
(B) සටහනෙන් ,තවත් තහවුරු කරනවා.
මෙම (A) සටහනෙන් LTTE ත්‍රස්තවාදය මර්ධනය කිරිම හරි යයි ඔබ පිළිගන්නවා
නැත්නම් 87-89 භීෂණයක් බිහිනොවෙන්න තිබුණනේ.
ඉස්සෙල්ලා විශේෂ කාර්ය බලකාය හැදුවා
පස්සේ ජ. වි. පෙ. තහනම් කළා.
ඊට පස්සේ තරුණයෝ ටික බිල්ලට ගත්තා.
ඒ විදිහටයි ජේ. ආර්. තමුන්ගේ පුතාව යොදා ගත්තේ තාරුණ්ය ට අයිති හෙට නැති කරන්න “
ඉහත (B) සටහන සිංහළ ත්‍රස්තවාදය මර්ධනය කිරිම පිළිබඳව ඔබේ අනුකම්පාව පෙන්නුම් කරනවා.
එනම් LTTE ත්‍රස්තවාදය මර්ධනය කිරීම නිවැරදි ක්රියාවක් බව පිළිගන්නා ඔබ
සිංහළ ත්‍රස්තවාදය මර්ධනය කිරිම පිළිබඳව අනුකම්පා සහගත ලෙස යොදන
“බිල්ලට ගත්තා “යන වචන මට කියැවෙන්නේ ඔබ මෙම කණ්ඩායම් දෙක පිළිබඳව මත දෙකක් දරණ බවයි.
මගේ සිංහළ දැනුමේ මදි කම නිසා මට මෙසේ කියවෙනුද වියහැකියි.
නමුත් ඔබේ සිංහළ ත්‍රස්තවාදය සම්බන්ධයෙන් දරණ මතය ඉහත දක්වන ලද
ඔබේගේ අදහසින් නිෂේද වන බවක් නොකීවෙමි.
2
(a)
ජ.වි.පෙ. තහනම් කළෙත් 1983දී කියලා මා අමතක නොකරම සඳහන් කොට ඇති බව නැවත කියවුවහොත් පෙනෙනු ඇත.
“ 1983-1987 කාළය තුළ සිංහල ප්රමදේශ වල විශේෂ කාර්ය බලකාය යෙදෙව්වේ නැහැ.
ඒ කාළය තුළ ජ.වි.පෙ. ත්රශස්තවාදය තුළට අවතීර්ණ වෙළා හිටියේ නැති නිසා ඒ සඳහා අවශ්ය තාවයක් තිබුනේ නැහැ.
ජේ. ආර්. බලාපොරොත්තු වුනේ බොහොම ඉක්මනට ජ.වි.පෙ. ආයුධ අතට ගනියි කියලා.
නමුත් ජ.වි.පෙ. එතනට ආවේ බොහෝ පහුවෙලා.
ඒ නිසා එස්. ටී. එෆ්. එකට දකුණේ වැඩ පටන් ගන්න 87 වෙනකම් බලා ඉන්න වුනා. “
ඔබේ මේ අදහසට මම එකඟ නොවෙමි.
විශේෂ කාර්ය බලකාය 1983 වනවිට සන්නද්ධව සිටි LTTE ට
එරෙහිව සටන් කිරිමට හැදුවා වෙනුවට
“ඉක්මනට ජ.වි.පෙ. ආයුධ අතට ගනියි කියලා ,ඉස්සෙල්ලා විශේෂ කාර්ය බලකාය හැදුවා පස්සේ ජ. වි. පෙ. තහනම් කළා.
නමුත් ජ.වි.පෙ. එතනට ආවේ බොහෝ පහුවෙලා.
ඒ නිසා එස්. ටී. එෆ්. එකට දකුණේ වැඩ පටන් ගන්න 87 වෙනකම්
නැගෙනහිර ට වෙලා බලා ඉන්න වුනා.”
යයි සිතන්නට ඔබට අයිතියක් ඇතිමුත් මා එය එසේ යයි නොසිතමි.
“ජේ. ආර්ගේ. ඉලක්කය තිබුනේ ජ.වි.පෙ.යි.
ඒකට හේතුව රෝහණ විජෙවීර 1982 ජනමත විචාරණයට විරුද්ධව පවරපු නඩුවයි.
එම නඩුව ඒ කාළය තුළ එ. ජා.ප. යට අවාසි සහගත අන්දමටයි කැරකුණේ.
ජ.වි.පෙ. පමණක් තහනම් කළානම් හොරේ අහුවෙනවා.
අනිත් අතට ඔය කියන පරණ වම ඒ වෙනකොට නන්නත්තාර වෙලා හිටියේ.
ඒගොල්ලන්ගේ කීමට වැඩ වර්ජන කරළා රැකියා නැතිවූ දහස් ගණනකගේ කෝපය එල්ළ වුනේ ඔවුන්ට.
80 ජුලි වර්ජනය ඛෙදවචාකයක් බවට පත් කිරීමෙන් පසු ජනතාව එවන් ක්රි8යමාර්ගයකට
නැවත අවනත කරගන්නට ලෙහෙසි නොවන බව ජේ. ආර්. නොදැන සිටියා නොවේ”.
ඔබ ඔය කියන්නේ ජ.වි.පෙ. ඒ ගැන දැරූ මතය පටලවාගෙන.
නැක්සලයිට් කුමන්ත්රනණ ගැන ජේ.ආර්.1982 ජනාධිපතිවරණය අවසානයේ කථාකරනවා.
නමුත් ඉලක්කයවුනේ විජය කුමාරතුන්ගවයි.
එ නිසා ඔහුව සිරගත කරනු ලබනවා.
ජේ.ආර් 1982 ජනමත විචාරණය ඉතාමත්ම නීච අයුරින් ජය ගන්නවා.
රෝහණ විජෙවීර 1982 ජනමත විචාරණයට විරුද්ධව නඩු පවරනවා.
මේ අතර දී රජය පැරදුන ආසන 14 ක් සඳහා වු අතුරු මැතිවරණයක් 1983 මැයි මස 18 වැනිදා පවත්වනවා.
මහරගම,මතුගම .බද්දෙගම,අක්මීමන යන ආසනවලින් රජය පරාජය ලබනවා.
නමුත් 1982 ජනාධිපතිවරණය දී රෝහණ විජෙවීර චන්ද 273428 ක් ලබාගත්තද ,
අතුරු මැතිවරණයේදී ඔවුන් තරග කළ
රත්ගම කම්බුරුපිටිය සහ දෙවිනුවර යන ආසන වලින් පරාදවන්නේ
ජනාධිපතිවරණය දී රෝහණ විජෙවීර ලැබූ චන්දවත් නොලබමින්.
ඊට පසුව 1983 කළු ජූලියේ දි ජ.වි.පෙ ,කො.ප. සහ න.ස.ස.ප තහනම් කරනවා.
අනිත් අතට ඔය කියන පරණ වම ඒ වෙනකොට නන්නත්තාර නොවියැයි මා කොතනකවත් කියා තිබේද?
ඒ ගැන මා අමතක නොකරම සඳහන් කොට ඇති බව නැවත කියවුවහොත් පෙනෙනු ඇත
මේ තමා අනුපිළිවෙල.
1983 වනවිට ජ.වි.පෙ.චන්ද පදනම අඩුවුනත් සාම්ප්රෙදායික වෘත්තිය සමිති අභිබවමින් ඉදිරියටම පැමිණ තිබුනා.
එයයි ජේ.ආර්.ට තිබු තර්ජනය.
ජ.වි.පෙ ආයුධ ගන්නා බව දැන සිටියානම් ජේ.ආර්.ජ.වි.පෙ.පමණක් තහනම් කළයුතුව තිබුනා.
එයට කිසිවකු එරෙහිවන්නේ නැත.
නමුත් කම්කරු අරගලයක් මෝදුවනු දු‍ටු විට එසේ කිරීමට නොහැකි නිසා
කළු ජූලිය පිට පටවා ජ.වි.පෙ ,කො.ප. සහ න.ස.ස.ප යන පක්ෂ තුන තහනම් කළා.
සම සමාජයේ කොල්වින්ගෙන් ජේ.ආර්.ට තර්ජනයක් තිබුනේ නැහැ හරියටම පසුගිය කාළයේ මහින්දට වාසු වගෙයි එය.
නමුත් එදා වාසු සහ බාහු ගැනත් කො.ප.ය ගැනත් සැකයක් ජේ.ආර්.ට තිබුනා.
ඉතා ඉක්මනින්ම කොප ගැන තිබුනාවූ සැකය ඉවත්කරගත්තද න.ස.ස.ප සහ ජ.වි.පෙ.ගැනවු සැකය තව දුර ගියා.
අවසානයේදී න.ස.ස.ප තහනම ඉවත්වුවත් ජ.වි.පෙ තහනම දිගටම ගියා.
නමුත් ජ.වි.පෙ ආයුධ ගන්නේ 1987 ඉන්දු ලන්කා ගිවිසුමට එරෙහිවයි.
මහින්දටත් වඩා බල සම්පන්නව සිටි ජේ.ආර්.ට උසාවියේ තිබෙන නඩුවක් කරකවා ගන්නට බැරි බව ප්රකාශ කිරීමටත්,
ජ.වි.පෙ. පමණක් තහනම් කළානම් හොරේ අහුවෙනවා බය වුනා යයි සිතන්නට ඔබට අයිතියක් ඇතිමුත් මා එය එසේ යයි නොසිතමි.
මා පිළිගන්නවා එස්. ටී. එෆ්. එක සිංහල තාරුණ්යකට හෙට නැති කරන්න යොදා ගත්තා කියළා.
එය එසේ නොවියැයි මා කොතනකවත් කියා තිබේද?
එස්. ටී. එෆ්. එක පළමුව යොදා ගත්තේ
සිංහළයට විරුද්ධවද නැත්නම් දෙමළ තරුණයට විරුද්ධවද යන්න ගැන
කිසිදු අවුළක් මා හට නැතත් ඒ ගැන අවුළක් ඔබට ඇතිබව ඔබේ සටහන් වළින්ම පෙනේ.
දේශපාලනය පිළිබඳව සවිඥාණක ඔබ දෙමළ තරුණයට විරුද්ධව පළමුව යොදා ගත්තත්,
ජ.වි.පෙ. මර්ධනයටත් එස්. ටී. එෆ්. යොදා ගැනීමට ජේ. ආර්. අදහස් කළ ලෙසට
පලමු ප්රකාශය වෙනස් කර ඇති අයුරු අවිඥාණකවම පෙනේ..
(c)
නමුත් ඔබට මතක නැතිවාට 1982 ජනාධිපතිවරණය අවසානයේ
ජේ. ආර්. කියපු කරපු කතාවල නැක්සලයිට් කුමන්ත්ර ණ ගැන, ආයුධ ගැනීම ගැන සඳහන් කරළා තිබෙනවා.
නමුත් ජ.වි.පෙ. ත්‍රස්තවාදය නැති කිරීමට එස්. ටී. එෆ්. යොදා ගැනීමක්
ජේ. ආර්. ගේ හිත තුළ තිබූ බවට උපකල්පන මතින් නිගමනවලට එළඹෙන්නේ කෙසේද?
ජේ.ආර්.ගේ හෝ මහින්දගේ සිත් තුළ තිබෙනදේ කෙසේවෙතත්
මගේ ළඟම මිතුරාගේ සිත තුළ තිබෙනදේ වුව කීමට මා හට නොහැක.
ජේ. ආර්. විසින් විනිමය වංචාවක් සම්බන්ධයෙන් තමුන්ගේ ඥාතින් නිදහස් කර ගැනීමට
සහ ඡන්දයේ වාසිය ගැනීමට විජේවීරව නිදහස් කළත්
ඔහුව වෙනත් ලෙසකින් විනාශ කිරීමට සැලසුම් කළේ යයි
උපකල්පන මතින් නිගමනවලට එළඹෙන්නේ කෙසේද?
ජ.වි.පෙ. තහනම් කිරීම සමගම එස්. ටී. එෆ්. එක හැදෙන්නේ අහඹුවකින්යැයි මා කොතනකවත් කියා තිබේද?
1983 දී විශේෂ කාර්ය බලකාය හැදුවේ LTTE නිසායි මා කියන්නේ එය පැහැදිළිවම පෙනුන නිසාවෙනි.
නමුත් ජේ. ආර්. ගේ හිත තුළ තිබුනදෑ කියන්නට මට නොහැක.
ජේ.ආර්.එසේ කියා තිබුනානම් මම එය එසේ යැයි පිළිගනිමි.
3. රවි දේශපාලනය ප්රසිද්ධියේ නොකළා පමණක් නොව තම පියාගේ රාජ්ය ව්යාපෘතියක් දියත් කළා. එය අද ද පවති.
එය ඔබ කියන අයුරින්ම නිවැරදි දේ සඳහා පළමුවෙන් යොදා ගත්තේ ඩී. බී. විජේතුංග මහතා. එය වැරදිද? එය නිවැරදියි .
නමුත් නාමල් දේශපාලන ව්යාපෘතියක් ඇරඹීමේ වරද වන්නේ එය රටේ යහපතට නොව
හුදෙක් තම පියාගේ බල ව්යාපෘතිය සහ තම පුද්ගල ප්රාතිරූපය ගොඩ නගාගැනීමට පමණක් යොදාගැනීමයි.
මෙහිදී වැරදි වන්නේ රාජ්ය් නායකයාගේ පුතා
තම පියාගේ රාජ්ය බලය සහ රාජ්ය සම්පත් භාවිතා කරමින් පුද්ගළික දේශපාලන ව්යාපෘතියක් ඇරඹීමය.
එසේ නොකියා සිටිමට නම් නාමල්ගේ දේශපාලන ව්යාපෘති වලින් තාරුණ්යට සිදුවී ඇති සේවාවන් පහදාදෙන්න.
4.
(a)
රටේ අනාගතය බාරගැනීමට සිටින තරුණයන්ට වෙන්වූ අමාත්‍යංශය අගුපිලක් සේ හැඳින්වීම
තරුණයන්ට කළ අපහාසයක් නොවන්නේ
කැබිනට් මණ්ඩලය ගෙයක් සහ අමාත්‍යංශය එහි කාමරසේ සැළකුවහොත් ජේ.ආර්.ගෙන් පසු හැම රජයක්ම පාහේ
තරුණයන්ට වෙන්වූ අමාත්‍යංශය තබා තිබුනේ අගුපිලේ බැවිණි.
එනිසා සැබවින්ම අපහාස කළවුන් වන්නේ පාලකයන් මිස Beyond Frame හෝ මල් මාමා හෝ මා නොවේ.
ඔබ මෙතැනදී නිවැරදියි හෙට දිනයේ අධ්යාපන අමාත්‍යංශය එසේ හඳුන්වනු ලැබුවොත් එය පුදුමයක් නොවේ.
ඔබ නිවැරදියි මා කියන මාන වලින් බැලූ කළ තරුණ කටයුතු අමාත්‍යංශය ප්රවාහන අමාත්‍යංශයට වඩා මිටි වන්නේ,
තරුණ කටයුතු වලින් කොමිස් ගැසීමට ඇති අවස්ථා අඩු වීම.
ප්රවාහන අමාත්‍යාංශය හා සසඳන කළ තමුන්ට උපකාරි කළ අයට ප්රත්යුපකාර කිරීමට
තරුණ කටයුතු අමාත්‍යංශය තුළ ඉහළ රැකියා සංඛ‍යාවක් නැති කම
සහ සරළව කිවහොත් පොදු ජනයා මෙය එතරම් බලගතු අමාත්‍යංශයයක් යයි පිළිනොගැනීමයි.
නමුත් මෙවර වෙනදා නොතිබුණු විශයයන්ද එක්කොට ඔහුට යම් සාධාරණයක් සිදු කර ඇත.
එය එසේ වුයේ ඔහුගේ විරෝධය පෑම සහ Beyond Frame ගේ
මේ ලිපිය නිසා විහහැකියයයි උපකල්පන මතින් නිගමනවලට නොඑළඹෙමි.
ඔබ නිවැරදියි .තරුණ කටයුතු නැංවීම අරමුණු කර ගත් අයෙකුට ඉහත සඳහන් කළ දේ නොවටිනා බව අමුතුවෙන් කිව යුතු නොවේ.
ප්රවාහන ඇමතිව සිටියදී පවා ඩලස් තාරුණ්යයේ තක්සලාව නමින් වූ ව්යාපෘතියක් දියත් කළා.
තරුණ කටයුතු අමාත්‍යංශය ඩලස්ට දුන්නේ ඒ අඩු පාඩුව සපුරන්නටයයි උපකල්පන මතින් නිගමනවලට එළඹෙන්නේ කෙසේද?.
තරුණයන් ළඟින් ඇසුරු කළ අයෙක්වු ඩලස් , තරුණ කටයුතු අමාත්‍යංශය බාර ගැනීම දෙස
ශුභවාදීව බලන්නට නොහැකි වී ඇත්තේ දේශපාලන කුහකත්වය නිසා නොව,
මහින්ද වෙනුවෙන් ඔහුදර දිය ඇදි අයුරින් ඔහුට සැලකියයුත්තේ මේ අයුරින් නොවන බවත්
පැහෑදිළිවම ඔහුට කුඩම්මාගේ සැළකිලි ලැබී ඇති බවත් පෙනෙන නිසා මිස අන් කුමක් නිසාද?
නමුත් කුහක ඇසින් මේ ලිපිය කියවුවහොත් එය ඔබේ මතවාදයට සමපාත වනබවට අන් කවර කතාද?
(b)
තරුණයන් වළ පල්ලට දැක්කීමේදී එ. ජා. ප. යේ දායකත්වය සෙසු පාර්ශ්ව හා සසඳන කළ ඉතා සමානය.
නමුත් සිංහළ තරුණයන් වළ පල්ලට දැක්කීමේ එ. ජා. ප. යේ දායකත්වය ජ.වි.පෙ හා සසඳන කළ විසි දහසකින් පමණ අඩුය.
(c )
ඔබ නිවැරදියි, මහින්ද විදේශගත වන විට වෙනත් මංත්රී වරුද ඒ සමග යනු මා රූපවහිනියෙන් දැක නැත.
ඒ මා රූපවාහිනිය නොබලන නිසාවෙනි.
නමුත් විමල් වීරවංශ හැර අන් අය ඇමතිවරුන්ය.
ඔවුනට නිල ගමන් ඇත.
විමල් එසේ නිල නොවන ගමන් ගොස් ඇත්නම් එයද වරදකි.
නැවතත් ඔබ උත්සාහ ගන්නේ ඔවුන් එසේ කළ බැවින් ප්ර්ථම වතාවට නාමල් එසේ කිරීම වරදක් නොවේ යයි කියන්නද?
නාමල් තම පුද්ගලික වියදමින් මේ ගමන ගියානම් අප හට අවුළක් නැත.
ඇයි ඇස් පනාපිට පෙනෙන වරද නොතකා හරින්නේ?
මගේ දැනුමේ හැටියට රජයේ විධායක ශ්රේණියේ නිලධාරිනට ප්ර සිද්ධියේ දේශපාලනය කිරිමේ අයිතිය නැත.
ඔවුනට ඇත්තේ චන්දය පාවිච්චිකෙරුමේ අයිතිය පමණි.
නාමල්ගේ බාප්පාටද ඒ නීතිය අදාළය.
නමුත් ඔහු පසුගිය මැතිවරණ දෙකේදීම දේශපාලන රැස්වීම් ඇමතූ බවට ජාතික පුවත්පත්හි වාර්තා පළවිය.
එම පුවත් වැරදියයි සඳහන් නිවැරදිකිරීම් නොදු‍ටුවෙමි.
නාමල්ගේ බාප්පාගේ ආයතන සංග්රහ විරෝධි වැඩ පිළිබඳව අවබෝධයක් ඔබට ලැබිනැයි හඟිමි.
6.
කේවල හෝ සමානුපාත හෝ යන කුමන ක්රකමයෙන් වුවද එක පක්ෂයකින් වැඩිම ඔලුගණන පත්වුයේ මෙවරය.
1977 දී ජේ.ආර්. 160 කින් ලබාගත්තේ 140කි.
මෙවර 225 කින් 144 කි.දැනටම එය 146 ක් වී ඇත.
මෙය පාර්ලිමේන්තුවේ බලය එල්ලී ඇති අවස්තාවක් නොවන බැවින්
තුනෙන් දෙකක් බලාපොරොත්තු වුවද
බඩගෝස්තරවාදී සංස්කෘතිය ඉවත් කිරීම ඉතා පහසු දෙයක් වේ.
උවමනාකරන්නේ වේදීකාවේදී ගිරිය පුප්පාගෙන කෑ ගසා කී
කැපවිම ඔප්පුකර පෙන්වීම පමණි.
විශේෂයෙන්ම දේශපාලනය පිළිබඳව ලිවීමේදී හෝ කතා කිරීමේදී
මහින්ද ඇතුළු පිරිස පෙන්වූ සුමුදු බව සන්වේදී බව ප්රායෝගික දේශපාලනයේ දක්නට නැත.
ඒ අතරම දෑත ශක්තිමත් කිරීමට පැමිණි එ.ජා.ප. මංත්රීවරුන් තවදුරටත් එ.ජා.ප. නොවේ.
ඔවුන් ශ්රි.ල.නි.ප සාමාජිකයන්ය.
බොහෝ තැන්වලදි ජනතාවගේ ඉහළම මනාපය ඔවුන් හට ලබාදී ඇත.
ඔවුන් පුරුදු පුහුණු වූ සංස්කෘතිය ඔවුන් තමුන්ගේ වත්මන් ස්ථානයෙන්ද බලාපොරොත්තු වනවා
යයි කියන්නේ මේ අයගෙන් කවුරුන් ගැනද?.
මොවුන් ගැනද?
1.දුමින්ද 2.තිලන්ග 3.ලොකුගේ 4.මර්වින් 5.මහින්ද 6.රාජිත
7.නන්දිමිත්ර 8.නවීන්.9.කෙහෙලිය 10.අමුණුගම,
11.මහින්ද යාපා 12.ලක්ෂ්මන් යාපා.13.දයාරත්න,
14.ජොන්ස්ටන් 15.ඉන්දික
16. නියොමාල්17.,සූරිය ආරච්චි,
මා දන්නා පරිදි එ.ජා.ප.මන්ත්රීවරයකුව හෝ සන්විධායකුව දේශපාලනය ආරම්භකොට
වත්මන් පාර්ලිමෙන්තුවේ රජයේ මන්ත්රීවරුන් ලෙස කටයුතු කරන්නේ මෙම 17 දෙනා පමණි.(මා වැරදි නම් එය පෙන්වනු මැනවි) .
මගේ හෝ වෙන අයකුගේ කෑ ගැසීමේ අයිතියට ඔබ බාධා කළ බවක් මා කොතනකවත් කියා තිබේද?.
ඩලස්ට සිදුවූ අසාධාරණය ගැන කෑ ගැසීම නිසා වෙන් කෑ ගැසීමේ අයිතිය හරවත් දෙයක් වෙනුවෙන් පාවිච්චි කිරීමට හෝ
එම අයිතියේ බලවත් භාවය රැකගැනීමට නොහැකිවන්නේ කෙසේද?
මැතිතුමණි,
මා සටහන් කළේ ඔබත් මමත් හොඳින්ම දන්නාවූ සත්යය කරුණු පමණි.
මම කිසිම උපකල්පිතයකින් නිගමනයකට නොපැමිණියෙමි.
ඔබ වැනි දේශපාලන සවිඥාණක අයට එසේ නිගමන වලට පැමිණියහැකි බව දනිමි.
නමුත් සාමානයය ගැමියකු වන මා දන්නේ මා සතු දත්ත කැටි කොට අපහසුවෙන් වුව ජාල ගත කිරීමට පමණි.
එහෙයින් මාතින් යම් වරදක් සිදුව ඇතිනම් එය කමා කොට නිවැරදි කරනු මැන.
එසේම උගුරට හොරා බෙහෙත් කෑම දිගටම කළහොත් නුදුරු දිනෙක ඔබ ජනතාව අතර හාස්ය යට ලක්වීම නොවැළැක්විය හැකි වනු ඇත.
Reply
ranaMay 21, 2010
ජේ. ආර්. ජයවර්ධන බොහෝ රැස්වීම් වළ ජ.වි.පෙ. මැයි පෙළපාලිවල ස්වභාවය ගැන භීතිය පළ කොට තිබුණි. ඔවුන් හමුදාවල මෙන් පෙළපාලි යතියි ඔහු නිතර දෙඩුවේය. මමද එවන් කතාවක් සජීවීව අසා ඇත. ඉන් ඔහු ජ.වි.පෙ. ආයුධ ගනිතියි සැක පහළ කොට ඇති බව පැහැදිළිය. නමුත් ජ.වි.පෙ. ආයුධ අතත ගන්නේ බොහෝ කළ් ගොස්ය. එනිසා ජ.වි.පෙ. පමණක් තහනම් කිරීම ඔහුට සධාරණීකරණය කිරීමට හැකියාවක් තිබුනේ නැත. සෙසු නාමික වමේ පක්ෂ තහනම් කරන්නේ ජ.වි.පෙ. පමණක් ඉලක්ක කළ බව සැඟවීමටය. 1980 ජුලි වර්ජකයන්ගේ පරාජයත් සමග නැවත ජ.වි.පෙ. ට හෝ සක්‍රයාටවත් එවැනි වර්ජනයක් දියත් කළ නොහැකි බව ජේ. ආර්. ට අවබෝධ නොවිණිනම් ලෝක පුදුමයකි. ඔබට ජ.වි.පෙ. තහනම් කළ හේතුව එය යයි හැඟේනම් මට කළ හැකි දෙයක් නැත.
ජේ. ආර්. ජයවර්ධන බොහෝ බලගතු පුද්ගලයෙකුව සිටි බව සැබෑවකි. නමුත් ඔහුට සමහර නඩු තීන්දු ඔබ කියන අයුරින් තමුන්ගේ පැත්තට කරකවා ගැනීමට නොහැකි විය. එවන් අවස්ථාවලදී ඔහුට තමුන්ගේ ප්‍රජාතන්ත්‍රවාදී බලකාය එම නඩු තීන්දු දුන් විනිසුරන්ගේ නිවෙස් ඉදිරිපිටට ගෙනගොස් හූ කීමට සහ ගල් ගැසීමට යොදා ගත් අයුරු ඔබට මතක ඇතයි සිතමි. එමෙන්ම දෙවැනි මැතිවරණයකදී, පළමු මැතිවරණයේදි පරාජිත වුවන්ගේ ඡන්ද පළමු වරට වඩා අඩු වීම ස්වභාවිකය. එය ජ.වි.පෙ. ට විශේෂ වූවක් නොවේ.
නාමල් රාජ්ය සම්පත් තාරුණයට හෙටක් සඳහා පාවිච්චි කර ඇත්තේ කෙළෙසදැයි ඔබගේ දත්ත වළින් පැහැදිළි කරන්නේනම් කෘතඥ වෙමි. කෙසේ වෙතත් දේශපාලන වයාපෘතියකින් මූලිකවම අපේක්ෂා කරන්නේ තමුන්ගේ ප්‍රතිරූපය නැංවීම මිස අන් කවරක්ද? සජිත්ගේ ජන සුවයත්, ප්‍රේමදාසගේ සුචරිතයත් එසේ නොවේයයි ඔබට කිව හැකිද? තාරුණ්යට හෙටක් මගින් තරුණයන් ඉලක්ක කරමින් ඉංග්‍රීසි පන්ති පැවැත්වීම, පරිඝනක පාඨමාලා පැවැත්වීම යන්න මා දන්නා යම් සෙවාවන්ය.
නිවැරදියි. ඔබ කියනා අයුරින්ම තරුණ කටයුතු අමාත්‍යංශය මීට පෙර සෑම ආණ්ඩුවක් විසින්ම අගුපිලෙහි තබා තිබුණි. නමුත් තරුණ කටයුතු අමාත්‍යාංශය අගුපිළක් සේ සැලකීමට මට නොහැකිය. දැන් එම තත්වය වෙනස් වී ඇත්නම් අප කළ යුත්තේ සතුටු වීම නොවේද? අනික් අතට බියොන්ඩ්ෆ්‍රේම් විසින් එය හඳුන්වා දුන්නේ අගුපිලක් ලෙසටය. එය ඩලස්ට දීම ඔහුට කළ මදි කමක් ලෙස හැඳින්විනි. මා විරුද්ද වූයේ එයටය. ඩලස් විසින් තරුණයන් සඳහා ඔබ කියන අයුරින් වයාපෘතියක් අරඹා තිබුණේනම් තරුණ කටයුතු අමාත්‍යංශය ඔහුට ලබා දීම නිවැරදි තීරණයක් නොවන්නේ කෙසේද?
ඩලස්ට දුන් ඇමති කම නිසා ඔහුට අසාධාරණයක් නොවූ නිසා ඒ වෙනුවෙන් කෑ ගැසීම පළක් නැති දෙයකි. පළක් නැති දෙයකට කෑ ගැසීම මගින් කෑ ගැසීමෙ අයිතිය බාල්දු වන බව ඔබගේ ජාල ගත දත්ත වලින් පෙන්නුම් නොකිරීම මට පුදුමයක් නොවේ.
ඔබ සඳහන් කරන ලෙස ජ.වි.පෙ. විසින් කරන ලද ඝාතන ප්‍රමාණය එ.ජා.ප. විසින් කරනලද ඝාතන සංඛ්‍යාවට වඩා වැඩිය. එක්කෝ ඔබගේ දත්ත වැරදිය. නැත්නම් ඔබ එම දත්ත ජාල ගත කර තිබෙන අයුරු වැරදිය. මා දන්නා දත්ත අනුව 89-90 කාළය තුළ මියගියවුන්ගේ සංඛ්‍යාව 65000ක් පමණ වේ. ඉන් 6000කට පමණ වගකියා ඇත්තේ ජ. වි. පෙ. ය. එ.ජා.ප. ය සහ එහි අනුභද්ධ කණ්ඩායම් විසින් ඉතිරි 59000ට වග කියා තිබේ.
ඇමති කෙනෙකුට ඇති නිල තත්වයම මන්ත්‍රි කෙනෙකුට නැතත් මන්ත්‍රී කෙනෙකුට ඒ සඳහා සහභාගි වීමට නිල තත්වයක් නැතැයි කියන්නෙ කුමන පදනමකින්දැයි මට නොතේරේ. නාමල් ජනාධිපතිගේ පුතා නිසා ඔහුට තිබෙන නිල තත්වය අහිමි වේද? විමල්ට එම නිල තත්වය නැත්තේ ඇයි?
මා දන්නා තරමින් ඝෝඨාභය දේශපාලන රැස්වීම් අමතා නැත. ඔහු විසින් සිදු කරන ලද්දේ වෙනම සම්මණ්ත්‍රණ මාලවක් දියත් කිරීමයි. ඒ සඳහා ඔහුට අයතන සංග්‍රහයෙන් හෝ වෙන යමකින් බාධාවක් ඇත්ද?
ඔබ කළින් සඳහන් කළ පරිදි ප්රේමදාස නැතිවී අවුරුදු 17කට පසුවත් බඩගෝස්තරවාදී දේශපාලනය වෙනස් කළ නොහැක්කේ පර්ලිමේන්තුව එල්ලී සිටි නිසා බව සඳහන් කළේ මීට මාසයකට පෙර තිබුනු පර්ලිමේන්තු එල්ලී සිටි බැවිනි. අලුත් පාර්ලිමේන්තුවද 2/3 ක් නැත. 2/3 සම්පූර්ණ කිරීමෙදි කලින් ආණ්ඩු මුහුන් දුන් අභියෝගවලට මේ ආණ්ඩුවටද මුහුන් දීමේ අවදානමක් පවතී. කෙසේ වෙතත් දැනට කැබිනට් මණ්ඩලය කළින් තරම් විශාළ නැත. එය විශාළ නොවේවායි පතමි. ඔවුන් දැන් ශ්රි.ල.නි.ප. මන්ත්‍රී වරු වුවත් ඔවුන් ඇමති තනතුරු බලාපොරොත්තු වෙති. ඔබ නම් සඳහන් කර ඇති මංත්‍රීවරුන්ගෙන් කවුරුන් හෝ ඇමති කම් බලාපොරොත්තු නොවනවනම් එම පින්වත් මන්ත්‍රීවරයගේ නම ඉදිරිපත් කරන්න.
මමද ගැමියෙකි. දේශපාලන සවිඥ්ඥාණකත්වය ලබා ගැනීමට ගැමි කම බාධාවක් නොවේ. එය පිටුවහලක් වියහැකි බව මගේ විස්වාසායයි. අහස දෙස බලන ගැමියකුට හවසට වහින බව කිය හැකි මුත් දත්ත කැටිකොට ජාල ගත කරන්නාවූ කාළගුණ විද්‍යා දෙපාර්තමේන්තුව එහිදී අසමත් වෙයි.
නිවැරදි යමක් වෙනුවෙන් පෙනී සිටීම නිසා හාස්‍යයට ලක් වේනම් එම හාස්‍යය මම ඉතා ආදරයෙන් වැළඳ ගමි. ඒ සමගම සත්යය සහ නිවැරද්ද වෙනුවෙන් හාස්‍යයට ලක් වූ බොහෝ අය ඉතිහාසය විසින් නිදොස් කරන ලද බව ඔබට මතක් කර දීමට මෙය අවස්ථාවක් කර ගනිමි.
May 22, 2010
| @ rana |
- “තමුන් විසින් තනන ලද ත්‍රස්තවාදයක් මර්ධනය කිරීම නිවැරදි නොවේ. ”
ජේ.ආර්.විසින් ත්‍රස්තවාදය ඇති කළායයි ඔබ කීවද
ජ.වි.පෙ තහනම් කළ පමණින් ත්‍රස්තවාදය ට යොමුවීම සාධාරණය කරන්නේ කෙසේද?
1986 දී දයා පතිරන මැරුවේ ඇයි?
2.“කළ යුතුව තිබුනේ ත්‍රස්තවාදය ඇති නොකර සිටීමයි.”
ජ.වි.පෙ කළ යුතුව තිබුනේ ත්‍රස්තවාදය ඇති නොකර සිටීමයි
3.“මා ජ.වි.පෙ. මර්ධනය පිළිබඳව යම් අනුකම්පාවක් දක්වන්නේ එම හේතුව නිසාය. සිංහල ත්‍රස්තවාදය ගැන මා වෙනස් විදිහකට සිතනවායයි ඔබට සිතෙන්නේ එබැවින් විය යුතුය.”
සිංහල ත්‍රස්තවාදය ගැන ඔබ වෙනස් විදිහකට සිතනවායයි මට සිතෙන්නේ
දෙමල ත්‍රස්තවාදයට ද ජ.වි.පෙ ට මෙන්ම සාධාරණ හේතු
තිබුන බව ඔබ පිළිගන්නා බවක් නොපෙනෙන නිසාය.
මා සියළුම ත්‍රස්තවාදයට එරෙහිය.
නමුත් ඒ මුවාවෙන් තරුණයන් මරාදමනවාට ඊටත් වඩා එරෙහිය.
එය 1971 හෝ 1987 සිංහල ත්‍රස්තවාදය හෝ 1976 සිට දෙමළ ත්‍රස්තවාදය කියා කිසිම වෙනසක් නැත. අනෙක් අතට මේ දෙගොල්ලනටම රජයට එරෙහිව යාම සඳහා සාධාරණ හේතු තිබුන බව පිළිගනිමි.
නමුත් කිසිවෙකුටත් ආයුධ අතට ගැනීමට අයිතියක් ඇතයි නොසිතන අතර එයට එරෙහිවෙමි.
ආයුධ අතට ගත් අයට එරෙහිවීමට රජයකට ඇති අයිතිය පිළිගනිමි.
නමුත් එය මුහුණට මුහුණලා කරන සටනකදී සිදුවෙන මරාදැමීමකට සීමාවියයුතුය.
ආයුධ සමග හෝ නිරායුධව හෝ අල්ලාගත් හෝ යටත්වූවකුහට
රටේ පවතින නීතියට අනුකූලව දඬුවම් දෙනු විනා මරා දැමීම කිසිසේත් අනුමත නොකරමි.
ශීලාචාර රජයකට එය කිසිසේත්ම නොගැලපෙන්නකි.
නමුත් ඉහත අවස්ථා තුනෙහිදීම එය එසේ නොවූ බවට අප අතර විවාදයක් ඇතිවේයයි නොසිතමි.
එසේ මරා නොදමා පුනරුත්තාපනය කළ හෝ සමාව ලද පසුව හෝ සිවිල් සමාජයට එකතුවුන අයගේ නම් කිහිපයකි මේ.
වික්ටර් අයිවන්,ජයදේව උයන්ගොඩ,මහින්ද විජේසේකර,ජි.අයි.ඩී.ධර්මසේකර,1971 දී,
නන්දන ගුනතිලක,බිමල් රත්නායක,සුනිල් හඳුන්නෙති,පියසිරි විජේනායක 1987 දී (දේශපාලනයේ සිටින අය හැර හිරෙන් නිදහස්ව සිවිල් සමාජයට පැමිණි මා දන්න අය ඔවුන්ගේ එකළ දේශපාලන අන්නයයතාව එළිකිරීමට අකමැති බැවින් ඔවුන්ගේ නම් සඳන් නොකරමි)
අනෙක් අතට සුරේශ් ප්‍රේමචන්ද්‍ර කරුණා අම්මාන් පිල්ලෙයාන් දයා මාස්ටර් සහ කේ.පී. බලන්න මේ සියළු දෙනාම ප්‍රජාතන්ත්‍රවාදී සිවිල් සමාජයකට අනුගතව ඇති සැටි.
ජ.වි.පෙ.විසින් ඝාතනයට ලක්කෙරුන
දයා පතිරන,ස්ටැන්ලි විජේසුන්දර ,ග්ලැඩිස් ජයවර්ධන,
විජය කුමාරතුන්ග, තේවිස් ගුරුගේ,නන්දන මාරසින්හ,
පොහොද්දරමුල්ලේ ප්‍රේමාලෝක හිමි ඇතුළුව දහස් ගණනක ලයිස්තුව සිහියට ගන්න.
පුද්ගල ඝාතනය දේශපාලනය කරගනිමින්
මෙරටේ මොනතරම් සිවිල් පුද්ගලයන් පිරිසකගේ ජිවිත
ඔබගේ අනුකම්පාව ලබන ජ.වි.පෙ.රටට අහිමි කළාද?
ඔවුන්ගෙන් වැඩිහරියක් නිරායුධව සිටි සිවිල් සමාජයේ වැදගතුන් බව ඔබට මතකද?
අපොයි මුන්ට හෙනගහපන් කියා ප්රසිද්ධියේ කිව් අයටද,
කොත්තමල්ලි විකුණූ මුදලාලිටද.
ඔත්තුදුන් රජයේ සේවකයාටද
එක හා සමානව මරණ දඬුවම ලබාදුන් බව අමතකද?
එනිසා මට නම් ඔවුන් ගැන විශේෂ අනුකම්පාවක් නැත.
නමුත් ඔවුනට නිසි අයුරින් දඬුවම් නොකොට මරාදැමීමට එරෙහිවෙමි.
රජයේ හමුදා විසින් ඝාතනයට ලක්කෙරුන ප්‍රේමවතී මනම්පේරි සිට රෝහන ව්ජෙවීර දක්වාමද
පුන්චි නිලමෙගේ ගෝලයන් විසින් මරාදමුනු ත්‍රිමා විතාන වැනි අයට
සමාව දුන්නානම් ඔවුන්ද අද සමාජයට සේවයක් කරනු නො අනුමානය.
ජ.වි.පෙ. අතින් ඝාතනයට ලක්වුවන් අද සිටියානම්.
අනෙක් අතට එල්.ටි.ටි.ඊ. ය අතින් ඝාතනයට ලක්වූ
ලලිත් ඇතුලත්මුදලි.ගාමිනී දිසානායක.ආර්.ප්රේමදාස රන්ජන් විජයවර්ධන.
උමා මහේශ්වරන්,ශ්‍රී සභාරත්නම්,ඒ.අමිර්තලින්ගම්,කුමාර් පොන්නම්බලම්,
ලක්ෂ්මන් කදිරගාමර්,ජානක පෙරේරා ජයරාජ් ප්‍රනාන්දුපුල්ලේ.සී.වී.ගුණරත්න
ඇතුළු සියළු සිවිල් වැසියන් අද ජීවත්වුනානම් රටට වියහැකි සේවය කෙතරම්ද.?
එසේම යුද්ධයෙදී යටත් වීමෙන් පසු හා අත් අඩන්ගුවට පත්වීමෙන් පසු
කොපමණ ප්‍රමාණයක් මරා දමන්න ඇතිද?
මෙවර දැඩි ලෙස ජනමාධයය පාලනය කළ බැවින්
1971 හෝ 1987-89 හෝ 1 සිට 3 දක්වාවූ ඊලාම් යුද්ධයෙදී හෝ
මෙන් කිසිදු තොරතුරක් අපවෙත නොමත.
අඩුම තරමින් අපේ සෙබළුන් දහස් ගණන් දිවි පිදුවද
ඔවුන්ගේ නම ගමවත් ප්‍රමාණයවත් රටට හෙළි නොකැරින.
යුද්ධයේ හා ජාතික ආරක්ෂාවේ නාමයෙන් පුවත් පත් වලට මුඛවාඩම් බැඳින.
සමාවෙන්න එය වෙනම කථාකළයුතු මාතෘකාවක් වුවද
ඔබ ගණන් හිලවු අසනවිට මට පෙන්වීමට දෙයක් නොමැත.
සියල්ලන්ගේම ආරක්ෂාව තකා තිබෙන තොරතුරු හෝ එය ලැබුනු මූලාශ්‍ර හෙළිකළ නොහැක.
එම නිසා මෙහිදී පමණක් උපකල්පන මගින් මෙසේ නිගමනයකට එමි.
ඒ.1971 දි 20,000 කුත් 1987-89 දි 60,000 කුත් ලෙස අවස්ථා දෙකකදී
බහුතර සිංහලයන්ගෙන් සමන්විත රජයේ හමුදාව ,
තමන්ගේ බස කතාකරන තමාගේ ඉඟි තේරෙන,
තමාගේම සොහොයුරන් යැයි සිතිය හැකි
සිංහල තරුණයන් 80,000ක් දළ වශයෙන් ඝාතනය කළේ නම් ,
අන් බසක් වහරන අන් ජාතියක් යයි සිතිය හැකි ‘
වෙනම සන්ස්කෘතියක් ඇති දෙමළ තරුණයන් කීයක්නම් ඝාතනය කරන්න ඇතිද යන්නයි.
අනෙක් අතට රජයේ අනුග්‍රහය ලබමින් සිවිල් වැසියන් ඝාතනයකළ කණ්ඩායම්ද වේ.
චරිත ලන්කාපුර ,රිච්ඩ් ද සොයිසා ,රවිරාජ්,
නිමල රාජන්,සිව කුමාර්,ලසන්ත වික්‍රමතුන්ග එම ගොදුරුවලින් කිහිපයක් පමණි.
ඉදිරියේදී එක්නැළිගොඩගේ නම මෙයට එක් නොවේවා යයි පතමි.
මේ සියළු වර්ගයේ ඝාතකයන් අතුරින් කවරකු හෝ අතින්
මාගේ එක් කුස උපන් සොහොයුරා,
මගේ ලේ ඥාතීන්,
මගේ ළබැඳි මිතුරු මිතුරියන් ,
සියළුම ජනවර්ග හා ආගම් වලට අයත් වූ මගේ හිතවතුන් (නම් සඳහන් කළ හැකි )
දහසකට වැඩි ප්‍රමණයක් ඝාතනය වී ඇත.
අද දවසේ ද ඒ මියගියවුන්ගේ පවුල්වල සාමාජිකයන් තැවෙන අයුරු නිරතුරුවම අත් විඳිමි.
පුද්ගලිකව මේ සියළු වර්ගයේ ඝාතකයන්ගෙන් දිවි ගලවා ගතිමි.
මරණ බය කුමක්දයි මම හොඳින්ම හඳුනමි.
එබැවින් නීතියෙන් මරණ දඬුවම දීම ගැනද මට එකඟ විය නොහැක.
මා විඳි වේදනාව විඳි ඔනෑම අයකු
මොනම අයුරකින් හෝ මිනිසුන් මරාදමනවාට එරෙහිවනු ඇති.
4.
4 (A) “මම විශේෂයෙන්ම ඩී. බී . විජෙතුංග මහතා ගැන සඳහන් කළේ ඔහු උතුරේ ත්‍රස්තවාදය පරාජය කළයුතුය යන ස්ථාවරයකට එඩිතරව පැමිනි බැවිනි. මීට කළින් සිටි පාළකයෝ ජ.වි.පෙ. මර්ධනයට බොහෝ කැමත්තෙන් ඉදිරිපත් වුවත් කොටි මර්ධනයේදි කැමැත්තෙන්ම පසුබා සිටියහ.”
ඔබගේ මේ සඳහන පහත කරුණු නිසා සදොස්ය.
(a)
ඩී. බී . විජෙතුංග ජනාධිපතිවන්නේ 1993 මැයි 1 දා සිටය.
එවිට ඔහුට අකමැත්තෙන් හෝ කැමැත්තෙන් මර්ධනය කිරීමට ජ.වි.පෙ. යක් නොතිබිණි.
(b)
මිට කළින් සිටි පාලකයෝ වන්නේ ජේ.ආර්. සහ ප්රේමදාස පමණි.
ජ.වි.පෙ.උපරිමයෙන් මර්ධනය වන්නේ ප්රේමදාස යුගයේ වුවද
ඔහු මුලින්ම ජ.වි.පෙ මරාදමනවාට එරෙහි විය.
එපමණක් නොව මේ දෙදෙනාම ජ.වි.පෙ ට රජයට යටත්වීමට
අවස්ථා දුන්නාට අමතරව කැබිනට් ඇමති තනතුරු දෙන්නද සුදානමින් සිටියා.
ජේ.ආර්.කොටි මර්ධනයට පසු බාන්නේ උඩින් ඇවිත් පරිප්පු දමන විට
ඔහුගේ අන්තර්ජාතික මිතුරන් ඔහු තනි කළ බැවින් වුවද .
ඒ වන විට කොටි බිත්තියටම හේත්තු කර තිබුනි.
ජ.වි.පෙ සහය ලබා ගැනීම උදෙසා වූ ප්‍රේමදාසගේ ඉන්දියානු විරෝධය
ගොස් නතරවූයේ වර්ධරාජා පෙරුමාල්ගේ ඊළමට එරෙහිව කොටින්ට ආයුධ දෙමින් වුවද
අවසාන කාළයේ ප්රේමදාස කොටියට එරෙහිවිය.
4 (B) “එවන් පසුබිමකදි ඩී. බී. විජේතුංග මගේ විශේෂ ගෞරවයට ලක්වීම නොවළැක්විය හැකිය. ඔහු ජනාධිපති වූ පසු කොටි සම්බන්ධයෙන් නිවැරදි ස්ථාවරයක් ගැනීමෙන් සහ යුද්ධය කොටියට එරෙහිව ආරම්භ කිරීමෙන් එස්. ටී. එෆ්. එක නිවැරදි ලෙස භාවිතා කළේය. ඔබ උපුටා දක්වන ලද මගේ අදහස් දැක්වීමට පාදක වී ඇත්තේ එයයි.”
ඩී. බී . විජෙතුංග මහතා කොටි මර්ධනයට ජාතිවාදි ස්ථාවරයක් ගැනීමට
කොටින්ගෙන් එ.ජා.ප.යට එකළ වූ හානිය නිසා තල්ලුවුනා.
ඔහු එකළ කොටින් දෙස බැලුවේ ජාතිවාදී ස්ථාවරයක සිටයි.
එය කොතෙක් ප්‍රබලද යන්න වඩාත් සාමකාමි මතයක සිටි
චන්ද්‍රිකාගේ රූපවල පොට්‍ටු තබන්න තරම් පසුව එ.ජා.ප ගියා.
ඒ පිළිබඳව ඔහුට ඔබගේ ගෞරවය හිමිවීම ගැන මට විමතියක් නැතත්
මා එය උපුටා දක්වන්නේ සිංහල දෙමල ත්‍රස්ත්වාදීනට
ඔබ දෙවිදියකට සළකනවා යයි මගේ කීමට ඔබ එරෙහිවූ නිසාය.
නමුත් දැන් එය ඉතාමත්ම පැහැදිලිවම ඉදිරිපත් කිරීමනිසා එය ගැන වාද කළයුතු නොවේ.
5.
5(A).“ජේ. ආර්. ජයවර්ධන බොහෝ රැස්වීම් වළ ජ.වි.පෙ. මැයි පෙළපාලිවල ස්වභාවය ගැන භීතිය පළ කොට තිබුණි. ඔවුන් හමුදාවල මෙන් පෙළපාලි යතියි ඔහු නිතර දෙඩුවේය. මමද එවන් කතාවක් සජීවීව අසා ඇත. ඉන් ඔහු ජ.වි.පෙ. ආයුධ ගනිතියි සැක පහළ කොට ඇති බව පැහැදිළිය. ”
දේශපාලකයන් වේදිකාවල කතා කරනදේ
ක්‍රියාවට නොනගන බව මා මීට පෙරත් සඳහන් කළා.
ඔබ හරි ඔහු එහෙම කීවා.
දැන් බලන්න පසු ගිය කාලයේ අලි කොටි ගිවිසුම ගැන කිව්වත් වුනේ කුමක්ද.
සරත් ෆොන්සේකා ඇත්තටම හමුදාව පාවා දුන්නාද.
ගෝඨාභය ඇපලෝ රෝහල ගත්තාද?
එනිසා ජේ.ආර් ගේ මේ කතා පමණකින්
ජ.වි.පෙ. ගැන ජේ.ආර් දැරූ මතය කිව නොහැකියි.
5(B) “නමුත් ජ.වි.පෙ. ආයුධ අතත ගන්නේ බොහෝ කළ් ගොස්ය. එනිසා ජ.වි.පෙ. පමණක් තහනම් කිරීම ඔහුට සධාරණීකරණය කිරීමට හැකියාවක් තිබුනේ නැත. සෙසු නාමික වමේ පක්ෂ තහනම් කරන්නේ ජ.වි.පෙ. පමණක් ඉලක්ක කළ බව සැඟවීමටය. ”
ඔබගේ මූලික තර්කයවූයේ ජ.වි.පෙ ආයුධ ගනීයයි සැක කළ නිසා STF එක හැදුවා යන්නයි.
“ඒ අනුව ජ.වි.පෙ ගැන සැක කළා STF එක හැදුවා
නමුත් ජ.වි.පෙ. ආයුධ ගන්නේ බොහෝ කළ් ගොස්ය.
එනිසා ජ.වි.පෙ. තහනම් කළා. “
යනුවෙන් ඔබ කියන බව ඕනෑම කෙනෙකුට පෙනේ.
ජ.වි.පෙ තහනම් කරනවිට හා ජ.වි.පෙ ආයුධ ගන්නා විට තිබුන
දේශපාලන වටපිටාව බෙහෙවින්ම වෙනස් බව තේරුම්
නොගන්නා තාක් ඔබට ඔබේ මතය නිවැරදියයි හැඟේ.
මට සමාවී කරුණාකර 1983 හා 1987 දි රටේ දේශපාලන පසුබිම
එකක් නොව දෙකක් බව වටහාගන්න.
එවිට ඔබට වැටහේවි STF එක හැදුවේ ජ.වි.පෙ මරන්න නොවේ කියා.
අනෙක 1971 දී සිරිමා රජය
වාසුදේව,එස්.ඩී.බණ්ඩාරනායක සහ එන්.ශන්මුගදාසන්
අත් අඩන්ගුවට ගන්නේ කැ‍රැල්ලට සම්බන්ධයයි සැක පිට.
එසේම 1983 දී කම්කරු නැගිටීමකට නායකත්වය දේ යැයි සැක කරන පක්ෂ තහනම් කරනවා.
මේ ගැන මගේ පැහැදිළි කිරීම මීට පෙර කළෙමි.
5(C) “1980 ජුලි වර්ජකයන්ගේ පරාජයත් සමග නැවත ජ.වි.පෙ. ට හෝ සක්‍රයාටවත් එවැනි වර්ජනයක් දියත් කළ නොහැකි බව ජේ. ආර්. ට අවබෝධ නොවිණිනම් ලෝක පුදුමයකි. ඔබට ජ.වි.පෙ. තහනම් කළ හේතුව එය යයි හැඟේනම් මට කළ හැකි දෙයක් නැත.”
ශක්‍රයා ගැන නොදනිතත් ජේ.ආර්.ගැන මම දනිමි.
නැවත වර්ජනයක් දියත් කළ හැකි බව ජේ. ආර්. ට අවබෝධ නොවිණිනම් ලෝක පුදුමයකි.
ඔබට ජ.වි.පෙ. තහනම් කළ හේතුව එය නොවේයයි හැඟේනම් මට කළ හැකි දෙයක් නැත.
5(D) “ජේ. ආර්. ජයවර්ධන බොහෝ බලගතු පුද්ගලයෙකුව සිටි බව සැබෑවකි. නමුත් ඔහුට සමහර නඩු තීන්දු ඔබ කියන අයුරින් තමුන්ගේ පැත්තට කරකවා ගැනීමට නොහැකි විය. එවන් අවස්ථාවලදී ඔහුට තමුන්ගේ ප්‍රජාතන්ත්‍රවාදී බලකාය එම නඩු තීන්දු දුන් විනිසුරන්ගේ නිවෙස් ඉදිරිපිටට ගෙනගොස් හූ කීමට සහ ගල් ගැසීමට යොදා ගත් අයුරු ඔබට මතක ඇතයි සිතමි. ”
ඔබ එසේ කීවත් එසේ වුවේ එක නඩුවක් ගැන පමණි.
මා දන්නා ලෙසට වී ඇත්තේ
“පිරිමියෙක් ,ගැහණියක් හෝ ගැහණියක් ,පිරිමියෙක් හෝ
බවට පත් කිරීම හැර අන් සියල්ල කළ හැකි
සර්වබලධාරී ඔබතුමා මේ නඩුව ගැන ගන්නා තීන්දුව කුමක්දැ”යි
ඇසූවිට” උසාවිය මට ඉහළින් ගියා “යයි ජේ.ආර්.කී විට ,
කුපිත වූ ඔවුන් ගල් ගැසූ බවත් නමුත් ඔවුනට දඬුවම් කළ බවත්ය.
ලිඛිත සාක්ෂි ලැබුනහොත් ඔබට දන්වමි.
5(E) “එමෙන්ම දෙවැනි මැතිවරණයකදී, පළමු මැතිවරණයේදි පරාජිත වුවන්ගේ ඡන්ද පළමු වරට වඩා අඩු වීම ස්වභාවිකය. එය ජ.වි.පෙ. ට විශේෂ වූවක් නොවේ”.
සාමාන්යය තත්වය එසේවුවද
1982 දී රෝහණ විජේවීරට චන්දය දුන් අය දුන්නේ
ඔහු පරදින බව දැන දැනම ප්‍රතිපත්තිය වෙනුවෙනි.
එය ජ.වි.පෙ.ට සුවිශේෂී තත්වයකි.
එසේ වු ජ.වි.පෙ.චන්ද පදනම අඩුවීම මට නම් විශේෂ වූවකි.
6)
6(A) “ නාමල් රාජ්ය සම්පත් තාරුණයට හෙටක් සඳහා පාවිච්චි කර ඇත්තේ කෙළෙසදැයි ඔබගේ දත්ත වළින් පැහැදිළි කරන්නේනම් කෘතඥ වෙමි.
6(B)කෙසේ වෙතත් දේශපාලන වයාපෘතියකින් මූලිකවම අපේක්ෂා කරන්නේ තමුන්ගේ ප්‍රතිරූපය නැංවීම මිස අන් කවරක්ද? සජිත්ගේ ජන සුවයත්, ප්‍රේමදාසගේ සුචරිතයත් එසේ නොවේයයි ඔබට කිව හැකිද?
6(C).තාරුණ්යට හෙටක් මගින් තරුණයන් ඉලක්ක කරමින් ඉංග්‍රීසි පන්ති පැවැත්වීම, පරිඝනක පාඨමාලා පැවැත්වීම යන්න මා දන්නා යම් සෙවාවන්ය.”
6(A) නමුත් නාමල්ගේ තාරුණයට හෙටක් සඳහා
දායකත්වය ලැබුනේ රජයේ අරමුදල් වලින් නොවේ යයි
ඔබ කියන්නේද.?
මා දෙන දත්තවල ඔබට සැක සිතෙන නිසා
ඔබම පසුගිය වසරවල පුවත්පත් බලන්න.
එයට රජයේ ආයතනවල අනුග්‍රහය ලැබී ඇති අයුරු.
6(B). සජිත්ගේ ජනසුවයත් ,ප්‍රේමදාසගේ සුචරිතය ,
දේශපාලන ව්යාපෘති වුවද ඒවා ක්‍රියත්මකවූයේ
ඔවුන් විපක්ෂයේ සිටින විටයි.
ඒවාට රාජ්ය අනුග්‍රහය ලැබුනේ නැත.
එම ව්යාපෘතිවල කෝටි සිය ගණන් මුදල් යෙදවුනේද නැත.
6(C) තාරුණ්යට හෙටක් මගින්
තරුණයන් ඉලක්ක කරමින් ඉංග්‍රීසි පන්ති පැවැත්වීම,
පරිඝනක පාඨමාලා පැවැත්වීට අමතර සේවාවල් කර ඇත.
බලන්න http://www.youth.lk/
මගේ ප්‍රශ්නය මේ බොහොම සේවා කිරීමට රජයේ ආයතන ඇති බැවින් (තරුණ කටයුතු අමාත්‍යංශය)
රජයේ ආයතන එම අනුග්‍රාහක මුදල් අදාළ ආයතනවලට නොදී
කාටවත් වගනොකියන තාරුණ්යට හෙටක් ට දීමයි
අනෙක අතට පසුගිය ජනාධිපතිවරණයේදී
තාරුණ්යට හෙටක් වියදම් කළ මුදල් කන්දරාව හා
සසඳන කළ ඉහත සියළු ව්යාපෘති වලට
වැයකළේ සොච්ච්මක් නොවේද?
ඔව් ,මට දත්ත නැතත් ජනාධිපතිවරණයේදී පෝස්ටර් හා දැන්වීම් වලට
කොපමණක් වැයකළේද යන්න රටට රහසක් නොවේ.
රජයේ මුදල් එයට නොයදෙව්ව බවට ඔබට සාක්ෂි තිබේද.
ඔබ මෙතරම් නාමල් වෙනුවෙන් පෙනී සිටින නිසා
ගනු දෙනු රටට හෙළිකරන්නයි මා ඉල්ලන ඉල්ලීමට එකගවෙනවාද.
මා පැහැදිලිවම කියන්නේ රජයේ මුදල් අනුග්‍රහක මුදල් ලෙස ලබාගත් නිසා
තම අවන්කභාවය පෙන්වීමට එදා සිට අද තෙක් විගණන වාර්තාවක්
මේ රටෙ තරුණයනට ලබාදෙන ලෙසයි
7.
7(A ) “නිවැරදියි. ඔබ කියනා අයුරින්ම තරුණ කටයුතු අමාත්‍යංශය මීට පෙර සෑම ආණ්ඩුවක් විසින්ම අගුපිලෙහි තබා තිබුණි.”
ඔබ වැරදියි. මා කියා ඇත්තේ ජේ.ආර්.ගෙන් පසු හැම රජයක්ම පාහේ තරුණ කටයුතු අමාත්‍යංශය අගුපිලෙහි තබා තිබුණ බවයි
7(B) “නමුත් තරුණ කටයුතු අමාත්‍යාංශය අගුපිළක් සේ සැලකීමට මට නොහැකිය. දැන් එම තත්වය වෙනස් වී ඇත්නම් අප කළ යුත්තේ සතුටු වීම නොවේද? අනික් අතට බියොන්ඩ්ෆ්‍රේම් විසින් එය හඳුන්වා දුන්නේ අගුපිලක් ලෙසටය.”
නමුත් තරුණ කටයුතු අමාත්‍යාංශය අගුපිළක් සේ සැලකීම කරන්නේ මා
,මල් මාමා හෝ බියොන්ඩ් ෆ්‍රේම් නොව මහින්ද රාජපක්ෂයි.
එය එසේ කරනබව පැවසීමයි අප කළේ.
වැ‍රැද්ද එසේ කිරීමද?
නැතිනම් එසේ කළ බව හෙළි කිරීමද.
මෙය ඩලස් ද ඒ අයුරින්ම පිළිගෙන ඇතිබව මා හොඳින්ම දන්නා කරුණකි.
7(C)
“එය ඩලස්ට දීම ඔහුට කළ මදි කමක් ලෙස හැඳින්විනි. මා විරුද්ද වූයේ එයටය. ඩලස් විසින් තරුණයන් සඳහා ඔබ කියන අයුරින් වයාපෘතියක් අරඹා තිබුණේනම් තරුණ කටයුතු අමාත්‍යංශය ඔහුට ලබා දීම නිවැරදි තීරණයක් නොවන්නේ කෙසේද?”
ඔව් එය ඩලස්ට කළ මදි පුන්චි කමකි.
ඩලස් විසින් තරුණයන් සඳහා වයාපෘතියක් අරඹා තිබුණ පමණින්
තරුණ කටයුතු අමාත්‍යංශය ඔහුට ලබා දීම නිවැරදි තීරණයක් වන්නේ කෙසේද?
එසේ නම් ඒ පදනමින් නාමල්ට ඔහුගේ නියෝජ්ය ඇමතිකම දිය යුතුය.
නාමල්ට නියෝජ්ය ඇමතිකම දෙනවාට මා නම් අදත් කැමතිය.
නමුත් ඩලස් යනු යෝධයෙකි.
7(D) “ඩලස්ට දුන් ඇමති කම නිසා ඔහුට අසාධාරණයක් නොවූ නිසා ඒ වෙනුවෙන් කෑ ගැසීම පළක් නැති දෙයකි. පළක් නැති දෙයකට කෑ ගැසීම මගින් කෑ ගැසීමෙ අයිතිය බාල්දු වන බව ඔබගේ ජාල ගත දත්ත වලින් පෙන්නුම් නොකිරීම මට පුදුමයක් නොවේ.”
ඩලස්ට දුන් ඇමති කම නිසා ඔහුට අසාධාරණයක් වූ නිසා
ඒ වෙනුවෙන් කෑ ගැසීම මගින් කෑ ගැසීමෙ අයිතිය
බාල්දු වන බව ඔබට පෙනීම පුදුමයක් නොවුනත්
එය එසේ යයි සිතන අයට කැගෑසිමේ අයිතියක් ඇත.
“මා දන්නේ මා සතු දත්ත කැටි කොට අපහසුවෙන් වුව ජාල ගත කිරීමට පමණි ”
යනුවෙන් මා අදහස් කළේ අන්තර්ජාලයට එක්කිරීමයි.
එහිදි ඔබට ඇතිවු වැරදි අවබෝධයේ මුල මා බැවින් එයට වෙන්න සමා.
8).
“ඔබ සඳහන් කරන ලෙස ජ.වි.පෙ. විසින් කරන ලද ඝාතන ප්‍රමාණය එ.ජා.ප. විසින් කරනලද ඝාතන සංඛ්‍යාවට වඩා වැඩිය. එක්කෝ ඔබගේ දත්ත වැරදිය. නැත්නම් ඔබ එම දත්ත ජාල ගත කර තිබෙන අයුරු වැරදිය. මා දන්නා දත්ත අනුව 89-90 කාළය තුළ මියගියවුන්ගේ සංඛ්‍යාව 65000ක් පමණ වේ. ඉන් 6000කට පමණ වගකියා ඇත්තේ ජ. වි. පෙ. ය. එ.ජා.ප. ය සහ එහි අනුභද්ධ කණ්ඩායම් විසින් ඉතිරි 59000ට වග කියා තිබේ.”
මා එය සඳහන් කළේ ඊට පෙර ලිපියටද සම්බන්ද කරමිනුයි.
මා නැවත පැහැදිලි කරන්නම්.
1971 දී සභාග රජය සහ ජවිපෙ එකතු වී 20000ක් වලපල්ලට දැක්කුවා.
නැවත 1987 එ.ජා.ප ය සමග එකතුවී 60000ක් වලපල්ලට දැක්කුවා.
මේ අනුව සභාග රජය 20000 ක්,එ.ජා.පෙ.ය 60,000ක් වලපල්ලට දැක්කීමට දායක වෙද්දි
මේ 80,000 ම වලපල්ලට දැක්කිමට ජ.වි.පෙ. දායකවුනා.
එවිට පරතරය 20000කි.
මා කියන්නේ මේ හැම මරණයකටම
එවකට සිටිය රජයට සේම ජ.වි.පෙ.ටද සමාන වගකීමක් ඇතිබවය.
මා පිළිතුරුදුන්නේ ඔබේම වචනය වූ වලපල්ලට දැක්වීමටය.
ඝාතන ගැන නොවේ.
ඝාතනය එකෙක් කළද වලපල්ලට දැක්කිමට බොහෝ අයට හවුල්විය හැක.
9) “.9(A)ඇමති කෙනෙකුට ඇති නිල තත්වයම මන්ත්‍රි කෙනෙකුට නැතත් මන්ත්‍රී කෙනෙකුට ඒ සඳහා සහභාගි වීමට නිල තත්වයක් නැතැයි කියන්නෙ කුමන පදනමකින්දැයි මට නොතේරේ.”
ඇමතිවරුනට ද්විපාර්ශ්වික සාකච්චා සඳහා නිල බලයෙන් එතෙර යා හැක.
මන්ත්‍රීවරුනට එසේ නිලබලයක් තිබුනේ නැත.
නමුත් ඔවුනටද නිල සන්චාර ලැබේ.
ඒ මුළු පාර්ලිමෙන්තුවම නියෝජනය කෙරෙන ලෙසය.
එම අවස්ථාවලදී රජයේ මෙන්ම විපක්ෂ මන්ත්‍රීවරුද යම් අනුපාතයක් මත සහභාගීවේ.
දැන් පදනම පැහදිලි ඇතයි සිතමි.
9(B). ”නාමල් ජනාධිපතිගේ පුතා නිසා ඔහුට තිබෙන නිල තත්වය අහිමි වේද? විමල්ට එම නිල තත්වය නැත්තේ ඇයි?”
නාමල් ජනාධිපතිගේ පුතා නිසා ඔහුට තිබෙන නිල තත්වය අහිමි යයි මා කියා නැත.
නාමල් හට ඉහත පදනම මත සාර්ක් සමුළුවට යාමට නිලපදනමක් නැතිවුවද
ජනාධිපතිගේ පුතා වීම නිසා ඔහු සහභගීවී ඇත.
ඔබ කියන් අයුරින් විමල් එසේ ගොස් ඇත්නම්
පදනම නාමල්ට අනුව ඔහු ජනාධිපතිගේ ලොකු පුතා වීම වියහැක.
10).”මා දන්නා තරමින් ඝෝඨාභය දේශපාලන රැස්වීම් අමතා නැත. ඔහු විසින් සිදු කරන ලද්දේ වෙනම සම්මණ්ත්‍රණ මාලවක් දියත් කිරීමයි. ඒ සඳහා ඔහුට අයතන සංග්‍රහයෙන් හෝ වෙන යමකින් බාධාවක් ඇත්ද?”
ඒ සම්මන්ත්‍රණ දේශපාලන අරමුණ උදෙසා නොවී යයි
ඔබ මට ඔප්පු කළහොත් ගෝඨාට මවිසින් සිදුකළ අපහාසය වෙනුවෙන්
ඔබ කියන ඕනෑම තැනකදී බිම වැඳ වැටී සමාව ගන්නෙමි.
අදාළ පුවත්වල යොමුවන් නුදුරේම ලබා දෙන්නෙමි.
11.).
11(A) “ඔබ කළින් සඳහන් කළ පරිදි ප්රේමදාස නැතිවී අවුරුදු 17කට පසුවත් බඩගෝස්තරවාදී දේශපාලනය වෙනස් කළ නොහැක්කේ පර්ලිමේන්තුව එල්ලී සිටි නිසා බව සඳහන් කළේ මීට මාසයකට පෙර තිබුනු පර්ලිමේන්තු එල්ලී සිටි බැවිනි.”
මීට මාසයකට පෙර තිබුන පාර්ලිමෙන්තුව පටන් ගන්නාවිට ආසන තිබුනේ මෙසේය.
එ.ජ්.නි.ස. 105 එ.ජා.ප. 82
ජ.හෙ.උ. 09 ඉ.ත.අ.ක. 22
ක.ජ.පෙ. 01 මු.කො. 05
ඊ.පී.ඩී.පී 01
රජයට 116 විපක්ෂ 109
හෙළ උරුමය මැදිහත්ව සිටීමට යාම නිසා රජයට 107 ක් විය.
නමුත් කතානායක පත්කිරීමේදී
හාමුදුරුවන්ගේ වෘෂණ කෝෂ මිරිකුවේ ,
දෙනමක් උස්සාගෙන ගියේ ,
ප්රේමදාස උගන්වපු බඩගෝස්තරවාදී දේශපාලනය නිසාද?.
හොඳ හැමදෙයටම සහය දෙන බව කියද්දීත් ,
හාමුදුරුවන් දෙනමක් ඉස්සීම නිසා නොවෙද ?
රතන හාමුදුරුවො කිව්වේ සමබර කරන්න විපක්ෂයට චන්ද දෙකක් දෙනවා කියා.
එදා හික්මීමක් තිබුනානම් කථානායක නැතිව විපක්ෂයට 108 නේද?
පසුව හෙළ උරුමය රජයයට සහාය දෙනවිට රජයේ ගාන 115 (උඩුවේ හිමි හැර) උනා නේද.
එදා කළ බඩගෝස්තරවාදී දේශපාලන වැඩ නිසා කුමරි කුරෙ සියදිවි නසාගත් බව දන්නවාද?
මේ බඩගෝස්තරවාදී දේශපාලනය වැඩ ප්‍රේමදාසගෙද?
ජ.වි.පෙ. ඉවත් වුනේ ඔවුන් භේද කිරීම සහ පොරොන්දු ඉ‍ටු නොකිරීම මත බව අමතකද?
ඒවා ප්‍රේමදාසගෙ බඩගෝස්තරවාදී දේශපාලනය වැඩද?
හෙල උරුමය ඇමතිකම් ඉල්ලුවාද?
ජ.වි.පෙ 4 කට වඩා ඉල්ලුවාද?
40 ට අඩුවෙන් ලස්සනට ඇමති මණ්ඩලය තියාගෙන
රජය ගෙනියන්න තිබුනා එල්ලෙන්නේ නැතිව.
අනික රනිල් එකඟතාවයකටත් ඇවිත් තිබුනා රජයට උදව් කිරීමට.
මහින්දගේ බල ලෝභී බඩගෝස්තරවාදී දේශපාලනය වැඩ නිසා ජ.වි.පෙ.වියෝ වුනේ.
අනෙක 2001 දී චන්ද්‍රිකා රජය පෙරලන්න
එස්.බී ලා පැන්නාම වුනේ නැවත චන්දයක් තියපු එක.
බඩගෝස්තරවාදී දේශපාලනය නැතිනම් එ.ජා.ප මන්ත්‍රිවරුනට දොල පිදේනි නොදී
නැවත චන්දයකට ගිහිල්ලා ජනතාවට කියන්න තිබුනා
අපිට හරියට බලය දෙන්න කියලා.
2001 දී චන්ද්‍රිකා කළා වගේ.
1994 දී රනිල් ආදර්ශයක් දුන්නා එල්ලෙන රජයක් නොහොදා ඉන්න.
මහින්ද තමයි බලය රැකගැනීමට මන්ත්‍රිවරුනට මිල නියමකළේ.
මේ කියන්නේ ඩලස්.
මේ රටේ 2/3 බලය ලැබුනු ආණ්ඩු දෙකයි තිබුනේ.
1970 සමගි පෙරමුණු රජය සහ 1977 එ.ජා.ප. රජය .
ඒ ආණ්ඩු දෙකටම තුනෙන් දෙක වෙනුවෙන් අභියෝග තිබුනේ නැහැ.
එසේ තිබුනේ නම් ඒ මොනවාදයි කියන්න.
මේ ආණ්ඩුවට තුනෙන් දෙක උවමනා වෙන්නේ
ජනාධිපතිවරණයේ මහින්ද චින්තන 2 ක්‍රියාත්මක කරන්නනම්
විපක්ෂයේ සහය ගන්න අභියෝග නැහැ.
එය ලැබේවී.
නමුත් එදා නොකියපු දේ කරන්න
එනම් දෙවරකට වඩා ජනපති වෙන්න වැනි
පුද්ගල අභිමතාර්ථ සඳහා නම් අභියෝග තියේවි.
11(C).”කෙසේ වෙතත් දැනට කැබිනට් මණ්ඩලය කළින් තරම් විශාළ නැත. එය විශාළ නොවේවායි පතමි. “
මා කිසිවකුටවත් චන්දය නුදුන්නෙමි.
ඔබ මේ රජයට චන්දය දෙන්නට ඇතයි සිතමි.
ඔබ චන්දය දුන්නේ මහින්ද චින්තන 2 ට නම් මෙසේ පාර්ථනා කරන්න උවමනානොවේ.
එසේම ඇමති මණ්ඩලය 35 ට වඩා වැඩි කරළාය.
ඔබ විශාලයි කියන්නේ 100 ට වඩා වැඩි වුනොත්ද?
11(D)
“ඔවුන් දැන් ශ්රි.ල.නි.ප. මන්ත්‍රී වරු වුවත් ඔවුන් ඇමති තනතුරු බලාපොරොත්තු වෙති. ඔබ නම් සඳහන් කර ඇති මංත්‍රීවරුන්ගෙන් කවුරුන් හෝ ඇමති කම් බලාපොරොත්තු නොවනවනම් එම පින්වත් මන්ත්‍රීවරයගේ නම ඉදිරිපත් කරන්න.”
මේ ප්‍රශ්නය මගෙන් අසා පලක් නැත.
නමුත් මා දන්නා දෙය 140ක් මන්ත්‍රීවරු සිටි ජේ.ආර්.ට ඔය ප්‍රශ්නය මතු නොවුන බවය.
11(E)
“මමද ගැමියෙකි. දේශපාලන සවිඥ්ඥාණකත්වය ලබා ගැනීමට ගැමි කම බාධාවක් නොවේ. එය පිටුවහලක් වියහැකි බව මගේ විස්වාසායයි.”.
මා දේශපාලන සවිඥ්ඥාණකත්වය ලබා ගැනීමට ගැමි කම බාධාවක් වේ යයි කොතනකවත් කියා නැත.
11(F)
“අහස දෙස බලන ගැමියකුට හවසට වහින බව කිය හැකි මුත් දත්ත කැටිකොට ජාල ගත කරන්නාවූ කාළගුණ විද්‍යා දෙපාර්තමේන්තුව එහිදී අසමත් වෙයි.”
අහස දෙස බලන ගැමිය මෙන්ම දත්ත කැටිකොට ජාල ගත කරන්නාවූ කාළගුණ විද්‍යා දෙපාර්තමේන්තුවද හවසට වහින බව කිය හැකි මුත් දෙදෙනාම අසමත් වන අවස්ථා එමටය.
11(G).
“නිවැරදි යමක් වෙනුවෙන් පෙනී සිටීම නිසා හාස්‍යයට ලක් වේනම් එම හාස්‍යය මම ඉතා ආදරයෙන් වැළඳ ගමි.”
නිවැරදි යමක් වෙනුවෙන් පෙනී සිටීම නිසා හාස්‍යයට ලක් වේ යයි කොතනකවත් කියා නැත.
11(H). “ ඒ සමගම සත්යය සහ නිවැරද්ද වෙනුවෙන් හාස්‍යයට ලක් වූ බොහෝ අය ඉතිහාසය විසින් නිදොස් කරන ලද බව ඔබට මතක් කර දීමට මෙය අවස්ථාවක් කර ගනිමි.”
එයට මගේ ස්තුතිය පිළිගන්න.
මැති තුමණි.
ඔබතුමා මට පිළිතුරුදෙන අයුරු හා ප්‍රශ්න අසන අයුරු දු‍ටුවිට ඔබගැන හැඟීම් දෙකක් ඇතිවේ.
1.සැබවින්ම් කරුණු නොදන්නාකම නිසා එසේ හැසිරෙන බව.
2.කරුණු දැන සිටියද තමන්ට අවාසි තන්හී මෝඩ ප්‍රශ්න අසා ලිස්සන බව.
මා මගේ කාලය වැයකර මේ ලියන්නේ ඔබ මේ දෙකින් එක යයි සිතා ඔබට උදව්වීමටය.
අප දෙදෙනා බියොන්ඩ් ෆ්‍රේම්ගේ අවකාශය මෙසේ යොදා ගැනීම නොහොබී.
එනිසා අපගේ සන්වාදය මගේ බ්ලොගයට ගෙන යන අතර එහිදි
“එම්බල රනා ගනු කඩුව එව සටනට නැතහොත් මෙහි නොසිට පලායව” තුලින් හමුවෙමු.
මල් මාමාත් එන්න.
මගේ සිතුවිලි 
අනේ කොළුවො ඕක ඉතින් අපි කිව්වයි කියලා රනා කොළුවාගෙ හිත වෙනස් වෙන එකක්යැ. අපි ඔහේ බලන් ඉමු වැඩි දොහක් යන්න කලින් හැමෝටම තෙරෙයි මක්කැයි උනේ කියලා. දැන් බලද්දි මහ රජා වැඩියෙන්ම කැපිල්ල දාන්නේ බැසිලයාටනේ. මන්දා බය ඇති මයේ හිතේ කොලුවට ලැබෙන්න තියන පුටුව නැතිවෙයි කියලා. බණ්ඩාරනායක මහත්තයගෙන් ඉගෙන ගෙන ඇති අපි ඔක්කොම දැක්ක නොවැ ඔටුන්න හිමි අනුර මහත්තයට වුන වැඩේ.
කැමතියිකැමතියි
ස්තුතියි …!
මල්මාමේ.,
කොළුවා වැරදි කළත් අහක දාන්නයැ.
ඔන්න ඔහේ ටොකු ඇනලා හදාගමු.
කැමතියිකැමතියි
හොඳහිතගෙ සටහන් ටික අද තමයි මම කියෙව්වෙ. ගොඩක් නොදන්න දේවල් ඉගෙන ගත්ත. සංවාදයක් වුණත් මේක ගොඩක් මට වැදගත් වුණා.
ඒ වගේම මල්මාමා කීව වගේ අර කොඵව කොහොමත් මහ රාජෝත්තමයන් අංශු මාත්‍රයකින්වත් වැරැදි කියල පිළිගන්න බැරි තරම් අන්ධභාවයක වගේ තමයි.
කැමතියිකැමතියි
දිය රකුස්.
බොහොම ස්තුතියි.
ඒ වගේම බොහොම සතු‍ටුයි .
මගේ සටහන වැදගත්වීම පිළිබඳව.
මා වෘත්තීයයෙන් ගුරුවරයකු නොවුනත් යම් විශය කාරණා ඉගැන්වීම කරන විට මේ කොළු වගේ අය නිතරම හමුවෙනවා.
මගේ උත්සාහය නිශ්චිත කරුණු සාධක සහිතව හිතට කාවැද්දීම.
එවිට දැන් පිළිනොගත්තද යටිහිතේ තැන්පත්වුන මේ කරුණු යම් වේලාවක මතුවී අවබෝධ වේවි යන විශ්වාසය මාව නොනැවතී ඉදිරියටම ගෙනයයි …..
කැමතියිකැමතියි
අන්න කොළුවො රනා බයෙන් දුවනවා. ඌ හිතන් ඉන්නේ අපි බබ්බු කියලා හරියට එයගේ මාමා හිතන් ඉන්න විදියටම.
http://rana-liyana-blog.blogspot.com/2010/05/blog-post.html
කැමතියිකැමතියි
මල් මාමේ.
බොහොම ස්තුතියි උදව්වට.
මේ රනා හැර තව රනා ද සිටිනා බව ඔබේ උදව්වෙන් දැන ගතිමි.
ඒ බව ලිපියේද සඳහන් කළෙමි.
කැමතියිකැමතියි
@malmama and @hondahitha,
The ‘rana’ that you are refering to is someone else. I use english letters where as other rana use sinhala letters. Due to the time constraint and lack of internet facilities I don’t visit these sites frequently. Therefore I did not find any other ‘rana’ on these blogs. I am really sorry for the inconveniences faced by other rana.
කැමතියිකැමතියි
සින්හල බ්ලොග් ලියන්නන් අතර මාර පැහිදිලිව දෙයක් විස්තර කරන සහ ලස්සන්ට තර්කයක් ගොඩ නගන දෙන්නෙක් මට හම්බ උනා එක් කෙනෙක් පිටස්තරය 2, අනිත් කෙනා ඔබතුමා
මේ මුරුන්ගා අත්තේ තියන්න හදනවා නෙවෙයි
බියොන්ඩ් ෆෙර්ම් (ඒ උත්තමයත් ලස්සනට පැහිදිලි කරාන්වා ,ටැබූ උත්තමාය්ත් එහෙමයි ඒත් කොමෙන්ටු වලට ප්‍රතිවිරුද්දව තර්ක කරන්න ගියාම හිත හොඳ වැඩිකමටද මනදා පිලිවෙල නෑ) ගේ ලිපි කියව කියවා ඉන්න කොට ඔබතුමාගේ කොමෙන්ටුවක් දැකලයි මෙහාට පාත් උනේ
ඔබතුමනලා වගේ අය බ්ලොග් අවකාශෙට සිමා නොවී පත්තර කලවටත් පය තැබ්බොත් නරකද? (පත්තර වල මේවා ලිඅන්න දේවිද මන්දා)
කැමතියිකැමතියි
විභුති.
බොහොමත්ම ස්තුතියි.
ඔබ වගේම මාත් බ්ලොග්කරණයට ආධුනිකයි.
මා මෙයට පෙළඹුනේ ටැබු ගේ,බියොන්ඩ් ෆ්‍රේම් ගේ සහ W 3 ගේ ලිපි දැකලායි.
ඔබ කිව්වාසේම පිටස්තරයා 2 ඉතාමත්ම දක්ෂයි.මා එතරම් දක්ෂ නැතිබව දන්නනිසා මුරුන්ගා අත්ත ගැන හිතන්න එපා.
අසරණ පුවත්පත් හිමියන් අමාරුවේ දාන්නේ ඇයි,අපි මෙහෙම් යන්.
ඒ වගේම මට තාක්ෂණික සහය දෙන්නේ වැපා සහ සොඳුරු ඇසිදිසිය.
මුණු පොතේදි ඔබගේ නිර්මාණශීලී අදහස් කියවුයෙමි.
කැමතියිකැමතියි
ජේ.ආර්.විසින් ත්‍රස්තවාදය ඇති කළායයි ඔබ කීවද
ජ.වි.පෙ තහනම් කළ පමණින් ත්‍රස්තවාදය ට යොමුවීම සාධාරණය කරන්නේ කෙසේද?
1986 දී දයා පතිරන මැරුවේ ඇයි?
ජ.වි.පෙ. ත්‍රස්තවාදයට යොමු වන්නේ තහනම් කළ සැනින් නොවේ. එයට වසර හතරක් පමණ ගතවිණි. එය ඉතා දිගු කාළයකි. ඔබ සඳහන් කරණු ලබන දයා පතිරණ ඝාතනය සිදු වන්නේ විශ්ව විද්‍යාල ගැටුමක් ලෙසිනි. එවන් ගැටුම් නිසා ජ.වි.පෙ. ට හිතවත් ශිෂ්‍යයන් අතින් වෙනත් ශිෂ්‍යයන් ජ. වි. පෙ. පාර්ලිමේන්තු මන්ත්රීවරුන් සිටි මෑත කාළයේදිද සිදුවිය.. නමුත් ජ.වි.පෙ. ත්‍රස්තවාදයට යොමු වූ බව එයින් නොකියවිණි. අනිත් අතට දයා පතිරණ ඝාතනයද සිදු වන්නේ ජ.වි.පෙ. තහනම් වී වසර තුනකට පසුවය.
ජ.වි.පෙ කළ යුතුව තිබුනේ ත්‍රස්තවාදය ඇති නොකර සිටීමයි
ජ.වි.පෙ. ත්‍රස්තවාදයට තල්ලු කලේ ජේ. ආර්. විසිනි. ඔබ කෙතරම් ජේ. ආර්. ව එම පාපයෙන් මුදවන්නට තැත් කළත් පළමු විත්තිකරු ජේ. ආර්. මය.
ත්‍රස්තවාදය විසින් අහිමි කරන ලද ජීවිත පිළිබඳව මටද ඇත්තේ ඔබට මෙන්ම අතිශය දුකකි. නමුත් ජ.වි.පෙ. ඒ අන්තය කරා තල්ලු කිරීම නොකලේනම් එම අවාසනවන්ත තත්වය ඇති නොවීමට ඉඩ තිබුණි. ඔබ නම් සඳහන් කළ පුද්ගලයන් සමාජ ගත වූවේ පුද්ගලයන් ලෙසිනි. නමුත් පක්ෂයක් ලෙස සමාජ ගතවී සිටි ජ.වි.පෙ. ය වලට බලෙන් ඇද දැමීම පිළිබඳ සධාරණ කෝපයක් මට ඇත. එයින්ම ජනිත වූ අනුකම්පාවක් ජ. වි.පෙ. කෙරෙහි ඇතිවීම ස්වභාවිකය. නමුත් කොටි සම්බන්ධයෙන් ගත් විට ඔවුන් ඒ හා සමාන කිරීමට මට නොහැකිය. ඒ එහි ඉතිහාසය ජේ. ආර්. යුගයට වඩා ඈතට යන බැවින් සහ එම ප්‍රශ්නය සංකීර්ණ බැවිනි. ඒ පිළිබඳව මා කතා නොකරන්නේ මේ මාතෘකාව වෙනත් ඉසව්වකට යා හැකි බැවිනි.
තමන්ගේ බස කතාකරන තමාගේ ඉඟි තේරෙන,
තමාගේම සොහොයුරන් යැයි සිතිය හැකි
සිංහල තරුණයන් 80,000ක් දළ වශයෙන් ඝාතනය කළේ නම් ,
අන් බසක් වහරන අන් ජාතියක් යයි සිතිය හැකි ‘
වෙනම සන්ස්කෘතියක් ඇති දෙමළ තරුණයන් කීයක්නම් ඝාතනය කරන්න ඇතිද යන්නයි.
ඔබ ඉහත නැවතත් සඳහන් කරනු ලබන්නේ උපකල්පිතයක්මය. ඝාතකයාට ජාතියක් ජන්මයක් නැත. ඔවුන් තමුන්ගේ මග අවහිර කරන කවරකු හෝ කිසිදු වග විභාගයකින් තොරව එලොව යවයි. දෙමළ විද්වතුන් සහ දේශපාලනඥයන් වැඩියෙන්ම ඝාතනය කර ඇත්තේ දෙමළ කොටි සංවිධානය විසිනි.
ඩී. බී . විජෙතුංග ජනාධිපතිවන්නේ 1993 මැයි 1 දා සිටය.
එවිට ඔහුට අකමැත්තෙන් හෝ කැමැත්තෙන් මර්ධනය කිරීමට ජ.වි.පෙ. යක් නොතිබිණි.
මා අදහස් කළේ ජේ. ආර්. සහ ප්රේමදාස ගැනය. ඔවුන් ජ.වි.පෙ. වෙත පිළිගැන්වූ ඔබ කියන ඇමති තනතුරු ඔබ වැනි අයට මහා වර දානලෙස පෙනුනත් ත්‍රස්තවාදයේ පතුළටම කිඳා බැස සිටි ජ.වි.පෙ. ට එය ප්‍රමාණවත් නොවේ. ඇමති තනතුරු සඳහා ත්‍රස්තවාදය අත්හළ සංවිධානයක් ගැන මම අසා නැත.
ජේ. ආර්. ජයවර්ධන සමයේ වඩමාරච්චි යුද්ධය පරාජයෙන් කෙලවර විය. ජේ. ආර්. ගේ මුග්ධ විදේශ ප්‍රතිපත්තිය තුළ එම පරාජය අත්විය. ජේ. ආර්. යුද්ධයට එළඹියේ ජේ. ආර්. ව එම යුද්ධය සඳහා ජනතාව විසින් තල්ලු කරන ලද බැවිනි. ඔහුට නිසි උවමනාවක් තිබුණිනම් මහින්ද රාජපක්ෂ මෙන් එය ජයග්‍රහණයෙන් කෙළවර කළ හැකිව තිබුණි. ජේ. ආර්. ඒ සඳහා අලස ප්‍රතිපත්තියක් අනුගමනය කරන ලද අතර ජනතාව ඉතා දැඩි ලෙස ඔහුව ඒ සම්බන්ධයෙන් විවේචනයට ලක් කරන ලදි. එසේ නොවන්නට වඩමාරච්චි මෙහෙයුමක් ගැන කිසිදා අසන්නට නොලැබෙනු ඇත.
ජ.වි.පෙ සහය ලබා ගැනීම උදෙසා වූ ප්‍රේමදාසගේ ඉන්දියානු විරෝධය
ගොස් නතරවූයේ වර්ධරාජා පෙරුමාල්ගේ ඊළමට එරෙහිව කොටින්ට ආයුධ දෙමින් වුවද
අවසාන කාළයේ ප්රේමදාස කොටියට එරෙහිවිය.
ප්‍රේමදාසට අවශ්ය වූයේ ඔබ පවසන අයුරු ජ.වි.පෙ. සමග මිත්‍ර වීමට නොවේ. ඒ වෙනුවට ජ.වි.පෙ. විසින් උපයා තිබූ ජනප්‍රියත්වය හොරා ගැනීමටය. ඒ සඳහා ඔහු ඉන්දීය විරෝධය කරට ගත් අතර ජ.වි.පෙ. මර්ධනයට අත පෙවීය. ප්රේමදාස කොටි විරෝධියෙක් වන විට වියයුතු සියල්ල අවසන් වී තිබුණි.
ඩී. බී. විජේතුංග ත්‍රස්තවාදීයාට ත්‍රස්තවාදියායයි නිභයව ප්රකාශ කළේය. එමෙන්ම ඔවුන්ව යුද්ධයෙන් පරාජය කළ යුතු යයි ස්ථිර මතයකට පැමිණ ඒ සඳහා ක්‍රියා කළේය. එය එදාට අනුව උඩුගම් බලා පිහිනීමකි. එය කොටින්ට නියමින් හා අනියමින් උදවු කළ අයට දුන් අතුල් පහරක් විය. එය ජාතිවාදයක් වූවේ කොටින්ගේ ජයග්‍රහණයම පැතූ අයට පමණි.
චන්ද්‍රිකාගේ නළළේ පොට්ටුව තැබුවේ ඩී. බී. විජේතුංග විසින් අවුලන ලද ජාතිවාදයක් නිසා නොවේ. ඒ සඳහා ක්‍රියා කරන ලද්දේ කෙක්කෙන් හෝ කොක්කෙන් බලය රඳවා තබා ගතයුතු යයි සිතූ එජාපයේ යම් යම් පුද්ගලයන්ගේ පටු මනෝභාවයන්ය.
නැවතත් මා අවධාරණය කරන්නේ ත්‍රස්තවාදය සිංහල හෝ දෙමළ කියා බෙදිය නොහැක. ත්‍රස්තවාදය කාගේ නිර්මාණයක් වුවත් එය කෙසේ හෝ අවසන් කළ යුතුය. නමුත් ජ.වි.පෙ. ත්‍රස්තවාදය නිර්මාණය කිරීම තනිකරම ජේ. ආර්. අතින් සිදු විය. එය ඔබ පිළිගැනීමට මැලි වීම මට විමතියක් නොවන්නේ ඔබ ජේ. ආර්. කෙරෙහි නොබිඳුනු ගෞරවයකින් ජීවත් වන නිසා විය යුතුය.
දේශපාලකයන් වේදිකාවල කතා කරනදේ
ක්‍රියාවට නොනගන බව මා මීට පෙරත් සඳහන් කළා.
ඔබ හරි ඔහු එහෙම කීවා.
දැන් බලන්න පසු ගිය කාලයේ අලි කොටි ගිවිසුම ගැන කිව්වත් වුනේ කුමක්ද.
සරත් ෆොන්සේකා ඇත්තටම හමුදාව පාවා දුන්නාද.
ගෝඨාභය ඇපලෝ රෝහල ගත්තාද?
එනිසා ජේ.ආර් ගේ මේ කතා පමණකින්
ජ.වි.පෙ. ගැන ජේ.ආර් දැරූ මතය කිව නොහැකියි.
ඔබ දැන් පිළිගන්නවා ජේ. ආර්. එසේ කිවූ බව. එලෙසම ඔබ පිළිගන්නවා ජ.වි.පෙ. 1983 දී තහනම් කළ බව. වේදිකාවල කිවූ කතා යථාර්තයක් වූ අවස්ථාවක් නොවේද එය? ඔබ තවත් අවස්ථාවක පැවසුවා නැක්සලයිට් කතා කියමින් විජය කුමාරතුංග ඉලක්ක කළ බව. ඔබ පවසන්නේ ජේ . ආර්. ජ.වි.පෙ. සම්බන්ධයෙන් දැක්වූ අදහස් සාවද්‍ය බවත් සහ විජය සම්බන්ධයෙන් කිවූ කතා නිවැරදි බවත්ද?
මට සමාවී කරුණාකර 1983 හා 1987 දි රටේ දේශපාලන පසුබිම එකක් නොව දෙකක් බව වටහාගන්න.
1987 යනු 1983 දේශපාලන තත්වයේම විකාශයකි. 1983 දී තිබූ දේශපාලන තත්වය ඇති නොවූවානම් 1987දී අත්දුටු අවාසනාවන්ත දේශපාලන තත්වය උදාවන්නේ නැත.
ඔබ මෙහි සඳහන් කරන ආකාරයට ජේ. ආර්. තමුන්ගේ හූ කියන හා ගල් ගසන ප්‍රජාතන්ත්‍රවාදී බලකායට දඬුවම් කර තිබේ. මම එවන් කතාවක් අසා නැත. මා නම් අසා ඇත්තේ ජේ. ආර්. එම අවස්ථාවේදී එය ප්‍රජාතන්ත්‍රවදී අයිතියක් බව ප්රකාශ කොට ඔවුන්ව මුදා ගත් බවයි. කෙසේ හෝ මගේ තර්කය වූවේ ජේ. ආර්. ට උඩින් උසාවිය යාමේ අවදානමක් තිබූ බව පෙන්වීම සහ 1982 ජනමත විචාරණයට එරෙහිව විජේවීර විසින් පවරා තිබූ නඩුව ඔහුට අවාසි සහගත වීමේ අවදානමක් තිබූ බව පෙන්වීමය. ඔබට අනුව ඔහුට උසාවිය නිතරම තමුන්ගෙ පැත්තට කරකවා ගැනීමට හැකිය. නමුත් අඩුම වශයෙන් එක් අවස්ථාවක් හෝ එසේ නොවීය.
මා විඳි වේදනාව විඳි ඔනෑම අයකු මොනම අයුරකින් හෝ මිනිසුන් මරාදමනවාට එරෙහිවනු ඇති.
ඔබගේ සහෝදරයාගේ වියෝව මා සිතද පෙළයි. මගේද ඉතා කිට්ටු මිතුරන් සහ ඥාතින් බොහෝමයක් කවුරුන් විසින් හෝ ඝාතනයට ලක්වී ඇත. මාද අපහසුවෙන් දිවි ගලවා ගත් අවස්ථා බොහෝමයකි. එහෙත් ඒ කෙසේවතුදු යුද්ධය මග හැරිය නොහැකි අවස්ථාවලදි අපට අන් මගක් නැත.
1982 දී රෝහණ විජේවීරට චන්දය දුන් අය දුන්නේ ඔහු පරදින බව දැන දැනම ප්‍රතිපත්තිය වෙනුවෙනි.
ජ.වි.පෙ. වෙනුවෙන් ඡන්දය දුන් සියල්ල ප්‍රතිපත්ති වෙනුවෙන් ඡන්දය දුන්නෝ නොවෙති. පුතා ජ.වි.පෙ. ට ඡන්දය දෙන නිසා අම්මා හා තාත්තා අකමැත්තෙන් හෝ ජ. වි.පෙ. ට ඡන්දය දෙන අවස්ථා එමට ඇත. ජ.වි.පෙ. ට චන්දය පාවිච්චි කරන්නන්ගෙන් බොහෝමයක් වෙන පක්ෂ වලට සාපේක්ෂකව ප්‍රතිපත්ති වෙනුවෙන් චන්දය දුන්නත් එසේ නොවන අති මහත් සංඛ්‍යාවක් ද ජ. වි. පෙ. ට චන්දය දුන්හ. මෑත මැතිවරණවලදී ජ.වි.පෙ. ලැබූ පරාජය එයට නිදසුනකි. ජ.වි.පෙ. හි පවා ප්‍රතිපත්ති ගැටුම් මෙන්ම එපාවීම් නිසා අතහැර යන අය ඉතා ඉහළය. ජ. වි. පෙ. ඡන්ද පදනම කාළයෙන් කාළයට දෝලනය වන්නකි.
නමුත් නාමල්ගේ තාරුණයට හෙටක් සඳහා දායකත්වය ලැබුනේ රජයේ අරමුදල් වලින් නොවේ යයි ඔබ කියන්නේද.?
මම දන්නා තරමට නාමල් ඔහුගේ අරමුදල් සපයාගෙන ඇත්තේ පෞද්ගලික අංශයනි. මමද පසු ගිය වසරේ හා මැතිවරණ දිනවල පුවත්පත් කියවා ඇත්තෙමි. එහි නාමල්ට විරුද්ධව ඔවැනි චෝදනා යම් යම් දේශපාලකයන් කළ බව දුටුවෙමි. නමුත් එවන් චෝදනා වලින් සියල්ල විනිශ්චය කළ හැකිද? ඔබ ජේ. ආර්. වේදිකාවල කිවූ දේවල් ප්‍රතික්ෂේප කළත් සෙසු අයගේ කතා පිළිගන්නා බව පෙනේ.
ප්‍රේමදාසගේ සුචරිතය ඔහු ජනාධිපති වූ පසුද ක්‍රියාත්මක විය. ප්රේමදාස තමුන්ගේ දින චරියාව පටන් ගන්නේ සුචරිතයේ සිට බව කියවිනි. එමෙන්ම සජිත්ගේ පක්ෂය බලයේ සිටින විට ඔහු ඔහුගේ ජන සුවය ක්‍රියාත්මක කළේය.
මට නාමල් වෙනුවෙන් විශේෂ වූ කැමත්තක් නැත. නමුත් ඔහු ජනාධිපතිගේ පුතා වීම ඔහුට මේ සියලු චෝදනා එල්ල වීමට බල පා ඇත. මගේ විරුද්ධත්වය එයට මිස නාමල්ට පක්ෂ වීමට නොවේ.
අනිත් අතට ඔබ කළින් අභියෝග කළේ යම්කිසි සේවාවක් තාරුණ්යට හෙටක් මගින් සිදු කළේනම් පෙන්වන ලෙසයි. මගේ මතකයට නැගුනු සේවාවන් දෙකක් ඉදිරිපත් කළ විට ඔබ දැන් එයින් සිදුවන සේවාවන් බොහෝමයක් පෙන්වයි. එයින් නොනැවතී දැන් ඔබ වෙනත් තර්කයක් ගොඩනගමින් එම සේවාවන් සඳහා අවශ්ය ප්‍රමාණයට වියදම් කර නැති බව පවසයි. එමෙන්ම පෝස්ටර් සඳහා බොහෝ වියදම් කර ඇති බව පවසයි. එය ඔහුගේ වයාපෘතියක් මිස ඔබේ හෝ මගේ නොවේ. ඔහුගේ අරමුණ තම ප්‍රතිරූපය නංවා ගැනීම නම් එහි ඇති වරද කිම? ඔහු ඒ සඳහා තම රජය විපක්ෂයට වැටෙන තුරු බලා සිටිය යුතුද?
ඔබ කියන අයුරින් රජයේ මුදල් එයට ලැබී ඇති බව තහවුරු කිරීම්ට මේ දක්වා ඔබට නොහැකි විය. ඔබ බොහෝ ආණ්ඩු විරොධි පුවත්පත් අන්ධාණුකරණය කරන බව පෙනේ.
ඔබ තවත් තැනක පවසන්නේ රජය මගින් මෙවන් වයපෘති දියත් කළ හැකි නිසා නාමල් ඒවා නොකළ යුතු බවයි. මෙවන් සේවාවන් කරන රාජ්ය නොවන සංවිධාන ගැනත් ඔබේ මතය මෙයමද?
ඔබ මතු කරන විගනණයට මාද එකඟය. නමුත් එය තාරුණ්යට හෙටක් සඳහා පමණක් සීමා විය යුතු නැත. අනිත් අතට එය සද් භාවයෙන්ම කළ යුතු ඉල්ලීමක්ම විය යුතුය. එවන් විගනණයකදී රාජ්ය නොවන සංවිධාන සමගම දේශපාලන පක්ෂද විගනණයකට ලක් කළ යුතුය.
මා කියා ඇත්තේ ජේ.ආර්.ගෙන් පසු හැම රජයක්ම පාහේ තරුණ කටයුතු අමාත්‍යංශය අගුපිලෙහි තබා තිබුණ බවයි
ජේ. ආර්. ද තරුණ කටයුතු අමාත්‍යංශය තබා තිබුනේ අගු පිලේමය. නමුත් තරුණ සේවා සභාව හරහා ඔහු ඉන් පසු පැමිණි රජයන්ට වඩා යම් සෙවාවක් ඒ හරහා දියත් කළේය. නමුත් එපමණින් තරුණ කටයුතු අමාත්‍යංශයට නිසි තැන ලැබුනේ යයි කිව නොහැක. රටේ පසු කාළයක සිදුවූ මහා තරුණ ඝාතනවලට පදනම වැටුනේ ජේ. ආර්. යුගයේදීය. මෙය පිලිගැනිම ඔබට අරුචි වුවත් සත්යය එයයි.
නමුත් තරුණ කටයුතු අමාත්‍යාංශය අගුපිළක් සේ සැලකීම කරන්නේ මා, මල් මාමා හෝ බියොන්ඩ් ෆ්‍රේම් නොව මහින්ද රාජපක්ෂයි.
නමුත් ඩලස් යනු යෝධයෙකි.
ඔබට අනුව තරුණ කටයුතු අමාත්‍යාංශය මහින්ද රාජපක්ෂ විසින් අගු පිලෙහි තබා ඇත. නමුත් ඔබට අනුවම ඩලස් යමක් කළ හැකි යෝධයෙකි. එමන්ම ඔහු තරුණයන් හා සමීපව කටයුතු කර ඇත. එය එසේනම් ඩලස්ට එම අමාත්‍යාංශය ලබාදීමෙන් මහින්ද විසින් තරුණ කටයුතු අමාත්‍යාංශය අගුපිලෙහි තබා ඇති බව කියන්නේ කුමන සාධක මතද? එය අගුපිලෙහි නොතැබීමට සිදු කළ යුතු වන්නේ ඩලස් හා සම කළ නොහැකි අඟුටුමිට්ටෙක් ඒ සඳහා පත්කිරීමෙන්ද?
ඩලස් වෙනුවෙන් බොරුවට කෑ ගැසීමට ඔබට ඇති අයිතිය මම පිළිගනිමි. නමුත් මා ඉල්ලා සිටියේ එම අයිතිය පලක් ඇති යමකට පාවිච්චි කරන ලෙසයි. නැතහොත් අප කුඩා කළ අසා ඇති ජන කතාවේ මෙන් කෑ ගැසීමේ අයිතිය නිකරුණේ පාවිච්චි කරමින් ‘කොටියා කනෝ’ යයි කෑ ගැසූ කොලුවාට වූ දෙය විය හැකි බැවිනි.
මා පිළිතුරුදුන්නේ ඔබේම වචනය වූ වලපල්ලට දැක්වීමටය. ඝාතන ගැන නොවේ.
ඝාතනය එකෙක් කළද වලපල්ලට දැක්කිමට බොහෝ අයට හවුල්විය හැක.
මම වල පල්ලට දැක්වීම යන්නෙන් අදහස් කළේද ඝාතනයයි. නමුත් ඔබ ඒ දෙකෙහි වෙනසක් මනාව වටහා ගෙන ඇති බව පෙනේ. ඔබ වලපල්ලට යැවීම අර්ථකතනය කළ අයුරින්ම මමද අර්ථකතනය කළහොත් 87-89 යුගයේදී සිදුවූ ඝාතන සියල්ලේම වගකීම යා යුත්තේ ජේ. ආර්. වෙතටය. ඒ ඔහු විසින් ජ.වි.පෙ. එතනට තල්ලු කළ බැවිනි. ජේ. ආර්. විසින් එසේ නොකලේ නම් 87-89 භීෂණ සමය ඇති වීමට ඉඩ නොතිබූ බව මම තරයේ අදහමි.
ඇමතිවරුනට ද්විපාර්ශ්වික සාකච්චා සඳහා නිල බලයෙන් එතෙර යා හැක. මන්ත්‍රීවරුනට එසේ නිලබලයක් තිබුනේ නැත. නමුත් ඔවුනටද නිල සන්චාර ලැබේ. ඒ මුළු පාර්ලිමෙන්තුවම නියෝජනය කෙරෙන ලෙසය.එම අවස්ථාවලදී රජයේ මෙන්ම විපක්ෂ මන්ත්‍රීවරුද යම් අනුපාතයක් මත සහභාගීවේ.
ඔය කියන නිල තත්වය ඔබ විසින් මවා ගන්නා ලද්දකි. ඇමති වරුන් වෙනත් රටවල ඇමති වරුන් සමග ඔබ කියන ලෙස ද්වීපාර්ශ්වික සාකච්චා පවත්වන බව සැබවි. නමුත් එමගින් මන්ත්‍රීවරුන්ට ඒ සඳහා සහභාගි වීම වැරදි වන්නේ නැත. බොහෝ විට තරුණ මන්ත්‍රීවරයකුට විදේශ රාජ්ය තාන්ත්‍රිකයන් හා සම්බන්ධ වීමට ඉඩ සැලසීමෙන් ඔවුන් ඉතා ඉහළ අත්දැකීම් ලබයි. එය යම් කිසි ආකාරයක පුහුණුවක් වෙයි. ඔබ කියන ආකාරයට මංත්‍රීවරුන්ට නිල සංචාර ලැබේ. නමුත් එම නිල සංචාරවලට අමතරව රජයේ සාමාන්‍ය මන්ත්‍රීවරුන්ට එයින් ඉඩ ඇහිරී නැත. 1987 දී ඉන්දියාව අපිට පරිප්පු හෙලීමේදී ඒ සඳහා සාකච්චා පැවැත්වීමට ගියෙ ජේ. ආර්. ගේ සොහොයුරාය. මා දන්නා තරමින් ඔහු අඩුම වශයෙන් ක්‍රියාකාරි දේශපාලනයේ හෝ නොයෙදුනෙක් විය.
නාමල් හට ඉහත පදනම මත සාර්ක් සමුළුවට යාමට නිලපදනමක් නැතිවුවද
ජනාධිපතිගේ පුතා වීම නිසා ඔහු සහභගීවී ඇත.
ඔබ කියන් අයුරින් විමල් එසේ ගොස් ඇත්නම්
පදනම නාමල්ට අනුව ඔහු ජනාධිපතිගේ ලොකු පුතා වීම වියහැක.
මෑතකදී ඉරානයේ පැවත්වුනු G-15 සමුළුව සඳහා තවත් නවක පාර්ලිමේන්තු මන්ත්‍රීවරයෙක් වන සජින් වාස් ගුණවර්ධන සහභාගි වී ඇත. ඔහු නාමල්ට හෝ ඔබට අනුව මහින්දගේ කීවෙනි පුතා දැයි නොදනිමි.
ඒ සම්මන්ත්‍රණ දේශපාලන අරමුණ උදෙසා නොවී යයි ඔබ මට ඔප්පු කළහොත් ගෝඨාට මවිසින් සිදුකළ අපහාසය වෙනුවෙන් ඔබ කියන ඕනෑම තැනකදී බිම වැඳ වැටී සමාව ගන්නෙමි.
අනිවාර්යයෙන්ම එම සම්මන්ත්‍රණ මාලාව සඳහා දේශපාලන අරමුණු තිබුණි. යුද්ධය ගත්කළ එයම දේශපාලන තීරණයකි. දේශපාලනයෙන් වියුක්ත වූ යමක් සොයා ගත නොහැක. කොටින්ට එරෙහි යුද්ධයට හමුදා නායකත්වය දුන් පුද්ගලයාගේ නායකත්වයෙන් එම යුද්ධයට අවමන් සිදුවෙද්දී ආයතන සංග්‍රහයේ නාමයෙන් හෝ වෙන යමක නාමයෙන් එය නොදැක්කා සිටීම කොන්දක් ඇති ආරක්ෂක ලේකම් කෙනෙකුට තරම් නොවේ. ඔබට ගෝඨාභයට වඳින්නට අවශ්‍යනම් වැඳිය යුත්තේ ඔහු එලෙස එම සම්මන්ත්‍රණ මාලාව පැවැත්වූ නිසාය.
ජේ. ආර්. ජයවර්ධන යුගයේදී සෝභිත හාමුදුරුවන්ට සහ සරත්චන්ද්‍රයන්ට කාණුවල දමා පහරදුනි. එමෙන්ම දානයවත් ලබා ගතහැකි නොහැකිවන ලෙස ගැටඹේ පන්සල වටා කටුකම්බි ගැසිණි. ප්රේමදාස යුගයේදී හිමිවරුන් හත්සියගණනක් ධර්මචක්‍රයේ යැවිණි. එකල ප්රේමදාස විසින් නිවන් පෙන්නන ලද හිමිවරු කෙතෙක්ද? පසුව හාමුදුරුවරුන්ගේ වෘෂණ කෝෂ මිරිකන තත්වයට තත්වය වර්ධනය වූයේ එදා ඇති කළ ඒ ක්‍රියාමාර්ගයයි..
නැවතත් මා අවධාරණය කරන්නේ අදද අපි අත්විඳින්නේ මීට පෙර සිදුවූ ක්‍රියාදාමයක විකාශයක් බවයි. වෙනසකට ඇත්තේ එදාට සාපේක්ෂකව අද තත්වය හොඳ වීමයි.
ඔබ ඉහත දක්වන සංඛ්‍යා අනුව ආණ්ඩුවට තිබී ඇත්තේ හෙළ උරුමයේද සහය ඇතිව 115 කි. පාර්ලිමේන්තුවේ බහුතරය සඳහා අවශ්ය වන්නේ 113කි. එය එසේනම් මංත්‍රීවරු 3ක් විපක්ෂයට පැන්නොත් ආණ්ඩුව බිඳ වැටේ. මීට කලින් එස්.බී. තව 7ක් සමග විපක්ෂයට ගිය ආකාරය ඔබට මතක ඇතයි සිතමි. එසේනම් ඔබ කියන උපරිම තත්වය සැලකුවද පාර්ලිමේන්තුව තිබී ඇත්තේ එල්ලී නොවේද?
අවුරුදු 17ක් ගතවීත් ප්රේමදාස හඳුන්වා දුන් බඩ ගෝස්තරවාදී ප්‍රතිපත්ති නැති කළ නොහැකි වුයේ එබැවිනි. මට මෙහිදී මගේ ඉන්දියානු මිතුරෙක් පැවසූ කතාවක් සිහිවෙයි. මගේ තවත් මිත්‍රයෙකු ඉන්දියානු මිතුරාගෙන් අසා සිටියේ ඉන්දියාව ඔතරම් අපිරිසිදු ඇයිද යන්නයි. එවිට ඔහුගේ පිළිතුර වූයේ එය ගාන්ධිගේ නිදහස් අරගලය හා සබැඳුනු දෙයක් බවයි. මට එය ප්‍රහේළිකාවක් වූයෙන් ඔහු එය විස්තර කර දුන්නේ සුද්දාට රට එපා කරවීම සඳහා දියත් කළ එක් අහිංසක උපක්‍රමයක් ලෙසය. එම උපක්‍රමයට අනුව වැසිකිවලින් මුත්‍රා ගලන්නේ පාරටය. මිනිස්සු කුණු විසි කරන්නේද පාරටය. ඉන්දියාව නිදහස ලබා වසර 60කට අධික වුවත් එම පුරුදු නැති වී නැත. එය එසේනම් බඩ ගෝස්තරවාදී ප්‍රතිපත්තියක් අවුරුදු 17කින් කෙසේ අවසන් කරන්නද?
රනිල් ආණ්ඩුවට සහය දීමට එකඟ වූ බව ඔබ පවසයි. රනිල්ව ඔබට විස්වාස නමුදු එක්සත් ජාතික පාක්ෂිකයන්වත් රනිල්ව විස්වාස කරන්නේ නැත. එය අද සිදුවන එ. ජා. ප. ප්‍රතිසංවිධාන කතා වලින් මොනවට පැහැදිළි වේ.
මේ රටේ 2/3 බලය ලැබුනු ආණ්ඩු දෙකයි තිබුනේ. 1970 සමගි පෙරමුණු රජය සහ 1977 එ.ජා.ප. රජය . ඒ ආණ්ඩු දෙකටම තුනෙන් දෙක වෙනුවෙන් අභියෝග තිබුනේ නැහැ.
ඔබ මෙහිදී අදහස් කරන්නේ කුමක්දැයි මට පැහැදිලි නැත. 2/3ක් තිබූ ආණ්ඩුවකට තිබිය හැක්කේ ඉතා අවම මට්ටමේ අභියෝගයි.
මේ ආණ්ඩුවට තුනෙන් දෙක උවමනා වෙන්නේ ජනාධිපතිවරණයේ මහින්ද චින්තන 2 ක්‍රියාත්මක කරන්නනම් විපක්ෂයේ සහය ගන්න අභියෝග නැහැ. එය ලැබේවී.
ඉතිහාසය විමසීමේදි විපක්ෂය එය කුමන පක්ෂයේ වුවත් ආණ්ඩුව කරන හොඳ වැඩකදී වුවද කෝඳුරු තෙල් හත් පට්ටයකුත් තව ටිකක් ඉල්ලයි. අනිත් අතට දේශපාලනයේදී හොඳ වැඩ හා නරක වැඩ ඉරක් ගසා වෙන් කිරීමද ඉතා අපහසුය. දේශපාලනික සවිඥ්ඥාණකත්වය උපකාරි වන්නේ මෙවන් දේවල් අවබෝධ කර ගැනීමේදීය.
මා කිසිවකුටවත් චන්දය නුදුන්නෙමි. ඔබ මේ රජයට චන්දය දෙන්නට ඇතයි සිතමි. ඔබ චන්දය දුන්නේ මහින්ද චින්තන 2 ට නම් මෙසේ පාර්ථනා කරන්න උවමනානොවේ.එසේම ඇමති මණ්ඩලය 35 ට වඩා වැඩි කරළාය. ඔබ විශාලයි කියන්නේ 100 ට වඩා වැඩි වුනොත්ද?
මමද කිසිවෙකුට චන්දය නුදුන්නෙමි. එහෙත් ‘ඔය මොකාට දුන්නත් වැඩක් නැහැ’ කියන පදනමේ සිට නොවේ. පෞද්ගලික හේතුවක් නිසා මට චන්දය දීමට නොහැකි වූ බැවිනි. ඒ කෙසේ වෙතත් මගේ චන්දය මහින්ද රාජපක්ෂටත් මෙම රජයටත් ලබා දීමට මම ඉතා කැමැත්තෙන් පසුවීමි. මම මහින්ද චින්තන 2 කියවා නැත. මම ප්‍රතිපත්ති ප්‍රකාශන දෙස බලා චන්දය ප්රකාශ කර නැත. චන්දය දීමේදි මා උපකාරි කර ගන්නේ මා ඉහත සඳහන් කළ මගේ දේශපාලන සවිඥ්ඥාණකත්වයයි. වසර 30ක් තිස්සේ ඇදී ගිය යුද්ධය හමාර කිරීම මහින්ද රාජපක්ෂ වෙත මගේ චන්දය ප්රකාශ කිරීමට හොඳට ප්‍රමාණවත්ය. ඔහු එහිදි ජාත්‍යන්තර බලවේග හසුරුවමින් ක්‍රියා කළ ආකාරය ප්‍රශංසනීය බව අමුතුවෙන් කිව යුතු නොවේ. මහින්දට වඩා සුදුස්සකු සොයා ගත හැකිව තිබුනේනම් මම ඔහුට චන්දය දෙමි. නමුත් මට එවැන්නෙක් පසුගිය මැතිවරණවලදී සොයා ගත නොහැකි විය.
මා ඇමති මණ්ඩලය කුඩා යයි පවසන්නේ තිබුණු ඇමති මණ්ඩල හා සැසඳිමේදීය. ගිය වර ඇමති මණ්ඩලය 120ක් වුනි නම් ඇමති මණ්ඩලය 100 ට වඩා අඩු වීම අනිවාර්යයෙන්ම සාධනීය පියවරක් සේ සැලකීමට මම කැමතිය. සියයට සියයක් නිවැරදි පුද්ගලයන් හෝ ආණ්ඩු පතන ව්‍යාජ පරිපූර්ණවාදියෙක් වීමට මා අකමැතිය. එවන් ප්රායෝගික නොවන ප්‍රර්ථනාවලින් රට හෝ ලොව ඉදිරියට යන්නේ නැත. අපි පටන් ගත යුත්තේ තිබෙන තැනෙන් මිස මෙලොව නොපවතින ස්ථානයකින් නොවේ.
මේ ප්‍රශ්නය මගෙන් අසා පලක් නැත.
නමුත් මා දන්නා දෙය 140ක් මන්ත්‍රීවරු සිටි ජේ.ආර්.ට ඔය ප්‍රශ්නය මතු නොවුන බවය.
ජේ. ආර්. ට මංත්‍රීවරු 140 ක් සිටියත් ඔවුන් පනීවිය යන ප්‍රශ්නය ජේ. ආර්. ට ඇති නොවීමට සාධක කිහිපයක්ම බල පෑවේය. පළමු සාධකයනම් ඔහු විසින් මංත්‍රීවරුන්ගෙන් දින රහිත ඉල්ල අස්වීම් ලබා ගැනීමයි. දෙවැන්න ඔහුට මන්ත්‍රී වරු 140ක් සිටියේ මුලු මංත්‍රීවරු 168 කිනි. ඔහුට 4/5 ක බලයක් සහිත පාලිමේන්තුවක් විය. පැනීමෙන් ආණ්ඩුවේ බලය සෙලවීම ඉතා අපහසු තත්වයක තිබුණි. තුන් වැන්න ලෙස මා දකින්නේ විශාල කැබිනට් මණ්ඩලයක පූර්වාදර්ශයක් ඔහුට නොවීම නිසා බොහෝ මංත්රීවරුන් ඇමතිකම් බලා පොරොත්තු නොවීමයි. තත්වය වෙනස් වූයේ ප්‍රේමදාසගේ ආගමනයත් සමගය.
අහස දෙස බලන ගැමිය මෙන්ම දත්ත කැටිකොට ජාල ගත කරන්නාවූ කාළගුණ විද්‍යා දෙපාර්තමේන්තුවද හවසට වහින බව කිය හැකි මුත් දෙදෙනාම අසමත් වන අවස්ථා එමටය.
ගැමියා සහ කාළගුණ දෙපාර්තමේන්තුව යන දෙකම අසමත් වීම සිදු විය හැකි වුවද අසමත් වීම පිළිබඳ අපකීර්තිමත් බව වැඩියෙන් ලබා ඇත්තේ කාළගුණ දෙපාර්තමේන්තුවය.
1.සැබවින්ම් කරුණු නොදන්නාකම නිසා එසේ හැසිරෙන බව.
2.කරුණු දැන සිටියද තමන්ට අවාසි තන්හී මෝඩ ප්‍රශ්න අසා ලිස්සන බව.
මම ඔබ මෙන් සියල්ල දත් ප්‍රාඥයකු නොවෙමි. එනිසාම මා ඔබ මෙන් කරුණු නොදන්නවා ඇත. මා මෝඩ ප්‍රශ්න අසන බව ඔබට සිතෙන්නේ මා කරුණු නොදන්නා නිසා විය යුතුය. එසේ නොමැතිව ඔබ කියන ලෙස ප්‍රශ්නයෙන් පලා යාමට නොවේ. මටද අවශ්ය කාගෙන් හෝ ඉගෙන ගැනීමටය. මා හිමිදිරියේ අවදි වන්නේ අද කාගෙන් හෝ යමක් ඉගෙනීමට ලැබේවායි පතමිනි. මම මේ සංවාදයට එලඹීමේදි ඔබෙන් යමක් ඉගෙනීමට අධිටන් කර ගතිමි. ඒ අතින් තවමත් මා අවාසනාවන්තය.
කැමතියිකැමතියි
@ Rana
Thank you very much for your detailed answer.Unfortunately I’m not in a position to reply you now as I’m spending my hard earned vacation with my own family.I’ll reply you on end of this month.Its sad to hear that I didn’t help you.
කැමතියිකැමතියි
It is alright hondahitha. I understand it. Enjoy your vacation.
rana
කැමතියිකැමතියි