Month: මා ව

මා කුඩා කළ ,මගේ ගුරුතුමා රචනයේදී හැමවිටම උපරිම අවධානය යොමු කර ගන්නා අයුරින් මාතෘකාව යොදන ලෙස නිරතුරුවම දුන් ඔවදන් සිහිකරමින් ගියවර ලිපිය පළකළෙමි. තද සහ රළු වූ ,මාගේ එම මාතෘකාව සමහර බොදුනුවන්ගේ සිත් තැවුලට කාරණාවක් වූ බව දැන ගතිමි.

එය අපගේ කිරිබත්ගොඩ හිමියන්හට කෙරුන අපහාසයක් ලෙසද සමහරුනට පෙනී ඇත.

එබැවින් ,පළමුව ඒ පිළිබඳ මගේ බලවත් කණගා‍ටුව ප්‍රකාශ කරන අතර

එම හිමියන් ඇතුළු එයින් සිත් වේදනාවට පත්වූ සියළු දෙනාගෙන්ම සමාව අයදිමි.
නමුත් මා හට කීමට ඇත්තේ මා කිසිවකුට අපහාස කළා නොව මට පැන නැගුන ප්‍රශ්නයකට විසඳුම් සෙව්වා පමණි යන්නය.

අනුන්ගේ සිත් රිදවීම අනුමත නොකරන මා අතින් සිදුවූ මේ අසත්පුරුෂ ක්‍රියාව මෙනෙහි කරමින් ලොව සතහට මෙත් වඩමින්  ඊයේ රාත්‍රී නින්දට ගිය මම පහත ලියවෙන සිහිනය දු‍ටුවෙමි.

මගේ මුණූ පොත් මිතුරකුගේ මිතුරා විසින් විද්යුත් තැපෑලෙන් මාහට විඩියෝවක් එවා තිබුනි.

එය කිහිප වතාවක් නැරඹුවෙමි. ඒ මෙසේය.

දේශකයානන් වහන්සේ කිරිබත් ගොඩ හිමියන්ය.

“මේ පින්වතුන් දන්න ප්‍රකට කාරණයක් තියෙනවා.ඒ තමයි මම බෞද්ධ පවුලක ඉපදුනේ නැහැ කියන එක.

අප්‍රකට කාරණය තමයි මම කොහොමද බෞද්ධ වුනේ කියන එක.

මේ පින්වතුන් දන්නවා කිසිවකුටත් උපතින් බෞද්ධ වෙන්න බැහැ කියන එක.

කතරගම ගිය මගේ පියාණන්ට සිතුනා මාවත් සමග බෞද්ධ වෙන්න.

මා දන්නේ නැහැ එහෙම හිතුනේ ඇයි කියළා.

නමුත් මට මාස හයේදී මගේ දෙමාපියන් මාවත් වඩාගෙනම තෙරුවන් සරණ ගියා.(උපාසිකාවන්ගේ සාදු නාදය).

මේ පින්වතුන් හිතනවද ඒ වෙලාවේ මාව බෞද්ධයකු වුනා කියා..(උපාසිකාවන්ගේ සාදු නාදය).
පින්වතුනි බෞද්ධයකු වීමට තිසරණ සරණ යායුතුයි.

උපාලි සූත්‍ර දේශනාවෙන් මෙය  සනාථ වෙනවා

තිසරණ සරණ යාමට පළමුව බුදුන් සරණ යායුතුයි.

මේ පින්වතුන් දන්නවා නව අරහාදී බුදුගුණ මෙනෙහි කරමිනුයි බුදුන් සරණ යායුත්තේ..(උපාසිකාවන්ගේ සාදු නාදය).

දෙවැනුව දහම් සරණ යාම.

පින්වතුනි ඇයි අප දහම් සරණ යන්නේ.

අප දන්නවා මෙලොව ඉපදීම ,ලෙඩවීම,මහළු වීම සහ මරණයට පත්වීම දුකක් කියා.

ඉතින් මේ දුකින් ගැලවීමේ මාර්ගය දෙසූ බුදුන් සරණ යන අප දුකින් මීදීමට නම් දහම් සරණ යායුතුයි..(උපාසිකාවන්ගේ සාදු නාදය).

මේකට නිකම්ම ධම්මන් සරණන් ගච්චාමි කිව්වට වැඩක් නෑ.

දුක ,දුකට හේතුව,දුක නැති කිරීමේ මාර්ගය සහ දුක නැති කීරීම යන චතුරාර්යය සත්යය අවබෝධ කොට ගත්  අප බුදු පියානන් වහන්සේ.(උපාසිකාවන්ගේ සාදු නාදය).

 අප ඒ සඳහා යා යුතු මාර්ගය ආර්ය අෂ්ඨාන්ගික මාර්ගය පැහැදිලි කරදෙනවා.

පින්වත් උපාසක උපාසිකාවනි ගිහියන්  දහම් සරණ යායුත්තේ මේ කාරණා සිත තබා ගෙන මෙනෙහි කරමිනුයි .

වීඩියෝව මදකට නතරවී නැවත පටන් ගනී.
ඉතින් පින්වතුනි කවුරුහරි කියනවා නම් ඔහු උපතින් බෞද්ධ එසේ නැතිනම්,

 මාස හයේදී විතර බෞද්ධ වුනා කියළා එය මුසාවක් මිනිසුන් මුලා කිරීමක්.

මතක තියා ගන්න බෞද්ධයකු වීමට තිසරණ සරණ යා යුතුයි.

ඒ සඳහා වැඩුන මොළයක් දහම තේරුම් ගත හැකි මනසක් උවමනා කරනවා.

දැන් මේ පින් වතුන්ට පැහැදිලියි නේද මා බෞද්ධයකු වුන හැටි..(උපාසිකාවන්ගේ සාදු නාදය).

වීඩියෝව මදකට නතරවී නැවත පටන් ගනී
ඉතින් මම ගිජ්ජ කූට පර්වතයට නගින විට මට මෙනෙහි වුනා ආනන්ද හාමුදුරුවෝ..(උපාසිකාවන්ගේ සාදු නාදය).

සිදුහත් කුමරු උපන් දිනම ඉපදුන ආනන්ද කුමාරයා ,සිදුහත් තවුසානන් බුදුවීමෙන් පසු දෙවැනි වසරේදී, දේවදත්ත කුමරු ඇතුළු පිරිස සමග ඇවිල්ලා මහනවෙනවා.

මේ කාලයේදී  හාමුදුරුවරුන් කිහිපදෙනෙක්ම බුදුන් වහන්සේට ඇප උපස්ථාන කළත්

 උන්වහන්සේට වයස 55 වනවිට ස්ථිර උපස්ථායකයෙක් පත්කරගැනීම උවමනා වෙනවා.

ඒ සඳහා බොහෝ අය ඉදිරිපත්වුනත් බුදුන්ගේ තේරිම ආනන්ද හාමුදුරුවෝ..(උපාසිකාවන්ගේ සාදු නාදය).

එය පතාගෙන ආපු එකක්.එදා ඉඳලා වසර 25 ක්ම ආනන්ද හාමුදුරුවෝ බුදුන්ගේ සෙවනැල්ල සේ සිටිමින් සියළු ධර්ම දෙශනා හිතේ තියා ගත්තා.

ඒ නිසාම එතුමන් ධර්ම භාණ්ඩාගාරික වෙනවා.

බුදුන් පිරිනිවී පසු ඒ කටයුතු සිදුකරන අයුරු පවා එතුමා බුදුන්ගෙන් වේලසනින් ඉගෙන ගන්නවා..(උපාසිකාවන්ගේ සාදු නාදය).

ඉන්පසු පළමු ධර්ම සන්ඝායනාවට පෙරදින රහත් බව ලබනවා..(උපාසිකාවන්ගේ සාදු නාදය).

ආනන්ද මහරහතන් වහන්සේ බුදු දහම කටපාටමින් ගෙනයාම ආරම්භ කරනවා.

ඉතින් පින්වතුනි මා ගිජ්ජ් කූට පර්වතය මුදුනට යනකොට මේ සියළු චිත්ත රූප මැවිලා ඉවර වෙනවා.

ඔබ දන්නවා ත්‍රිපිටකය සරළ බසින් ඔබට ඉගැන්වීමට මා ගන්නා වෙහෙස.

ඒ නිසා මට හිතුනා මාත් ආනන්ද මහරහතන් වහන්සේගේ පරම්පරාවේ නේද කියලා..(උපාසිකාවන්ගේ සාදු නාදය).

එසේම මා ආනන්ද මහරහතන් වහන්සේ යටතේ මහණවෙලා ඉන්න ඇති නේද කියළා මහා සන්වේගයක් හිතට දැනුනා..(උපාසිකාවන්ගේ සාදු නාදය).

වීඩියෝව මදකට නතරවී නැවත පටන් ගනී

බුදුන් වහන්සේ වදාළ විමුක්ති මාර්ගයේ මා යුතු බව අවබෝධ කරගත් මා ඒ වෙනුවෙන් කැපවෙන්න තීරණය කළ මගේ මේ වෑයම නතරකරනේනේ රහත් බව සාක්සාත් කරගැනීමෙනුයි පින්වත්නි..(උපාසිකාවන්ගේ සාදු නාදය).
වීඩියෝව නතරවේ.

මට ඇහැරුණ නිසා වීඩියෝව සුරකීමට නොහැකිවිය.

මට ලැබුන ලිපියද නිදිමතේ මකා දමා ඇත.කුණු බාල්දියේද එය නැත.

එබැවින් මතක පරිදි මේ ලියුවෙමි.

අඩුපාඩුවක් වුවහොත් සමාවන්න.

මෙය බුදුදහමට අපහාස කිරීමට නොව මුසාවක් හෙළිකිරීම සඳහාම වූවකි.

මා කිරිබත්ගොඩ හිමියන් නොදු‍ටු නිසා මේ වීඩියෝව එහිමියන්ගේ යයි උපකල්පනය කරමි.

මෙහි සිටින්නේ උන්වහන්සේ නොවේ නම් මේ ප්‍රශ්න අදාළ වන්නේ මෙම දේශක හිමියන්ටය.

එසේවීනම් කිරිබත්ගොඩ හිමියන්ගෙන් සමාව අයදිමි.

මෙයට පිළිතුරු දෙනු කැමත්තේනම් අදාළ ප්‍රශ්නවලට පිළිතුරු දී වෙනත් ප්‍රශ්න අසන්නේ නම් මැනවි.

මන්ද යත් සමහරුන් කෙලින් පිළිතුරුදීම මගහැර වෙනත් නොවැදගත්දේ ඇදගන්නා බැවිනි.

පළමුව මෙම වීඩියෝවට නරඹන්න.

අසා සිටින්න.

නැවත 

විනාඩි 1.43 සිට විනාඩි 2.30 දක්වා පළමු ප්‍රශ්නය වෙනුවෙන්ද
විනාඩි 3.25 සිට විනාඩි 3.43 දක්වා දෙවැනි ප්‍රශ්නය වෙනුවෙන්ද
විනාඩි 4.21 සිට විනාඩි 4.42 දක්වා තෙවැනි  ප්‍රශ්නය වෙනුවෙන්ද

හොඳින් අසන්න.

දැන් මගේ ප්‍රශ්නවලට අවධානය යොමු කරන්න.

1.වයස මාස හයේ දරුවකුට බුදු දහමේ ඉගැන්වීම අනුව තිසරණ සරණ යා හැකිද?

මෙයට පෙර කිසිවකු එසේ තිසරණ සරණ ගොස් තිබේද?

එසේ නම් සාක්ෂි ඇතිව එය පෙන්වන්න.
2. ආනන්ද හිමිගේ පිරිවරේ සිටි මෙහිමියන් බුදුන් නොදැක්කේ ඇයි?

ආනන්ද හිමියන්ගේ ආයුකාළය කීයද?

3. විමුක්තිය උදාකරන්නේ ධර්මය මගින් යයි බුදුන් වහන්සේ  දේශනා කොට නැත්ද?

එසේ නම් මාස හයේ සිට තිසරණ සරණ ගිය මෙහිමියන් ඒ බව දැන නොසිටියේද?

ඒ බව මෙහිමියන්ට ඉබේ තේරුම් යන්නේ එතෙක් මෙහිමියන් තිසරණ සරණ නොගිය නිසාද?

නො එසේ නම් ධර්මයෙන් විමුක්තිය උදා කරගත හැකිබව සොයා ගත් ලොව පළමුවැන්නා මෙහිමියන්ද?

ඉහත අවස්ථා තුනේම  මෙහිමියන්ගෙන් බණ අසන්නන්හට බොරු කියනවා නොවේද?

එසේ නොවන්නේ නම් ඒ මන්ද?
යම් හෙයකින් මා වැරදි බව ඔප්පු වුවහොත් මහමෙව්නාවට ගොස්

එතුමා ගෙන් සමාව ඉල්ලා ඕනෑම දඩයකට යටත්වෙමි.

ජීවිතාන්තය තෙක් මහමෙව්නාවට කඹුරමි.
ලැබෙන ප්‍රතිචාර අනුව ඉතිරි කොටස පසුව ලියමි.

පෙරමුනේ රාලගේ අ‍ටුවාව හා නිර් රා මුවා ගැන මගේ ලිපියට නිර් රා මුවා පිළිතුරු සපයා ඇත.ඒ පිළිබඳ කෙටි සටහනකි මේ.

පෙරමුනේ රාල හෝ නෝ ෆ්‍රේම් පටලවාගෙන පිස්සු කියවනවා කියන ඔබ එය  සිහි විකල් නොවූ විටෙක කියවූවානම් වඩාත් හොඳයි සිතමි.

මන්ද යත් මා කියන්නේ පෙරමුනේ රාලගේ අ‍ටුවාවට නෝ ෆ්‍රේම් ලිපිය ගැන බැව් පැහැදිළිවම කියා ඇත.

එය තිබෙන්නේ රාලගේ අ‍ටුවාවේ නිසා නිවසේ අයිති කරු සමග තරහක් නැති බව කීවෙමි.

එනිසාම අ‍ටුවාවේ  ඇතුලත් වෙනත් කරුණු ගැන කීවෙමි.

නෝ ෆ්‍රේම් නමැති බ්ලොගයක රාල කෙනෙක් ගැන ලිව්වානම් මට පිස්සුය.

තවද අ‍ටුව කියවන විට රාලත්, නිර් රා මුවාත් එක කො‍ටුවේ ලගින බව පැහැදිලිය.

සිරස්තලය ඉලක්කකලේ පෙරමුනේ රාලගේ අ‍ටුවටයි

ඔව් මගේ හිත රිදුන නිසා තමා ලිව්වේ.

මගේ හිත රිදෙන්නට තිබෙන්නාවූ සාධාරණ පසු බිම මා පැහැදිලිව කියා ඇත.

වේදනාව කිව්වේ මා පමණක් වුවද මෙරට ජනයාගෙන් සියයට පහලොවකට ඔබ රිදවා ඇත.

1. ඔලු ඇට්ටකුණා වූ ඔස්තාර්ලා යනු සාමන්‍ය මිනිසා සමග පොළොවේ පයගසා සිටින්නට නොහැකි වූ අඳ බාලයන් පිරිසකි.         

  ඔබ අදහස පැහැදිලියි.මේ ඔස්තාර්ලා දෙමළ ජාතිවාදින්ට කඩේ ගොස් ඊළඟට ෆොන්සේකාට කඩේ ගොස් ඇත.ඔවුන්ට බහුතර සහයෝගය නැත.බොහොම ස්තුතියි අර්ථ දැක් වීමට. 

2.    මුලින්ම කිය යුතු කාරණේ නම් ඔබේ ජාතකයෙන් මට වැඩක් නැති බවයි. ඔබේ ජාතකය ඇද ගෙන ඔබ පෙන්වන්නට හදන්නේ ඔබ හොඳ සිංහල – බොදු බවද? සිහල – බොදු බව එන්නේ උප්පැන්නයෙන් යයි සිතා සිටින මෝඩයන්ට නම් ඔබ කියන කතාව පිළිගත් හැකි වනු ඇත. නමුත් හදවතට තට්ටු කර තමන් සිහල – බොදු දැයි අසාගත්තා නම් මෙච්චර පල් හෑලි ලියන්නට වෙන්නේ නැත.                                                                                                                                                                                                                                                                                                               

මා ජාතකය කියුවේ මගේ සිහල බොදු කම පෙන්වීමට නොව ඔබට එරෙහිව යන අය ගේ ජාතකය සොයන ඔබට උදවීමටය.

මා උප්පන්නයෙන් සිහල වුවද බොදු බව උප්පැන්නයේන් එන බව තිබෙන බව  කියා නැත.

මම සිහල බස කතාකරන මේ රටේ පුරවැසියෙක්මි.

මා බොදුනුවකු බවක්ද  කියා නැත.

ඔබ කියු ලිපිය නැවත කියවුයෙමි.

නමුත් පොළොවේ පයගසා සිටින සාමන්‍ය මිනිසා අවජාතකයා , අවජාතකවාදියා යන්න එසේ තේරුම් ගනිතැයි නොසිතන නිසයි මා එය ඇසුවේ.

3.තම මතයන්ට පහර වදින විට කටු තුලට රිංගා නිශ්ශබ්දව සිටීම මේ චෝදනාව මා ඔබට එල්ල කොට නැත                                                                                    

ඔබගේ වචනය පිළිගනිමි.මට චෝදනා එල්ල කොට නැත මා එසේ කියුවේ මගේ පමාවක් වුව්හොත් මතු ආරක්ෂාවටයි.

4.    .වෙනත් මතයක් දරන කෙනෙක් පිළිතුරක් දැමූ විට අපහාස උපහාස කරන්නට මොවුන් සැදී පැහැදී සිටිති – මෙය ඔබගේ බ්ලොගයේදිද මම දකින්නෙමි.මා එය මතු කරන්නේ අන් අය එසේ කරන බව කියමින් ඔබත් එයම කරනවිට ඔබ ඔවුන්ගෙන් වෙනස් වන්නේ කෙසේදැයි නොවැහැටෙනබැවිනි.                                                  

ඔබේ පිළිතුරෙන් ඔබත් වෙනත් මතයක් දරන කෙනෙක් පිළිතුරක් දැමූ විට අපහාස උපහාස කරන්නට සැදී පැහැදී සිටින බව මම දකින්නෙමි.  

සිංහල – බෞද්ධ යනු සංස්කෘතියකි. මේ හැර ඔබ අසන්නේ කුමක්දැ යි අපැහැදිලිය                                                                                                                              

සිංහල –බෞද්ධ සංස්කෘතියට  පහර ගැසීම ගැන මාගේ  වාදයක් නැත.මට සහතික කරගත යුතුවූයේ බෞද්ධයාට විශේෂණ පද වුවමනාද යන්නයි.

6.    බෞද්ධයන් එකී යාඥා මධ්‍යස්ථානයට පහර දීමත් බුදු දහමට ගැලපෙන්නේ නැහැනේද? මේ ප්‍රශ්නය අසන්නට උත්සුක වන ඔබ, පළමු ප්‍රශ්නය නො අසා මගහැර යන්නේ ඇයි?                                                                                                                                                                                                                                                      

මා ප්‍රශ්නය මගහැර නොමැත.පටලා ගන්න එපා.

විහාර මහා දේවී උද්‍යානයේ සිදු වූ මරණ වල වගකීම උක්ත පාස්ටර් විසින් ගත යුතු බව ගැන නොවේ මා අසන්නේ.

බෞද්ධයන් මේ ආකාරයෙන් පල්ලියකට පහරදුන්නානම් එය බුදුනට කරන නිගාවක් නිසායි,

මේ ස්ථාන  දෙකේදීම මරණ සිදුවූ සැබෑ ආකාරය මම නොදනිමි.

නමුත් පාදිලි තැනගේ මෙහෙය නිසා එම මරණ සිදුවී ඇත්නම් එම ක්‍රියාව හෙළා දකින අතර ඒ පිළිබඳ ව අපරාධ නීතියට අනුව දඬුවම් කළයුතු බව කියමි.

සෝමාවතියේ මියගිය තිදෙනා ගේ මරණ පිළිබඳවද මගේ මතය එයමවේ. 

7.    කිරිබත්ගොඩ ඥාණානන්ද හිමියන් රහත් වී තිබේද යන ප්‍රශ්නය මතු කරන්න කිසිවෙකුටත් අයිතියක් කොහෙත්ම නැත රහත්වීම හෝ නොවීම ඒ හිමියන්ගේ අයිතියක්   

ඔබේ පුරුෂ ලිංගයේ තරම කවරක්දැ යි හො (කාන්තාවක් නම්) තිසර පටෙහි කප් සයිස් එක කොපමණදැයි ඇසීම පුද්ගලික කරුණු වුවද

රහත්වීම හෝ නොවීම ඒ හිමියන්ගේ පුද්ගලික අයිතියක් බව දැන නොසිටියෙමි.

මාද සිතුවේ එය පොදු කාරණාවක් කියා.

බුදු දහම හෝ සඟ සසුන ගැනවූ මද දැනුම නිසා  ඒ පැනය නැගීම ගැන සමාවන්න.  

8.    ආදම් සහ ඊවා ගෙන් මිනිස් පරපුර බෝ වුනේ කෙසේද ? මෙය කිතුණුවන්ටද අදාළ අදාල වුවත් කරන්නට දෙයක් නැත                                                                                 

ඔව් මාතෘකාව බැලුවා නමුත් කිතුනුවන්ටත්  ඉස්ලාමයටත් ආදම් සහ එව පොදු නිසයි ඇසුවේ.

9.බුදු දහම මිනිස් පරපුරේ පටන් ගැන්ම හෝ අවාසානය ගැන යමක් නොකියයි. එය නිවන් දැකීමට අවශ්‍ය නොවන නිසාය. නිවන් දැකීමේ “ස්කෝප්” එකට ඒක වැටෙන්නේ නැති නිසාය.

බුදු දහම ගැනවූ මද දැනුම නිසා මිනිස් පරපුරේ ආරම්භය ගැන ඒ පැනය නැගීම ගැන සමාවන්න.

10. කුරාණය ප්‍රශ්ණ කිරීම සමච්චලයක් වන්නේත්, ඥාණාන්ද හිමියන්ට සමච්චල් කිරීම හරි වන්නේත් කෙසේ දැයි මට නම් හිතා ගන්නට බැරිය. සමහර විට ඔබ දමාගෙන සිටිනා “අවජාතකවාදී” කන්ණාඩිය නිසා වීමටද ඉඩ .                                                                                                                                                                      

අන් අය ඥාණාන්ද හිමියන්ට  සමච්චල් කරන නිසා ඔබට කුරනයට සම්ච්චල් කිරීමට අයිතියක් ඇත.   

මම තවම පියවි ඇසින් ලෝකය බලමි.

එහි කාචය අවජාතක නොවූවද අවජාතක වාදී බවක් දැන් මට පෙනී යයි.

11. බුද්ධාගමට අපහාස කරන අනෙක් අසම්පූර්ණ බෞද්ධයන් හෝ සැප බඩු සමග යහන් ගත වන හීරලුවන්ගෙන් එම ප්‍රශ්නය ඔබ නො ඇසීම ගැනම මගේ පුදුමය පිළිගන්න.

බුද්ධාගමට ඔබෙන් වන අපහාසය ගැන ප්‍රශ්ණකිරීමට පෙර මා ඉහත අයගෙන් ප්‍රශ්න කළයුතු බව මම පිළිගනිමි.

මුහම්මද් ගේ ජීවිතය විවේචනය කරන විට ඒ හා සම්මනව බුදුන් ගේ ජීවිතය විවේචනය කළ නොහැකි නිසා ඔවුන් විවේචනය කරන්නේ බුද්ධ පුත්‍රයන්ය

බෝසත් චරිතය,සිදුහත් චරිතය හා බුද්ධ චරිතයෙහි මෙන්ම බුද්ධ පුත්‍රයන්ගේ විවේචනයට දෙයක් නොමැති නිසා

අන් ආගම් විවේචනය කිරිමේ ගැටළුවක් නැත.

පෙරමුණේ රාළ සමග හෝ නෝ ෆ්‍රේම් සමග කිසිම විරසකයක් මාහට නොමැති වුවද “පල ඈති රුකට ගල් ගැසීම” යනුවෙන් පෙරමුණේ රාළගේ අටුවාවට නෝ ෆ්‍රේම් එක් කර තිබූ ලිපියට මෙසේ ප්‍රතිචාර දක්වන්නේ ඔහුගේ ඔවදනක්ද පිළිගනිමිනුයි.(එනිසා මොවුන්ට උත්තර දීමට අවශ්‍ය නම් ඔබේම බ්ලොග් අඩවියක උත්තර දීම වඩාත් උචිතය. එසේ නොමැතිව මොවුන්ගේ “හිට්ස්” වැඩිකර දීමට අප දායක නොවිය යුතුය.)

සෑබවින්ම මා හට අවශ්‍යව ඇත්තේ එහි අඩංගු යම් කරුණු කිහිපයක් පැහැදිළි කරගැනීම උව මා එම ප්‍රශ්න අසන්නේ කුමන පදනමින්ද යන්න ඔහු දැන ගත යුතුයැයි සිතෙන බැවින් මා ගැන කෙටි හැඳින්වීමක් පළමුව කරමි.

මගේ ජාතිය ශ්‍රී ලාංකික,(මී මුත්තගේ මුත්තාද ලංකාවේ ඉපදී ඇතිබව මගේ මුත්තා මා හට කියාදී ඇත )

ජන වර්ගය සිංහල (පරම්පරා තුනක උප්පැන්න සහතික සාක්ෂියට ඇත. )

නමුත් පරම්පරා ගණනාවක් භාවිත කරන්නේ පෘතුග්‍රීසී හෝ ගැලීසියානු බසෙන් ව්‍යුත්පන්නවූ පෙළපත් නාමයකි.

මීමුත්තගේ සිට හමේ වර්ණය සාමාන්‍යය සිංහලයාට වඩා පැහැපත් බව දැක ඇත්තෙමි.

නමුත් ලොකු තාත්තාගෙ පුතෙක් ලංකා යෝනක යුවතියක් සමගද,

 ලොකු අම්මාගේ පුතෙක් ලංකා දෙමළ යුවතියක්  සමග විවාහවීම නිසා අපේ මහ පවුල බහුජාතිකය.

පරම්පරා තුනකින් මෙපිට උභය කුළ පාරිශුද්ධ ගොවිගම කුලයට අයිතිවෙමි.

මගේ  තාත්තා මුත්තා මීමුත්තා රෝමානු කතෝලිකය.

මගේ තාත්තාගේ අම්මා බෞද්ධය.මගේ අම්මා සහ ඇගේ දෙමාපිය දෙපාර්ශවයම බෞද්ධය.

කුඩාකළ පියා සමග පල්ලියටද,මව සමග පන්සලට හා කතරගම දෙවිඳුන් පිදීමට කෝවිලටද ගියෙමි.

දෙනෑනුන් නිසා මුස්ලිම් පල්ලියේ සහ හින්දු කෝවිලේ වැඩටද දායකවීමට සිදුව ඇත.

පාසලේ උගන්වනු ලැබුවේ බුද්ධාගම නිසා විශයක් ලෙසින් එය උගත් අතර පන්සලේ දහම් පාසලට ඉරිදා සහභාගීවුනෙමි.එපමණක් නොව පාසලේ බෞද්ධ සංගමයේ සභාපතිවරයාද වීමි. තවද අ.පො.ස.සා.පෙළ විභාගයේදී බුද්ධ ධර්මය විශය සඳහා විශිෂ්ට සම්මානයක් ලදිමි.මෙයට අමතරව බයිබලය හා කුරානය හැදෑරුවෙමි.ආගමික පිපාසය නිසා ත්‍රිපිටකය,භගවත් ගීතාව හදාරමින් සිටිමි.කරුණු මෙසේ හෙයින් මට උරුමයෙන් ලැබුන ආගමක් නැත.(උපතින් බොදුනුවකු විය නොහැකි බව දනිමී).මපියා මාව මවට හොරෙන් බෞතීස්ම කළාදැයි නොදනිමි.මේ පසුබිම නිසා මා සර්ව ආගමික පසු බිමකින් යුත් ජීවියෙක් විය.දැන් මගේ පැනයන් ඉදිරිපත්කරමි.

1.බ්ලොග් අවකාශය යනු ඔලු ඇට්ටකුණා වූ ඔස්තාර් ලා එළිබසින තැනකි

ඔබ මෙහි සඳහන් කුලයට අයත් නොවන්නේ කෙසේද?

2.අවජාතක වාදීන්ටද තෝතැන්නක් ලෙස බ්ලොග් දැක්විය හැකිය.

මෙහි සඳහන් අවජාතක වාදීන් යනු කවුරුන්ද?

මා දන්නා තරමින් සෑම මනුෂ්‍යකුටම ජීව විද්‍යාත්මක මවක් සහ පියෙක් ඇති අතර ඔවුන්ගේ දරුවා ඔවුන් කළවැරදි වලට වගකිව යුතු නොවෙ.

ඒනිසා රජය  උප්පැන්න සහතිකයෙන් මව්පියන් විවාහකද යන වගන්තිය ඉවත්කිරීමට කටයුතු යොදමින් සිටී.

බුදුන් වහන්සේද මේ හැඳින්වීම අනුදැන වදාළේ නැහැ නේද?

3.තම මතයන්ට පහර වදින විට කටු තුලට රිංගා නිශ්ශබ්දව සිටීම මොවුන්ගේ තවත් ලකුණකි

මෙයට ඔබෙන් යම් පැනයක් වෙතොත් එයට පිළිතුරු දෙමි.ප්‍රමාද වනු ඇත්තේ හැමදාම අන්තර්ජාලයත් සමග සම්බන්ධවිය නොහැකි නිසාය.

4.වෙනත් මතයක් දරන කෙනෙක් පිළිතුරක් දැමූ විට අපහාස උපහාස කරන්නට මොවුන් සැදී පැහැදී සිටිති

මෙය ඔබගේ බ්ලොගයේදිද මම දකින්නෙමි.

මා එය මතු කරන්නේ අන් අය එසේ කරන බව කියමින් ඔබත් එයම කරනවිට ඔබ ඔවුන්ගෙන් වෙනස් වන්නේ කෙසේදැයි නොවැහැටෙන බැවිනි.

5.මේ සියල්ලන්ම පහර ගසන්නට හදන්නේ සිංහල බෞද්ධ කමටය.

සිංහල බෞද්ධ කම යනු කුමක්ද?

අන් ජාතික බෞද්ධයන් ,සිංහල බෞද්ධයන්ගෙන් වෙනස් වන්නේ කෙසේද.?

තිසරණ සරණ යෑමෙන් හැර වෙනත් ක්‍රමයකට බෞද්ධවීමක් අන් ජාතිකයන්ගේ හෝ සිංහලයන්ගේ තිබේද?

6.

මේ සමහරුන්ට පාදිලියකු අතින් කාන්තාවක් මිය යාමට වඩා ප්‍රශ්නයක් වුනේ බෞද්ධයන් එකී යාඥා මධ්‍යස්ථානයට පහර දී එහි වායු සමීකරණයකට අලාභ හානි කිරීමය.

පාදිලියකු අතින් කාන්තාවක් මිය යාම අපරාධ නීතියට අනුව දඬුවම් ලබා දියයුතු ප්‍රශ්නයක්, බෞද්ධයන් එකී යාඥා මධ්‍යස්ථානයට පහර දීමත් බුදු දහමට ගැලපෙන්නේ නැහැනේද?

7.දැන් මොවුන් කරන්නේ මෙරට ප්‍රසිද්ධ බුද්ධ පුත්‍රයකු වූ කිරිබත්ගොඩ ඥාණානන්ද හිමියන්ට උසුළු විසුළු කිරීමය. ඇට (නැති) මැස්සා උන් වහන්සේ රහත් වී තිබේද යන ප්‍රශ්නය මතු කරයි.

මෙරට ප්‍රසිද්ධ බුද්ධ පුත්‍රයකු වූ කිරිබත්ගොඩ ඥාණානන්ද හිමියන් රහත් වී තිබේද යන ප්‍රශ්නය මතු කරන්න කිසිවෙකුටත් අයිතියක් නැතිද?

8.ආදම් සහ ඊවා ගෙන් මිනිස් පරපුර බෝ වුනේ කෙසේද ?

මෙය කිතුණුවන්ටද අදාළ නොවේද?

බුදු දහමට අනුව මිනිස් පරපුර බෝ වුනේ කෙසේද යන ප්‍රශ්නයද ගැටළු සහගත නොවේද?
ඉස්ලාම් ආගමේ තිබෙන්නාවු ගැටළු සහිත තැන් පිළිබඳව වූ ඔබගේ විවේචන වලට මම එරෙහි නොවෙමි.

එය සමච්චලයට ලක් නොකර එය කරනවානම් හොඳයි නේද?
ඔබගේ මුළු බ්ලොගයම සැරිසැරූ මට එක් තැනෙකදී ඔබ සම්පූරණ බෞද්ධයකු නොවන බව වැටහුනා.

ඔබ වැනි අසම්පූරණ බෞද්ධයන් ගේ මෙවැනි ක්‍රියා සම්පූරණ බෞද්ධයන්ට අපහාසයක් බව වැටහුනාද?.

ආදම් සහ ඒව ඉස්ලාම් හෝ කිතුණුවන් යයි සඳහනක් මා දැක නැත.

වසර 2500ක් වත් නොවූ ආගමක් ගැන මහමත් නබිගෙන් පටන් ගමුද?
ආගම් ගැන මගේ වැටහීම මෙසේ කැටිකර දක්වමි.

සිදුහත් තවුසා බුද්ධත්වයට පත්වීමටපෙර දැනුම සොයා ඉන්දු-ගංඟා මිටියාවත පුරාම සැරිසරණ ලද අතර ,

එතුමා එම සත්වස තුලදි එම ශිෂ්ටාචාරයේ තිබුනාවූ සියළුම දැනුම ලබාගන්නවා.අවසානයේ බුද්ධත්වය ලබනවා.

බුදු හිමියන් නිර්වාණ මාර්ගය සාක්ෂාත් කරගැනුමට තමන් වහන්සේම ගුරු කොට ගත්තද ධර්ම දේශනා කරද්දී සියළුම දැනුම උපයෝගී කරගන්නවා.

උදාහරණ ලෙසට සූර්ය්‍යාගේ චලිතය,පෘතුවියේ පරිභ්‍රමණය ගැන තාරකා ව්ද්‍යාව හා වෙනත් විද්‍යා ගැන එතුමාගේ සඳහන් කිරීම් ගත හැකිය.

නමුත් බුදුන්ගෙන් පසු අද දක්වා කාලය තුල බෞද්ධයන්  වෙනත් ආගම් වල කොටස් එයට එකතු කිරීම නිසා බෞද්ධ සංස්කෘතියක් නිර්මාණයවේ.

උදාහරණ ලෙස හින්දුන්ගේ දේව ඇදහිළි,කිතුණුවන්ගේ උත්සවවලට සමපාතව බෞද්ධ උත්සව පැවත්වීම ගත හැකිය.

බුදුන්ගෙන් වසර 500 කට පමණ පසු යේසුස් උපදින්නේ යුදෙව් ආගමික වටපිටාවක වන අතර,

 එවකට එම පල්ලිතුල සිදුවන විෂමාචාර දකින ඔහු මෙය සැබෑ දහම නොවේ යයි අවබෝධ කරගැනීම නිසා ධර්ම ගවේශණයේ යෙදෙනවා.

මේ වන විට විකෘතිවීගිය බුදු දහමක් නාසරත් වැසියනට වෙළඳ සබඳතා මගින් ලැබී තිබිය හැකිය.

එබැවින් ඔහු අතුරුදහන්ව සිටි කාලය යනු ඉන්දු ගංඟා නිම්නයේ ධර්ම ගවේශණයේ යෙදුන කාලය විය හැකිය.

ඉන් පසු එතුමාගේ දේශනාවන් කාලයාගේ ඇවෑමෙන් නැවත යුදෙව් දහම සමග මිශ්‍රවීම මගින් අද පවතින කිතුණු දහම බිහිවේ.

නමුත් එතුමා විව්ධවූ විද්‍යාවන් බුදුන් වහන්සේ තරම්දුර හදාරා නොමැති බව පෙනේ.

බුද්ධ පරිනිර්වාණයෙන් තවත් වසර දහසක් සහ ජේසු උපතින් වසර 570 කට පසු මහමත් නබිවරයා උපත ලබනවා මක්කමදී.

ඒ වනවිට මක්කම වැසියන් යුදෙව් දහම කිතුණු දහම සහ බුදු දහම දැන සිටින්නට හෝ අදහමින් සිටින්නට ඉද ඇති අතර මේ සියළු ආගම් මිශ්‍රව තිබෙන්නද ඇත.

ධර්ම ගවේශී නබිවරයා ගුහාගතවී සිට එළියට එන්නේ මේ සියල්ල සංකලනයෙන් යුත් ආගමක් සමග.

එය එදා ඔහු ජීවත්වූ සමාජයේ අවශ්‍යතා සඳහා ගැලපුන අතර එතුමා බුදුන්වහන්සේ මෙන් විද්‍යා දැනුමෙන්සන්නද්ධවී නොමැති බවත් ,

අඩු තරමින් එවකට ග්‍රීසිය සහ රෝමයේ දියුණුවී තිබු විද්‍යා දැනුමවත් ඔහුවෙත ලඟාවී නැති බව පැහැදිළිය.

ක්‍රි.ව.හයවන සියවස වන විට බැග්ඩෑඩ් හරහා මක්කම වෙත දැනුම ගලායාමේ ගැටළුවක් තිබෙන්නට හැකි යයි මත නොසිතේ.

වර්තමානය වන විට සියළු ආගම් සහ සංස්කෘතීන් එහි මූලාරම්භයට වඩා වෙනස්වී ඇති බව පැහැදිළිය.

එයට අන්‍ය ආගම් වල බල පෑම් මෙන්ම මුඛ පරම්පරාගතව ඒමේදී  එදා තිබූ විවිධවූ මිත්‍යාමත රිසිසේ එකතුවන්නට ඇත.

හැම තන්හි අප දකින්නේ මේ විකෘතියයි.

ඒ කිසිවකට මේ සාස්තෲවරුන් පළි නැත.

අන්ධානුකරණයෙන් ආගම් අදහන්නෝ හැම ආගමකටම පොදුය.

මේ අන්ධානුකරණයට සමච්ච්ල් කිරීමෙන් සිත් රිදවා ගැනීමක් හෝ තමනට විනෝදයක් ලබාගැනීම හැර නෙත් පෑදීමක් සිදුවේ යැයි සිතීම අපහසුය.

ඔව් අප කළයුතු  දෙයක් ඇත.

ඒ සියළු ආගම්හි විකාශය කාලානුරූපව ප්‍රාදේශීය හා ලෝක ඉතිහාසය සමග සසඳා අවිනිශ්චිත හා පිළිගත නොහැකි කරුණු පිළිබඳව විද්‍යාත්මක සාකච්චාවකට මග පාදා ගැනීමයි.

අනුන්ගේ ඇසේ පොල්කෙන්ඳ දකිනවිට තමන්ගේ ඇසේ පොල් පරාලය අමතක කරන බව මතක තබාගතයුතුය.

උදාහරණයක්    කිරිබත්ගොඩ ඥාණානන්ද හිමියන් වයස මාස හයේදී තිසරණ සරණ යන්නේ කෙසේදැයි මට නොවැටහේ.
බුදුන් වහන්සේ අනුදැන වදාළේ මේ අපහාස කිරිමේ ක්‍රමයයි මට නොසිතේ.

මා කිසිම බ්ලොග්කරුවකුගේ අහවල් දෙය කරන්නකු නොව යථාර්තවාදී ලෙස සිතීමේ උන්මාදයෙන් පෙලෙන්නෙක් බවද මාගේ පවුල් පසුබිම අනුව ඔබගේ සටහන් වලින් අප සිත් තැලෙන බවද සිහිකරන්න.

අප රට තුල හැම ආගමකටම ධර්ම සංඝායනාවන් අවශ්‍යව ඇත.

පෙරමුණේ රාළ ඒ සඳහා පෙරමුණ ගනු ඇතයි පතමි.
තෙරුවන් සරණයි…!

.

රටේ සන්වර්ධන වැඩ වෙනුවෙන් ඕනෑම ඉඳිකිරීමක් ඉවත්කළ යුතු නම් එයට එරෙහි නොවිය යුතුය,

එසේවූ විට යම් ජන කොටසකගේ හිසට සෙවන,සමාජ වටපිටාව, බඩ වියත ‍රැකගන්නා මාර්ගයට එය බලපෑවද

එ නිසා ඒ වැඩ පිළිවෙල අත්හැර දැම්මේ නම් ලොව මහ නගර ඉඳි නොවෙනු ඇත.

නමුත් මේ අසරණයන් පදික වේදිකාවෙන් එළවන විටම,

(සමහරුනට අනුව ඔවුන් එළවීම නිවැරදිය.මන්දයත් කාන්තා අතවර සිදුවන නිසාය.ඒ අනුව කාන්තා අතවර සිදුවන සියළු තැන් වසා දැමිය යුතුය.)

නිවසින් එළවන විටම ,

වෙනදාමෙන්ම හිසට සෙවනක් ,බඩට අහරක් ,වැටෙන බවට සහතිකයක් තිබිය යුතුය..

නො එසේ නම් ඔවුන් වෙනුවෙන් අප පාරට බැසිය යුතුය.

අවාසනාවකට එය නොවේ.

එසේම පාරට බහින අසරණයන්ට තලන්නේ ,වසරකට පෙර කිරිබත් කැවූ ඔවුන්ගේ එකෙක් වීම මොන තරම් ශෝචනීයද.?

මේ පාප කර්මය දිඨ්ටධම්මවේදනීය කර්මය යයි මා නොකියන්නේ මේ අසරණ සිත් තවත් නොතැලියයුතු නිසාවෙනි.

නමුත් රටේ ජනතාව ගැටළු විසඳීමේ මෙම ක්‍රමය ඉහළින්ම අනුමත කර ඇතිබවත් අමතක නොකළ යුතුය.

එවැනි උදාහරණ කිහිපයකි මේ.

1.සාමය සඳහා යුධ කොට ,එය ජය ගැනීමෙන් මින් පසු සාමය ඇතිකරන්නේ කෙසේද යන්න සොයා බැලීමට කොමිසම පත්කිරීම.

ඒ මක් නිසාද යත් එසෙ නොවී සාම විසඳුමට යම් හෙයකින් ඔවුන් එකඟ වුවානම් ඔවුන්ව සමූල ඝාතනය කොට සිව් හෙළයේ විජය ධජ නන්වන්න ඉඩ නොලැබෙන බැවිනි.

2.ඉරිදා සහ පෝයදා ටියුශන් තහනම් කිරීම.

එවිට වෙන කළයුතු දෙයක් නොමැති හෙයින් ධර්මානුකූල දිවියක් සඳහා දහම් පාසලට පන්සලට යෑම.

3.ඉරිදා සහ පෝයදා මත්පැන් සහ මස් විකිණීම තහනම් කිරීම.

එවිට නියත වශයෙන්ම පස්පවු වලින් දෙකකින් මිදුන බවට රජයේ සහතිකයක් ලැබීම.

4.කාම චිත්‍රපට හා වෙබ් අඩවි තහනම් කිරීම.

මෙමගින් තෙවැනි සිල්පදය ආරක්ෂාවන බවට රජයේ සහතිකයක් ලැබීම

5.ඇල ඉවුරු දෙපස ජනතාව මේ පෝලිමට හෙට එක්වීමට නියතයි.

ඉහත හැම එකකම මූලධර්මය පළමුව වාරණයයි.

ජාතියක් වශයෙන්ම අප වාරණයෙන් පසු විසඳුම් සෙවීමට රුසියෝය.

එසේනම් කොළඹ පැල්පත් වැසියන් කඳවුරකට ගාල්කරමු

කුඩා කළ කොපි පොතේ ඇතුල් කවරයේ ලියාගෙන පාඩම් කළ “මාර්ටින් නීමෝලර් මුලධර්මය .”

ඒ පොත් පි‍ටු අතර තිබු සියළු භෞතික හා රසායන මූලධර්මවලට වඩා  දිනෙන්දින ඇස්පනාපිට ඔප්පුවන බව දකින්නෙමි.

“THEY CAME FIRST for the Communists,
and I didn’t speak up because I wasn’t a Communist.

THEN THEY CAME for the Jews,
and I didn’t speak up because I wasn’t a Jew.

THEN THEY CAME for the trade unionists,
and I didn’t speak up because I wasn’t a trade unionist.

THEN THEY CAME for me
and by that time no one was left to speak up.”

නී මෝලර් සමාවෙන්න අදට ගැලපුවාට

පළමුව ඔවුන් ත්‍රස්තවාදීයා වෙත පැමිණියහ

ඩලස්ට අගුපිළ නමින් බියොන්ඩ් ෆ්‍රේම් ගේ ලිපියකට මා සහ මල් මාමා ලියන ලද සටහනක් නිසා රනා සටනට එළබිණ.දැන් එය ද්වන්ධ සටනක් බවට පත්වි මාසයක් තිස්සේ ඇදි යයි.අප දෙදෙනා බියොන්ඩ් ෆ්‍රේම්ගේ අවකාශය මෙසේ යොදා ගැනීම නොහොබී.එබැවින් එය මගේ අගු පිළට ගෙන ආවෙමි.බියොන්ඩ් ෆ්‍රේම් ,මල්මාමා ඇතුළු සැමට මේ සටන නැරඹිමට ඇරියුම් කරමි.

 
අපේ සන්වාදයට හවුල් වූ රනා හැර තවත් රනා කෙනෙක් සිටි.ඔහු  මේ මම ගැන නෙමෙයි…. මගින් එය පැහැදිළිකර ඇත.මා පිළිතුරු දුන්නේ වාදයට පැටලුනු රනාටය.මට හමුවු දෙවනි රනා ඔබට යම් සිත තැවුලක් විනි නම් සමාවෙන්න.මා කිසිවිටෙක ඔබව ඉලක්ක නොකෙළෙමි.
මල්මාමා
 
April 27, 2010
 

rana  April 27, 2010
 
 
 
මේ කියන ආකාරයට තරුණ කටයුතු හා රැකී රක්ෂා අමාත්‍යාංශය අගු පිලකි.
දහස් ගණනක් තරුණයන් මරු පල්ලට දැක්කූ එක්සත් ජාතික පක්ෂයට
තරුණ කටයුතු අමාත්‍යාංශය අගු පිලක් සේ පෙනීම පුදුමයක්නම් නොවේ.
බ්‍රේස්ලට් එකකට හෝ කබල් වෑන් රථයකට මුලු ආත්මයම පාවා දෙන
තරුණයන් සිටි බව විස්වාස කළ පක්ෂයකින් අප වෙන බලාපොරොත්තු වන්නේ කුමක්ද?
රටේ ජීවනාලිය යයි කියන තරුණ පරපුර ගැන එ. ජා. ප. යේ මතය මෙයද?
 

මල්මාමා   April 27, 2010
 
ඒත් වැඩේ කියන්නේ ඒ කාලේ තාරුණ්‍යයට හෙටක් කියලා
 
එකක් තියාගෙන ජේ ආර් ගේ පුතා ඔක්කොම වැඩ ටික කරපු නැති එක තමා.
 
නැත්තන් ඉතින් ඒකත් අගු පිලක් තමා.
 
Reply
මල්මාමා April 27, 2010
 
භූතානෙට යද්දී ලොක්කගේ ලොකු එකාවත් අරන් ගිහින්
 
 නියෝජ්‍ය විදේශ ඇමති ගීතාංජන නම් හිටියේ නෑ
 
එත් ජී ඇල් එක්ක ගිහින් තිබ්බේ ලොක්කගේ ලොකු එකා. අලි ශෝක්
 
Reply
ranaApril  27, 2010
 
ඇත්ත. රවී ජයවර්ධන තාරුණ්‍යට හෙටක් හැදුවේ නැහැ.
 
ඒ වෙනුවට තාරුණ්‍යට අයිති හෙට නැති කරන්න විශේෂ කාර්ය බලකාය හැදුවා.
 
හැබැයි විශේෂ කාර්ය බලකාය නිවැරදි දේ සඳහා
 
පළමුවෙන් යොදා ගත්තේ ඩී. බී. විජේතුංග මහතා.
තව එකක් විදේශයකට ඇමති සහ නියෝජ්‍ය ඇමති එක පාර යන්නෙ නැහැ.
 
 ඇමති නැති නිසා වැඩ බලන්නේ නියෝජ්‍ය ඇමති.
 
රනිල් සහ සාගල රත්නයක රට යනකොට
 
කරූ ජයසූරිය සහ තිස්ස අත්තනායකත් යන්නෙ නැහැනේ.
 
Reply
මල්මාමා April 28, 2010
 
අනේ මල්ලියේ විශේෂ කාර්යය බලකාය මොකැයි කලේ
 
තාරුණ්‍යයට හෙටක් නැති කරන්න ?
89-90 කලබල කාලේ ගැන කියනව නම්
 
ඉතින් මුලින්ම කියලා තියන්න වැරද්ද කාගෙද කියලා.
 
ඔවු ඉතින් ඒත් ඉතින් ජී ඇල් ඇමති තුමා පැත්තක තියෙන
 
පුටුවක වාඩි වෙලා ප්‍රධාන පුටුව නාමල් කොල්ලට දීල තියෙන්නේ මොකද දන්නේ නෑ.
 
Reply
rana April 29, 2010
 
විශේෂ කාර්ය බලකාය 87-89 කරපුවා ඉතින් අයියට මතක ඇතිනේ .
 
වැරද්ද කාගෙද කියලා අහන හැටි විතරක්!
 
 අයියා පිළිගනියිද මන්දා වැරද්ද එ. ජා. ප. යේ කියලා.
 
 හැබැයි ජේ. ආර්. ලොක්කානම් පෙන්ෂන් ගියාට පස්සේ පිළිගත්තා
 
ජ. වි. පෙ. තහනම් කළේ බොරුවට කියලා.
 
ප්‍රජාතන්ත්‍රවදී දේශපාලන දහරාවේ හිටිය දේශපාලන පක්ෂයක්
 
 නිකරුණේ තහනම් කළාම ඔය විදිහේ දේවල් සිද්ධ වෙනවා.
 
ඒ නිසා ඒ කාළේ ජ. වි. පෙ. කළ දේවල් වළ වගකීම ගන්න වෙන්නෙ එ. ජා. ප. යට.
නාමල් කොල්ලා ඉඳගෙන හිටපු පුටුවේ සයිස් එක කියන්න මන් දන්නෙ නැහැ.
 
 කොහොමහරි නාමල් කොල්ලට විදේශ ඇමති කම
 
ජී. එල්. ගෙන් උදුරගෙන අරන් දීලානම් අපි අපේ විරොධය පාමු.
 
Reply
මල්මාමා April 29, 2010
 
එතකොට රටක පාලනය ආයුධ බලෙන් ලබාගන්න එක හරි ?
 
එතකොට එල්ටීටීඊ කරපු වැඩෙත් හරි. මහින්ද තමා වැරදි ?
 
Reply
rana April 30, 2010
 
ජ.වි.පෙ. අයුධ බලෙන් ආණ්ඩුව අල්ලන්න ගියේ
 
ඔවුන්ව තහනම් කරළා ඔවුන්ව ප්‍රජාතන්ත්‍රවාදයෙන් පිටමං කරපු නිසානේ.
 
නැත්නම් 87-89 භීෂණයක් බිහිනොවෙන්න තිබුණනේ.
 
ඉස්සෙල්ලා විශේෂ කාර්ය බලකාය හැදුවා පස්සේ ජ. වි. පෙ. තහනම් කළා.
 
ඊට පස්සේ තරුණයෝ ටික බිල්ලට ගත්තා.
 
 ඒ විදිහටයි ජේ. ආර්. තමුන්ගේ පුතාව යොදා ගත්තේ තාරුණ්‍යට අයිති හෙට නැති කරන්න.
 
Reply
මල්මාමා April 30, 2010
 
ඉතින් හත්වලාමේ අපිත් කියන්නේ ඒකම තමා
 
රටේ ප්‍රධාන සුළු ජාතිය වන දෙමල අයට වෙනස් කම් නොකර
 
සැමට සමානව සැලකුව නම් දෙමළ ත්‍රස්තවාදය ඇතිවෙන්නෙත් නෑ.
 
එහෙම ඇතිවුන දෙමල ත්‍රස්තවාදය මර්ධනය කරපු මහින්ද හොඳයි.
 
අරක කරපු එජාපය වැරදියි. මේක හතර බීරී කථාවක්නේ.
 
Reply
 

හොඳහිතMay 2, 2010

රනා, මල් මාමා….
 
1. සිංහල දෙමළ භේදයක් නැතිව කවුරු මැරුවත් ඒක වැරදි දෙයක්.දෙන්නම ඒක පිළිගන්නේ භාගෙට.
 
2. විශේෂ කාර්ය බලකාය හැදුවේ ජ.වි.පෙ මර්ධනයට නොවේ.
 
3. රවී,විශේෂ කාර්ය බලකාය හැදුවට නාමල් වගේ දේශපාලනය කළේ නැහැ.
 
4. රනා ඉතිහාසය වැරදිලෙස පාවිච්ච්චි කරන්න එපා.
 
තරුණ නවක මන්ත්‍රීවරයකු වූ රනිල්ට එම ඇමතිකම ලැබෙනකොට ඒක ඉහටත් උඩින්.
 
ඒත් පරිණත ඩලස්ට ඒ ඇමතිකම දෙනකොට ඔහු හිටපු තැනට සාපේක්ෂව අගුපිල තමා.
 
ඒක ඔබ පිළිනොගත්තත් ඔහුගේ දේශපාලන මිතුරනුත් පිළිගන්නවා.
 
මා විදේශ ගතවනවිට මාගේ පුතා ගෙනයන විදියටම ජනාධිපතිතුමාටත් පුතා ගෙන යන්න පුළුවනි.
 
නමුත් වියදම දරන්නේ පියා හෝ පුතාගේ සාක්කුවෙන් වෙන්න ඕනෑ.
 
එසේ නැතිව ගියානම් ඔහුගේ නිල ගමනක් වියයුතුයි.
 
රනා මෙන්න මේවා ජනතාවට පැහැදිළි කරන්න.
 
එසේ නොවේ නම් අනිත් රජයේ සේවකයනටද ඒ අවස්ථාව ලබාදියයුතුයි.
 
4.  රනිල් සහ සාගල රත්නයක රට යනකොට කථාව මෙතනට අදාළ නැහැනේ.
 
5. අනික අතීතයේ එ.ජා.ප.ය කරපු වැරදි නිසා ඒවාට මහජනයා දඬුවම්දීලා බලයෙන් ඉවත්කරළා තියෙන්නේ.
 
ඒ වැරදි නොකරන්න කියලා පත්කර ගත් ආණ්ඩුව ,
 
එ.ජා.පය කරපු වැරදි නැවත කරන එක සාධාරණය කරන්නේ කොහොමද?
 

 
 
@මල්මාමා
 
මල්මාමා පටන් ගත්තේ ජ.වි.පෙ. මර්ධනය කරපු එක වැරදිද කියලා අහගෙන.
ඒත් දැන් කියනවා මහින්ද කොටි මර්ධනය කරපු එක වැරදිය කියලා.
කවුද දැන් හතරබීරී කතා කියන්නේ?
මල්මාමේ ත්‍රස්තවාදය නැතිකරන එක ආණ්ඩුවේ වගකීම.
ඒක සිංහලද දෙමළද කියලා බලන්න බැහැ.
හැබැයි ත්‍රස්තවාදය ඇතිකිරීම ආණ්ඩුවේ වගකීමනම් නෙමෙයි.
ජ. වි. පෙ. තහනම් කරනවත් එක්ක
විශේෂ කාර්ය බලකාය හදන්න පටන් ගත්තේ ජ.වි.පෙ. ට ගහන්න.
ඒක නැහැ කියන්න පුලුවන් රටේ මෑත ඉතිහාසය දන්නේ නැති කෙනෙකුට විතරයි.
 
@හොඳහිත
 
1. සිංහළ දෙමළ කවුරු මැරුවත් වැරදි දෙයක් වන්නේ අවස්ථාව අනුවයි.
ත්‍රස්තවාදය සිංහළද දෙමළද කියලා බෙදන්න බැහැ.
සාමයට තියෙන දොරවල් පාවිච්චි කරන්නේ නැත්නම් පිළිතුරු හම්බුවෙන්නෙත් යුද්ධයෙන්.
2. එහෙම නෙමෙයි කියලා කියන්නෙ කොහොමද?
ජේ. ආර්. ජ.වි.පෙ. තහනම් කළේ පැහැදිලි හේතුවක් නැතුව.
ඒ එක්කම එයා බලපොරොත්තු වුනා ජ.වි.පෙ. ආයුධ අතට ගනියි කියල්ල.
ඒ නිසා එස්. ටී. එෆ්. එක හැදුවා.
ජ.විපෙ. ට විරුද්ධව එස්. ටී. එෆ්. එක පාවිච්චි කළේ නැහැ කියලද කියන්නේ?
 
3. ඒක රවීගේ වැඩක් දේශපාලනය කරනවද නැද්ද කියලා තීරණය කරන එක.
ඩඩ්ලිට පුලුවන්නම් ඩී. එස්. ගේ පුතා හැටියට දේශපාලනයට එන්න රවිත් දේශපාලනයට ආවත් වැරද්දක් නැහැ. ඒක මෙතනට අදාළ නැහැ.
 
4. ඩලස්ගේ මිතුරන් හිතන්නේ කුමක්ද යන්න මම දන්නෙ නැහැ.
හැබැයි තරුණ කටයුතු අමාත්‍යංශය කියන්නේ අගුපිල නෙමෙයි.
ඒක මේ රටේ ජීවනාලිය සහ අනාගතය.
ඒකට අගු පිල කීම තරුණයන්ට කරන ලොකු අපහාසයක්.
මම කලින් කිව්වා වගේ තරුණයන්ව සොහොන් බිමට දක්කපු
එ. ජා. ප. වගේ පක්ෂයක් එහෙම හිතන එක පුදුමයක් නෙමෙයි.
නාමල් ගියේ නිල ගමනක් නෙමෙයිද?
නාමල්ට අපි කැමති වුනත් නැතත් මංත්‍රී කෙනෙක්.
හරි හෝ වැරදි මංත්‍රීවරුන්ට තියෙන අයිතිය රජයේ හැම සේවකයාටම දෙන්න බැහැ.
උදාහරණයක් හැටියට ගත්තොත් වාහන පර්මිට්, ගෙදරට සිකියුරිටි වගේ දේවල්.
 
5.  රනිල් සහ සාගලගේ කතාව කිව්වේ නියොජ්‍ය ඇමති ගිය නැති එක ගැන විස්තර කිරීමේ
උදාහරණයකට. නැතුව වෙන මුකුත් හිතේ තියාගෙන ලිව්වා නෙමෙයි.
 
6. ඔබ මෙතනදී බොහෝ නිවැරදියි.
ඔව් එ. ජා. ප. ය කරපු වැරදි මේ ආණ්ඩුව කළ යුතු නැහැ.
ජනතාව ඡන්දය දුන්නේ එවා නැවතත් අලුත් ආණ්ඩුවකින් කර ගන්න නෙමෙයි.
නමුත් අපිට පිළිගන්න වෙන එක සත්‍යයක් තියෙනවා.
ඒ තමයි මෙච්චර කල් පුරුදු වෙච්ච ක්‍රමය එක පාර අතාරින එක.
උදාහරණයක් හැටියට ඇමති මණ්ඩලය අඩු කිරීම.
ප්‍රේමදාස තමයි ඉන්න ඔක්කොටොම ඇමති කම් දුන්නේ.
ඊට පස්සේ අනිත් අයත් ඒවා බලපොරොත්තු වෙනවා.
දුන්නැත්නම් අනිත් පැත්තට පනිනවා.
දැන් බලන්න ඩලස්ට දීපු ඇමති කම ගැන ඩලස් කෑ ගහුවේ නැතත් එ. ජා. ප. යෙන් හරි කෑ ගහනවා.
 
Reply
 

• 
  ChrishiMay 3, 2010
  ඉතින් මල්ලියේ මම මේ කියන්නේ එල්ටීටීඊ එකෙයි
  88-89ජවිපෙ ක්‍රියාදාමයෙයි තියෙන එකම වෙනස
  එල්ටීටීඊ එක දෙමල වීමයි ජවිපේ සිංහල වීමයි නෙමේද ?
  දෙගොල්ලොම කලේ ආයුධ බලෙන් රාජ්‍ය බලය ලබාගන්න ට්‍රයි කරපු එකනේ.
  ඉතින් කොලුවො එකක් හරියි අනික වැරදියි කියන්නේ කොහොමද ?
  ඔය කට්ටිය ඕක ඔච්චර උඩ දාගෙන ඉන්නේ 88-89 කාලේ මරපු හැටි මිනිස්සු දැක්ක නිසා.
  ඒක හොඳට දන්න මහින්දයා කරේ
  මුලින්ම යුද්දේ තියන පැත්තකටවත් කාටවත් යන්න දුන්නු නැති එකයි.
  නැත්තන් ඉතින් ප්‍රේමදාස දහස් වරක් හොඳයි කියලා මිනිස්සු කියයි.
   
  Reply
   
  • 
    මල්මාමාMay 3, 2010
    who the —— is this ?
     

   

ලෝකයාMay 3, 2010

ඩලස් මල්ලි නුඹ නාඩන්
නුඹට ඔවා හොද පාඩම්
 
Reply
 

හොඳහිතMay 3, 2010

@ rana.
 
1. “සිංහළ දෙමළ කවුරු මැරුවත් වැරදි දෙයක් වන්නේ අවස්ථාව අනුවයි. ත්‍රස්තවාදය සිංහළද දෙමළද කියලා බෙදන්න බැහැ. සාමයට තියෙන දොරවල් පාවිච්චි කරන්නේ නැත්නම් පිළිතුරු හම්බුවෙන්නෙත් යුද්ධයෙන්”
කියා ඔබ පැවසුවද ඔබගේ සටහන් වලින් පෙනෙන්නේ ඔබ
“සිංහළ ත්‍රස්තවාදය” පිළිබඳව එම මතය නොදරන බවයි.
මේ ඔබේ වචන
“ජ.වි.පෙ. අයුධ බලෙන් ආණ්ඩුව අල්ලන්න ගියේ ඔවුන්ව තහනම් කරළා ඔවුන්ව ප්ර ජාතන්ත්ර වාදයෙන් පිටමං කරපු නිසානේ. නැත්නම් 87-89 භීෂණයක් බිහිනොවෙන්න තිබුණනේ. ඉස්සෙල්ලා විශේෂ කාර්ය බලකාය හැදුවා පස්සේ ජ. වි. පෙ. තහනම් කළා. ඊට පස්සේ තරුණයෝ ටික බිල්ලට ගත්තා. ඒ විදිහටයි ජේ. ආර්. තමුන්ගේ පුතාව යොදා ගත්තේ තාරුණ්ය්ට අයිති හෙට නැති කරන්න.”
2.
a) විශේෂ කාර්ය බලකාය හැදුවේ ජ.වි.පෙ මර්ධනයට නොවේ . “එහෙම නෙමෙයි කියලා කියන්නෙ කොහොමද?”
1983 දී විශේෂ කාර්ය බලකාය හැදුවේ LTTE නිසායි.
ඔවුන්ව ස්ථාපනය කළේ නැගෙනහිර පලාතේ සහ V.I.P ආරක්ෂාව වෙනුවෙනුයි.
1983 සිට 1987 තෙක් සිංහළ ප්රදේශවල විශේෂ කාර්ය බලකාය ක්රියාත්මකවුනේ නැහැ.
 

මල්මාමාMay 3, 2010
 
රනා මල්ලියේ උත්තර හම්බෙලා තියනවා නේද ?
 
Reply
rana May 6, 2010
 
1.
නැත. මම සිංහළ ත්‍රස්තවාදය සම්බන්ධයෙන්ද දරන්නේ එම මතයමයි.
සිංහළ ත්‍රස්තවාදය පරාජය කළ යුතුව තිබු බව මවිසින් දරණ මතය
ඉහත දක්වන ලද මගේ අදහසින් නිෂේද වන්නේ කෙසේද යන්න මටනම් පැහැදිළි නැත.
ඔබ උපකල්පන මතින් නිගමනවලට එළඹෙන බව පෙනේ…
මා එතනදී කියා ඇත්තේ 87-89 භීෂණය වළක්වා ගතව හැකිව තිබූ බව කීමටය.
එම භීෂණය ඇතිකිරීමේ පුරෝගාමි මෙහෙවරක් ජේ. ආර්. විසින් කරන ලද බව දැක්වීමටය.
එමගින් මම සිංහල ත්‍රස්තවාදය අනුමත නොකළෙමි.
නමුත් හේතුව කුමක් වුවත් ජ.වි.පෙ. මර්ධනය කිරීමට එවකට රජය ක්‍රියා කිරීම වැරද්දක් නොවේ.
එය පිළිගැනීම සම්බන්ධයෙන් මටනම් චකිතයක් ඇති නොවේ.
 
2.
(a) විශේෂ කාර්ය බලකාය හැදුවේ 1983දී බව ඇත්ත.
ඒ වගේම එය නැගෙනහිරින් වැඩ පටන් ගත් බවත් ඇත්ත.
ඒ වගේම අමතක කරන්න එපා ජ.වි.පෙ. තහනම් කළෙත් 1983දී කියලා.
1983-1987 කාළය තුළ සිංහල ප්‍රදේශ වල විශේෂ කාර්ය බලකාය යෙදෙව්වේ නැහැ.
ඒ කාළය තුළ ජ.වි.පෙ. ත්‍රස්තවාදය තුළට අවතීර්ණ වෙළා
හිටියේ නැති නිසා ඒ සඳහා අවශ්‍යතාවයක් තිබුනේ නැහැ.
ජේ. ආර්. බලාපොරොත්තු වුනේ බොහොම ඉක්මනට ජ.වි.පෙ. ආයුධ අතට ගනියි කියලා.
නමුත් ජ.වි.පෙ. එතනට ආවේ බොහෝ පහුවෙලා.
ඒ නිසා එස්. ටී. එෆ්. එකට දකුණේ වැඩ පටන් ගන්න 87 වෙනකම් බලා ඉන්න වුනා.
 
(b) නැහැ ඔබ කියන හේතුව නිවැරදි නැහැ.
ජේ. ආර්ගේ. ඉලක්කය තිබුනේ ජ.වි.පෙ.යි.
ඒකට හේතුව රෝහණ විජෙවීර 1982 ජනමත විචාරණයට විරුද්ධව පවරපු නඩුවයි.
එම නඩුව ඒ කාළය තුළ එ. ජා.ප. යට අවාසි සහගත අන්දමටයි කැරකුණේ.
ජ.වි.පෙ. පමණක් තහනම් කළානම් හොරේ අහුවෙනවා.
අනිත් අතට ඔය කියන පරණ වම ඒ වෙනකොට නන්නත්තාර වෙලා හිටියේ.
ඒගොල්ලන්ගේ කීමට වැඩ වර්ජන කරළා රැකියා නැතිවූ දහස් ගණනකගේ කෝපය එල්ළ වුනේ ඔවුන්ට.
80 ජුලි වර්ජනය ඛෙදවචාකයක් බවට පත් කිරීමෙන් පසු
ජනතාව එවන් ක්‍රියමාර්ගයකට නැවත අවනත කරගන්නට
ලෙහෙසි නොවන බව ජේ. ආර්. නොදැන සිටියා නොවේ.
අනිත් කාරණාව ඔබ පිළිගන්නවා එස්. ටී. එෆ්. එක සිංහල තාරුණ්‍යට
හෙට නැති කරන්න යොදා ගත්තා කියළා.
ඔබට තිබෙන එකම අවුළ එස්. ටී. එෆ්. එක පළමුව යොදා ගත්තේ
සිංහළයට විරුද්ධවද නැත්නම් දෙමළ තරුණයට විරුද්ධවද යන්නයි.
දෙමළ තරුණයට විරුද්ධව පළමුව යොදා ගත්තත්
ජ.වි.පෙ. මර්ධනයටත් එස්. ටී. එෆ්. යොදා ගැනීමට ජේ. ආර්. අදහස් කළ බව
නොදන්නේ දේශපාලනය පිළිබඳව සවිඥාණක නොවන අයට පමණි.
 
(c) නමුත් ඔබට මතක නැතිවාට ජ.වි.පෙ. තහනම් කළ දිනවල
ජේ. ආර්. කියපු කරපු කතාවල ජ.වි.පෙ. ආයුධ ගැනීම ගැන සඳහන් කරළා තිබෙනවා.
ඒ නිසා ජ.වි.පෙ. ත්‍රස්තවාදය නැති කිරීමට එස්. ටී. එෆ්. යොදා ගැනීමක්
ජේ. ආර්. ගේ හිත තුළ නොතිබූ බව කියන්නේ කෙසේද?
ජේ. ආර්. විසින් විනිමය වංචාවක් සම්බන්ධයෙන්
තමුන්ගේ ඥාතින් නිදහස් කර ගැනීමට සහ ඡන්දයේ වාසිය ගැනීමට
විජේවීරව නිදහස් කළත් ඔහුව වෙනත් ලෙසකින්
විනාශ කිරීමට සැලසුම් කළේ නැතයි කියන්නේ කෙසේද?
ජ.වි.පෙ. තහනම් කිරීම සමගම එස්. ටී. එෆ්. එක හැදෙන්නේ අහඹුවකින්ද?
 
3. රවි දේශපාලනය ප්‍රසිද්ධියේ නොකළා වෙන්න පුළුවන්.
එහෙත් ඔහුත් තම පියාගේ රාජ්‍ය ව්‍යාපෘතියක් දියත් කළා. එය වැරදිද?
එය නිවැරදිනම් නාමල් දේශපාලන ව්‍යාපෘතියක් ඇරඹීමේ වරද කුමක්ද?
වඩා වැරදි වන්නේ රාජ්‍ය නායකයාගේ පුත්‍රයා රාජ්‍ය ව්‍යාපෘතියක් ඇරඹීමද
නැත්නම් දේශපාලන ව්‍යාපෘතියක් ඇරඹීමද?
 
4.
(a)
රටේ අනාගතය බාරගැනීමට සිටින තරුණයන්ට වෙන්වූ අමාත්‍යංශය
අගුපිලක් සේ හැඳින්වීම තරුණයන්ට කළ අපහාසයක් නොවන්නේ කෙසේද?
හෙට දිනයේ අධ්‍යාපන අමාත්‍යංශයද එසේ හඳුන්වනු ලැබුවොත් එය පුදුමයක් නොවේ.
ඔබ කියන මාන වලින් බැලූ කළ තරුණ කටයුතු අමාත්‍යාංශය
ප්‍රවාහන අමාත්‍යාංශයට වඩා මිටි වන්නේ කරුණු කිහිපයකිනි.
පළමු එකනම් තරුණ කටයුතු වලින් කොමිස් ගැසීමට ඇති අවස්ථා අඩු වීමයි.
දෙවෙනි කරුණ ලෙස මා දකින්නේ ප්‍රවාහන අමාත්‍යාංශය හා සසඳන කළ
තමුන්ට උපකාරි කළ අයට ප්‍රත්‍යුපකාර කිරීමට තරුණ කටයුතු අමාත්‍යාංශය තුළ
ඉහළ රැකියා සංඛ‍යාවක් නැති කමයි.
නමුත් තරුණ කටයුතු නැංවීම අරමුණු කර ගත් අයෙකුට
ඉහත සඳහන් කළ දේ නොවටිනා බව අමුතුවෙන් කිව යුතු නොවේ.
ඔබ නිවැරදියි.
රනිල්ට පසු තරුණ කටයුතු අමාත්‍යංශයක් තිබූ බවවත් මතක නැත.
තරුණ කටයුතු අමාත්‍යංශය ඩලස්ට දීමෙන් ඒ අඩු පාඩුව සපුරා තිබේ.
ඉදිරියේදිත් එය එසේම විය යුතුද?
ඩලස්, තරුණයන් විශේෂයෙන්ම ජ.වි.පෙ. තරුණයන් ළඟින් ඇසුරු කළ අයෙකි.
එවන් අයෙක් තරුණ කටයුතු අමාත්‍යංශය බාර ගැනීම දෙස
ශුභවාදීව බලන්නට නොහැකි වී ඇත්තේ දේශපාලන කුහකත්වය නිසා මිස අන් කුමක් නිසාද?
 
(b) ඔබ මෙතැනදී නිවැරදියි.
හැමෝගෙම කිල්ලෝටවල හුණු තිබේ.
නමුත් තරුණයන් වළ පල්ලට දැක්කීමේදී එ. ජා. ප. යේ දායකත්වය සෙසු පාර්ශ්ව හා සසඳන කළ ඉතා ඉහළය.
 
(c ) ඔබ නොදන්නවාට මහින්ද විදේශගත වන විට
වෙනත් මංත්‍රීවරුද ඒ සමග යනු මා රූපවහිනියෙන් දැක ඇත.
 
ඔවුන් අතර මහින්දානන්ද අලුත්ගමගේ වැන්නවුන්ද සිටිනු මා දැක ඇත.
ඊට අමතරව විමල් වීරවංශ, ඩලස්, නිමල් සිරිපාල වැන්නවුන්ද මා දැක ඇත.
නාමල්ව මා දකින්නේ ප්‍රථම වතාවටයි.
නාමල්ගේ බප්පගේ ආයතන සංග්‍රහ විරෝධි වැඩ මොනවාදයි පැහදිළි කළොත් තුති.
මට ඒ පිළිබඳව අවබෝධයක් නැත.
 
6. යම් බඩගෝස්තරවාදී සංස්කෘතියක් හඳුන්වා දුන් විට එය ඉවත් කිරීම පහසු දෙයක් නොවේ.
විශේෂයෙන්ම පාර්ලිමේන්තුවේ බලය එල්ලී ඇති විටක එය ඉතා අපහසුය.
තුනෙන් දෙකක් බලාපොරොත්තු වනවිට එය නව පාර්ලිමේන්තුව තුළද දිස්වනු ඇත.
දේශපාලනය පිළිබඳව ලිවීමේදී හෝ කතා කිරීමේදී දැනෙන සුමුදු බව ප්‍රායෝගික දේශපාලනයේ දක්නට නැත.
ඒ අතරම දෑත ශක්තිමත් කිරීමට පැමිණි එ.ජා.ප. මංත්‍රීවරුන් මේ කාර්යය වඩා දුෂ්කර තත්වයකට පත් කර ඇත. මන්ද ඔවුන් පුරුදු පුහුණු වූ සංස්කෘතිය ඔවුන් තමුන්ගේ වත්මන් ස්ථානයෙන්ද බලාපොරොත්තු වන බැවිනි.
ඔබේ හෝ වෙන අයකුගේ කෑ ගැසීමේ අයිතියට බධා කිරීමට මට අවශ්‍ය නොවේ.
එහෙත් එම අයිතිය හරවත් දෙයක් වෙනුවෙන් පාවිච්චි කිරීම එම අයිතියේ බලවත් භාවය රැකගැනීමට හේතුවනු ඇත.
නැතහොත් එය අප වසර කිහිපයකට පෙර අත්දුටු ඊනියා මාරාන්තික උපවාස මෙන් ජනතාව අතර හාස්‍යයට ලක්වීම නොවැළැක්විය හැකි වනු ඇත.
 
Reply
 

හොඳහිතMay 6, 2010

@ rana
 
1.
සමාවෙන්න මා නිගමනයන්ට එළඹෙන්නේ ඔබේ පහත සඳහන් වැකි තේරුම් ගත් අයුරිනුයි.
 
A)’ ඇත්ත. රවී ජයවර්ධන තාරුණ්යකට හෙටක් හැදුවේ නැහැ.
ඒ වෙනුවට තාරුණ්ය.ට අයිති හෙට නැති කරන්න විශේෂ කාර්ය බලකාය හැදුවා.
හැබැයි විශේෂ කාර්ය බලකාය නිවැරදි දේ සඳහා පළමුවෙන් යොදා ගත්තේ ඩී. බී. විජේතුංග මහතා “
 
මේ වැකිය කියන්නේ ඩී. බී. විජේතුංග මහතා විශේෂ කාර්ය බලකාය
LTTE ට පහරදීම සඳහා යොදා ගන්නා තෙක් වැරදි දේ කර ඇති බවයි.
මෙම (A)සඳහන .
එයට පෙර විශේෂ කාර්ය බලකාය යොදා ගත්තේ ජ.වි.පෙ. මර්ධනය කිරීමට පමණක් බව කියන ඔබේ පහත
(B) සටහනෙන් ,තවත් තහවුරු කරනවා.
මෙම (A) සටහනෙන් LTTE ත්‍රස්තවාදය මර්ධනය කිරිම හරි යයි ඔබ පිළිගන්නවා
 

ranaMay 21, 2010

තමුන් විසින් තනන ලද ත්‍රස්තවාදයක් මර්ධනය කිරීම නිවැරදි නොවේ. කළ යුතුව තිබුනේ ත්‍රස්තවාදය ඇති නොකර සිටීමයි. ඒ කෙසේ වතුද ත්‍රස්තවාදය පරාජය කළ යුතුමය. යමෙක් හරකෙකුව එලවළු කොටුවකට දක්කීමෙන් පසු එම හරකා විසින් එලවළු කොටුව කා විනාස කිරීමෙදී එහි වගකීම භාරගත යුත්තේ හරකාව දැක්කු මිනිසා මිස හරකා නොවේ. කවුරුන් දැක්කුවද හරකාට තලා එළියට දැමිය යුතුය. මා ජ.වි.පෙ. මර්ධනය පිළිබඳව යම් අනුකම්පාවක් දක්වන්නේ එම හේතුව නිසාය. සිංහල ත්‍රස්තවාදය ගැන මා වෙනස් විදිහකට සිතනවායයි ඔබට සිතෙන්නේ එබැවින් විය යුතුය. මම විශේෂයෙන්ම ඩී. බී . විජෙතුංග මහතා ගැන සඳහන් කළේ ඔහු උතුරේ ත්‍රස්තවාදය පරාජය කළයුතුය යන ස්ථාවරයකට එඩිතරව පැමිනි බැවිනි. මීට කළින් සිටි පාළකයෝ ජ.වි.පෙ. මර්ධනයට බොහෝ කැමත්තෙන් ඉදිරිපත් වුවත් කොටි මර්ධනයේදි කැමැත්තෙන්ම පසුබා සිටියහ. එවන් පසුබිමකදි ඩී. බී. විජේතුංග මගේ විශේෂ ගෞරවයට ලක්වීම නොවළැක්විය හැකිය. ඔහු ජනාධිපති වූ පසු කොටි සම්බන්ධයෙන් නිවැරදි ස්ථාවරයක් ගැනීමෙන් සහ යුද්ධය කොටියට එරෙහිව ආරම්භ කිරීමෙන් එස්. ටී. එෆ්. එක නිවැරදි ලෙස භාවිතා කළේය. ඔබ උපුටා දක්වන ලද මගේ අදහස් දැක්වීමට පාදක වී ඇත්තේ එයයි.
 
ජේ. ආර්. ජයවර්ධන බොහෝ රැස්වීම් වළ ජ.වි.පෙ. මැයි පෙළපාලිවල ස්වභාවය ගැන භීතිය පළ කොට තිබුණි. ඔවුන් හමුදාවල මෙන් පෙළපාලි යතියි ඔහු නිතර දෙඩුවේය. මමද එවන් කතාවක් සජීවීව අසා ඇත. ඉන් ඔහු ජ.වි.පෙ. ආයුධ ගනිතියි සැක පහළ කොට ඇති බව පැහැදිළිය. නමුත් ජ.වි.පෙ. ආයුධ අතත ගන්නේ බොහෝ කළ් ගොස්ය. එනිසා ජ.වි.පෙ. පමණක් තහනම් කිරීම ඔහුට සධාරණීකරණය කිරීමට හැකියාවක් තිබුනේ නැත. සෙසු නාමික වමේ පක්ෂ තහනම් කරන්නේ ජ.වි.පෙ. පමණක් ඉලක්ක කළ බව සැඟවීමටය. 1980 ජුලි වර්ජකයන්ගේ පරාජයත් සමග නැවත ජ.වි.පෙ. ට හෝ සක්‍රයාටවත් එවැනි වර්ජනයක් දියත් කළ නොහැකි බව ජේ. ආර්. ට අවබෝධ නොවිණිනම් ලෝක පුදුමයකි. ඔබට ජ.වි.පෙ. තහනම් කළ හේතුව එය යයි හැඟේනම් මට කළ හැකි දෙයක් නැත.
ජේ. ආර්. ජයවර්ධන බොහෝ බලගතු පුද්ගලයෙකුව සිටි බව සැබෑවකි. නමුත් ඔහුට සමහර නඩු තීන්දු ඔබ කියන අයුරින් තමුන්ගේ පැත්තට කරකවා ගැනීමට නොහැකි විය. එවන් අවස්ථාවලදී ඔහුට තමුන්ගේ ප්‍රජාතන්ත්‍රවාදී බලකාය එම නඩු තීන්දු දුන් විනිසුරන්ගේ නිවෙස් ඉදිරිපිටට ගෙනගොස් හූ කීමට සහ ගල් ගැසීමට යොදා ගත් අයුරු ඔබට මතක ඇතයි සිතමි. එමෙන්ම දෙවැනි මැතිවරණයකදී, පළමු මැතිවරණයේදි පරාජිත වුවන්ගේ ඡන්ද පළමු වරට වඩා අඩු වීම ස්වභාවිකය. එය ජ.වි.පෙ. ට විශේෂ වූවක් නොවේ.
 
නාමල් රාජ්‍ය සම්පත් තාරුණයට හෙටක් සඳහා පාවිච්චි කර ඇත්තේ කෙළෙසදැයි ඔබගේ දත්ත වළින් පැහැදිළි කරන්නේනම් කෘතඥ වෙමි. කෙසේ වෙතත් දේශපාලන වයාපෘතියකින් මූලිකවම අපේක්ෂා කරන්නේ තමුන්ගේ ප්‍රතිරූපය නැංවීම මිස අන් කවරක්ද? සජිත්ගේ ජන සුවයත්, ප්‍රේමදාසගේ සුචරිතයත් එසේ නොවේයයි ඔබට කිව හැකිද? තාරුණ්‍යට හෙටක් මගින් තරුණයන් ඉලක්ක කරමින් ඉංග්‍රීසි පන්ති පැවැත්වීම, පරිඝනක පාඨමාලා පැවැත්වීම යන්න මා දන්නා යම් සෙවාවන්ය.
 
නිවැරදියි. ඔබ කියනා අයුරින්ම තරුණ කටයුතු අමාත්‍යංශය මීට පෙර සෑම ආණ්ඩුවක් විසින්ම අගුපිලෙහි තබා තිබුණි. නමුත් තරුණ කටයුතු අමාත්‍යාංශය අගුපිළක් සේ සැලකීමට මට නොහැකිය. දැන් එම තත්වය වෙනස් වී ඇත්නම් අප කළ යුත්තේ සතුටු වීම නොවේද? අනික් අතට බියොන්ඩ්ෆ්‍රේම් විසින් එය හඳුන්වා දුන්නේ අගුපිලක් ලෙසටය. එය ඩලස්ට දීම ඔහුට කළ මදි කමක් ලෙස හැඳින්විනි. මා විරුද්ද වූයේ එයටය. ඩලස් විසින් තරුණයන් සඳහා ඔබ කියන අයුරින් වයාපෘතියක් අරඹා තිබුණේනම් තරුණ කටයුතු අමාත්‍යංශය ඔහුට ලබා දීම නිවැරදි තීරණයක් නොවන්නේ කෙසේද?
ඩලස්ට දුන් ඇමති කම නිසා ඔහුට අසාධාරණයක් නොවූ නිසා ඒ වෙනුවෙන් කෑ ගැසීම පළක් නැති දෙයකි. පළක් නැති දෙයකට කෑ ගැසීම මගින් කෑ ගැසීමෙ අයිතිය බාල්දු වන බව ඔබගේ ජාල ගත දත්ත වලින් පෙන්නුම් නොකිරීම මට පුදුමයක් නොවේ.
 
ඔබ සඳහන් කරන ලෙස ජ.වි.පෙ. විසින් කරන ලද ඝාතන ප්‍රමාණය එ.ජා.ප. විසින් කරනලද ඝාතන සංඛ්‍යාවට වඩා වැඩිය. එක්කෝ ඔබගේ දත්ත වැරදිය. නැත්නම් ඔබ එම දත්ත ජාල ගත කර තිබෙන අයුරු වැරදිය. මා දන්නා දත්ත අනුව 89-90 කාළය තුළ මියගියවුන්ගේ සංඛ්‍යාව 65000ක් පමණ වේ. ඉන් 6000කට පමණ වගකියා ඇත්තේ ජ. වි. පෙ. ය. එ.ජා.ප. ය සහ එහි අනුභද්ධ කණ්ඩායම් විසින් ඉතිරි 59000ට වග කියා තිබේ.
 
ඇමති කෙනෙකුට ඇති නිල තත්වයම මන්ත්‍රි කෙනෙකුට නැතත් මන්ත්‍රී කෙනෙකුට ඒ සඳහා සහභාගි වීමට නිල තත්වයක් නැතැයි කියන්නෙ කුමන පදනමකින්දැයි මට නොතේරේ. නාමල් ජනාධිපතිගේ පුතා නිසා ඔහුට තිබෙන නිල තත්වය අහිමි වේද? විමල්ට එම නිල තත්වය නැත්තේ ඇයි?
 
මා දන්නා තරමින් ඝෝඨාභය දේශපාලන රැස්වීම් අමතා නැත. ඔහු විසින් සිදු කරන ලද්දේ වෙනම සම්මණ්ත්‍රණ මාලවක් දියත් කිරීමයි. ඒ සඳහා ඔහුට අයතන සංග්‍රහයෙන් හෝ වෙන යමකින් බාධාවක් ඇත්ද?
 
ඔබ කළින් සඳහන් කළ පරිදි ප්‍රේමදාස නැතිවී අවුරුදු 17කට පසුවත් බඩගෝස්තරවාදී දේශපාලනය වෙනස් කළ නොහැක්කේ පර්ලිමේන්තුව එල්ලී සිටි නිසා බව සඳහන් කළේ මීට මාසයකට පෙර තිබුනු පර්ලිමේන්තු එල්ලී සිටි බැවිනි. අලුත් පාර්ලිමේන්තුවද 2/3 ක් නැත. 2/3 සම්පූර්ණ කිරීමෙදි කලින් ආණ්ඩු මුහුන් දුන් අභියෝගවලට මේ ආණ්ඩුවටද මුහුන් දීමේ අවදානමක් පවතී. කෙසේ වෙතත් දැනට කැබිනට් මණ්ඩලය කළින් තරම් විශාළ නැත. එය විශාළ නොවේවායි පතමි. ඔවුන් දැන් ශ්‍රි.ල.නි.ප. මන්ත්‍රී වරු වුවත් ඔවුන් ඇමති තනතුරු බලාපොරොත්තු වෙති. ඔබ නම් සඳහන් කර ඇති මංත්‍රීවරුන්ගෙන් කවුරුන් හෝ ඇමති කම් බලාපොරොත්තු නොවනවනම් එම පින්වත් මන්ත්‍රීවරයගේ නම ඉදිරිපත් කරන්න.
මමද ගැමියෙකි. දේශපාලන සවිඥ්ඥාණකත්වය ලබා ගැනීමට ගැමි කම බාධාවක් නොවේ. එය පිටුවහලක් වියහැකි බව මගේ විස්වාසායයි. අහස දෙස බලන ගැමියකුට හවසට වහින බව කිය හැකි මුත් දත්ත කැටිකොට ජාල ගත කරන්නාවූ කාළගුණ විද්‍යා දෙපාර්තමේන්තුව එහිදී අසමත් වෙයි.
නිවැරදි යමක් වෙනුවෙන් පෙනී සිටීම නිසා හාස්‍යයට ලක් වේනම් එම හාස්‍යය මම ඉතා ආදරයෙන් වැළඳ ගමි. ඒ සමගම සත්‍යය සහ නිවැරද්ද වෙනුවෙන් හාස්‍යයට ලක් වූ බොහෝ අය ඉතිහාසය විසින් නිදොස් කරන ලද බව ඔබට මතක් කර දීමට මෙය අවස්ථාවක් කර ගනිමි.
 

හොඳහිත

May 22, 2010
 

@ rana

1. “තමුන් විසින් තනන ලද ත්‍රස්තවාදයක් මර්ධනය කිරීම නිවැරදි නොවේ. ”

 
 
ජේ.ආර්.විසින් ත්‍රස්තවාදය ඇති කළායයි ඔබ කීවද
 
ජ.වි.පෙ තහනම් කළ පමණින් ත්‍රස්තවාදය ට යොමුවීම සාධාරණය කරන්නේ කෙසේද?
 
1986 දී දයා පතිරන මැරුවේ ඇයි?
 
2.“කළ යුතුව තිබුනේ ත්‍රස්තවාදය ඇති නොකර සිටීමයි.”
 
 
 
 ජ.වි.පෙ කළ යුතුව තිබුනේ ත්‍රස්තවාදය ඇති නොකර සිටීමයි
 
3.“මා ජ.වි.පෙ. මර්ධනය පිළිබඳව යම් අනුකම්පාවක් දක්වන්නේ එම හේතුව නිසාය. සිංහල ත්‍රස්තවාදය ගැන මා වෙනස් විදිහකට සිතනවායයි ඔබට සිතෙන්නේ එබැවින් විය යුතුය.”
 
සිංහල ත්‍රස්තවාදය ගැන ඔබ වෙනස් විදිහකට සිතනවායයි මට සිතෙන්නේ
 
දෙමල ත්‍රස්තවාදයට ද ජ.වි.පෙ ට මෙන්ම සාධාරණ හේතු
 
තිබුන බව ඔබ පිළිගන්නා බවක්  නොපෙනෙන නිසාය.
 
මා සියළුම ත්‍රස්තවාදයට එරෙහිය.
 
නමුත් ඒ මුවාවෙන් තරුණයන් මරාදමනවාට ඊටත් වඩා එරෙහිය.
 
එය 1971 හෝ 1987 සිංහල ත්‍රස්තවාදය හෝ 1976 සිට  දෙමළ ත්‍රස්තවාදය කියා කිසිම වෙනසක් නැත. අනෙක් අතට මේ දෙගොල්ලනටම රජයට එරෙහිව යාම සඳහා සාධාරණ හේතු තිබුන බව පිළිගනිමි.
 
නමුත් කිසිවෙකුටත් ආයුධ අතට ගැනීමට අයිතියක් ඇතයි නොසිතන අතර එයට එරෙහිවෙමි.
 
ආයුධ අතට ගත් අයට එරෙහිවීමට රජයකට ඇති අයිතිය පිළිගනිමි.
 
 නමුත් එය මුහුණට මුහුණලා කරන සටනකදී සිදුවෙන මරාදැමීමකට සීමාවියයුතුය.
 
ආයුධ සමග හෝ නිරායුධව හෝ අල්ලාගත් හෝ යටත්වූවකුහට
 
රටේ පවතින නීතියට අනුකූලව දඬුවම් දෙනු විනා මරා දැමීම කිසිසේත් අනුමත නොකරමි.
 
ශීලාචාර රජයකට එය කිසිසේත්ම නොගැලපෙන්නකි.
 
නමුත් ඉහත අවස්ථා තුනෙහිදීම එය එසේ නොවූ බවට අප අතර විවාදයක් ඇතිවේයයි නොසිතමි.
 
එසේ මරා නොදමා පුනරුත්තාපනය කළ හෝ සමාව ලද පසුව හෝ සිවිල් සමාජයට එකතුවුන අයගේ නම් කිහිපයකි මේ.
 
වික්ටර් අයිවන්,ජයදේව උයන්ගොඩ,මහින්ද විජේසේකර,ජි.අයි.ඩී.ධර්මසේකර,1971 දී,
 
නන්දන ගුනතිලක,බිමල් රත්නායක,සුනිල් හඳුන්නෙති,පියසිරි විජේනායක 1987 දී (දේශපාලනයේ සිටින අය හැර හිරෙන් නිදහස්ව  සිවිල් සමාජයට පැමිණි මා දන්න අය ඔවුන්ගේ එකළ දේශපාලන අන්නයයතාව එළිකිරීමට අකමැති බැවින් ඔවුන්ගේ නම් සඳන් නොකරමි)
 
අනෙක් අතට සුරේශ් ප්‍රේමචන්ද්‍ර කරුණා අම්මාන් පිල්ලෙයාන් දයා මාස්ටර් සහ කේ.පී. බලන්න මේ සියළු දෙනාම ප්‍රජාතන්ත්‍රවාදී සිවිල් සමාජයකට අනුගතව ඇති සැටි.
 
ජ.වි.පෙ.විසින් ඝාතනයට ලක්කෙරුන
 
දයා පතිරන,ස්ටැන්ලි විජේසුන්දර ,ග්ලැඩිස් ජයවර්ධන,
 
විජය කුමාරතුන්ග, තේවිස් ගුරුගේ,නන්දන මාරසින්හ,
 
පොහොද්දරමුල්ලේ ප්‍රේමාලෝක හිමි ඇතුළුව දහස් ගණනක ලයිස්තුව සිහියට ගන්න.
 
පුද්ගල ඝාතනය දේශපාලනය කරගනිමින්
 
මෙරටේ මොනතරම් සිවිල් පුද්ගලයන් පිරිසකගේ ජිවිත
 
ඔබගේ අනුකම්පාව ලබන ජ.වි.පෙ.රටට අහිමි කළාද?
 
ඔවුන්ගෙන් වැඩිහරියක් නිරායුධව සිටි සිවිල් සමාජයේ වැදගතුන් බව ඔබට මතකද?
 
අපොයි මුන්ට හෙනගහපන් කියා ප්‍රසිද්ධියේ කිව් අයටද,
 
කොත්තමල්ලි විකුණූ මුදලාලිටද.
 
ඔත්තුදුන් රජයේ සේවකයාටද
 
එක හා සමානව මරණ දඬුවම ලබාදුන් බව අමතකද?
 
එනිසා මට නම් ඔවුන් ගැන විශේෂ අනුකම්පාවක් නැත.
 
නමුත් ඔවුනට නිසි අයුරින් දඬුවම් නොකොට මරාදැමීමට එරෙහිවෙමි.
 
රජයේ හමුදා විසින් ඝාතනයට ලක්කෙරුන ප්‍රේමවතී මනම්පේරි සිට රෝහන ව්ජෙවීර දක්වාමද
 
පුන්චි නිලමෙගේ ගෝලයන් විසින් මරාදමුනු ත්‍රිමා විතාන වැනි අයට
 
සමාව දුන්නානම් ඔවුන්ද අද සමාජයට සේවයක් කරනු නො අනුමානය.
 
ජ.වි.පෙ. අතින් ඝාතනයට ලක්වුවන් අද සිටියානම්.
 
අනෙක් අතට එල්.ටි.ටි.ඊ. ය අතින් ඝාතනයට ලක්වූ
 
ලලිත් ඇතුලත්මුදලි.ගාමිනී දිසානායක.ආර්.ප්‍රේමදාස රන්ජන් විජයවර්ධන.
 
උමා මහේශ්වරන්,ශ්‍රී සභාරත්නම්,ඒ.අමිර්තලින්ගම්,කුමාර් පොන්නම්බලම්,
 
ලක්ෂ්මන් කදිරගාමර්,ජානක පෙරේරා ජයරාජ් ප්‍රනාන්දුපුල්ලේ.සී.වී.ගුණරත්න
 
ඇතුළු සියළු සිවිල් වැසියන් අද ජීවත්වුනානම් රටට වියහැකි සේවය කෙතරම්ද.?
 
එසේම යුද්ධයෙදී යටත් වීමෙන් පසු හා අත් අඩන්ගුවට පත්වීමෙන් පසු
 
කොපමණ ප්‍රමාණයක් මරා දමන්න ඇතිද?
 
මෙවර දැඩි ලෙස ජනමාධයය පාලනය කළ බැවින්
 
1971 හෝ 1987-89 හෝ 1 සිට 3 දක්වාවූ ඊලාම් යුද්ධයෙදී හෝ  
 
මෙන් කිසිදු තොරතුරක් අපවෙත නොමත.
 
අඩුම තරමින් අපේ සෙබළුන් දහස් ගණන් දිවි පිදුවද
 
ඔවුන්ගේ නම ගමවත් ප්‍රමාණයවත් රටට හෙළි නොකැරින.
 
යුද්ධයේ හා ජාතික ආරක්ෂාවේ නාමයෙන් පුවත් පත් වලට මුඛවාඩම් බැඳින.
 
සමාවෙන්න එය වෙනම කථාකළයුතු මාතෘකාවක් වුවද
 
ඔබ ගණන් හිලවු අසනවිට මට පෙන්වීමට දෙයක් නොමැත.
 
සියල්ලන්ගේම ආරක්ෂාව තකා තිබෙන තොරතුරු හෝ එය ලැබුනු මූලාශ්‍ර හෙළිකළ නොහැක.
 
එම නිසා මෙහිදී පමණක් උපකල්පන මගින් මෙසේ නිගමනයකට එමි.
 
ඒ.1971 දි 20,000 කුත් 1987-89 දි 60,000 කුත් ලෙස අවස්ථා දෙකකදී
 
බහුතර සිංහලයන්ගෙන් සමන්විත රජයේ හමුදාව ,
 
තමන්ගේ බස කතාකරන තමාගේ ඉඟි තේරෙන,
 
තමාගේම සොහොයුරන් යැයි සිතිය හැකි
 
සිංහල තරුණයන් 80,000ක් දළ වශයෙන් ඝාතනය කළේ නම් ,
 
අන් බසක් වහරන අන් ජාතියක් යයි සිතිය හැකි ‘
 
වෙනම සන්ස්කෘතියක් ඇති දෙමළ තරුණයන් කීයක්නම් ඝාතනය කරන්න ඇතිද යන්නයි.
 
අනෙක් අතට රජයේ අනුග්‍රහය ලබමින්  සිවිල් වැසියන් ඝාතනයකළ කණ්ඩායම්ද වේ.
 
චරිත ලන්කාපුර ,රිච්ඩ් ද සොයිසා ,රවිරාජ්,
 
නිමල රාජන්,සිව කුමාර්,ලසන්ත වික්‍රමතුන්ග එම ගොදුරුවලින් කිහිපයක් පමණි.
 
ඉදිරියේදී එක්නැළිගොඩගේ නම මෙයට එක් නොවේවා යයි පතමි.
 
මේ සියළු වර්ගයේ ඝාතකයන් අතුරින් කවරකු හෝ අතින්
 
 මාගේ එක් කුස උපන් සොහොයුරා,
 
මගේ ලේ ඥාතීන්,
 
මගේ ළබැඳි මිතුරු මිතුරියන් ,
 
සියළුම ජනවර්ග හා ආගම් වලට අයත් වූ මගේ හිතවතුන් (නම් සඳහන් කළ හැකි )
 
දහසකට වැඩි ප්‍රමණයක් ඝාතනය වී ඇත.
 
අද දවසේ ද ඒ මියගියවුන්ගේ පවුල්වල සාමාජිකයන් තැවෙන අයුරු නිරතුරුවම අත් විඳිමි.
 
පුද්ගලිකව මේ සියළු වර්ගයේ ඝාතකයන්ගෙන් දිවි ගලවා ගතිමි.
 
මරණ බය කුමක්දයි මම හොඳින්ම හඳුනමි.
 
එබැවින් නීතියෙන් මරණ දඬුවම දීම ගැනද මට එකඟ විය නොහැක.
 
මා විඳි වේදනාව විඳි ඔනෑම අයකු
 
මොනම අයුරකින් හෝ මිනිසුන් මරාදමනවාට එරෙහිවනු ඇති.
 
 4.
 
    4 (A) “මම විශේෂයෙන්ම ඩී. බී . විජෙතුංග මහතා ගැන සඳහන් කළේ ඔහු උතුරේ ත්‍රස්තවාදය පරාජය කළයුතුය යන ස්ථාවරයකට එඩිතරව පැමිනි බැවිනි. මීට කළින් සිටි පාළකයෝ ජ.වි.පෙ. මර්ධනයට බොහෝ කැමත්තෙන් ඉදිරිපත් වුවත් කොටි මර්ධනයේදි කැමැත්තෙන්ම පසුබා සිටියහ.”
 
ඔබගේ මේ සඳහන පහත කරුණු නිසා සදොස්ය.
 
(a)
 
ඩී. බී . විජෙතුංග ජනාධිපතිවන්නේ 1993 මැයි 1 දා සිටය.
 
එවිට ඔහුට අකමැත්තෙන් හෝ කැමැත්තෙන් මර්ධනය කිරීමට ජ.වි.පෙ. යක් නොතිබිණි.
 
(b)
 
මිට කළින් සිටි පාලකයෝ වන්නේ ජේ.ආර්. සහ ප්‍රේමදාස පමණි.
 
ජ.වි.පෙ.උපරිමයෙන් මර්ධනය වන්නේ ප්‍රේමදාස යුගයේ වුවද
 
ඔහු මුලින්ම ජ.වි.පෙ මරාදමනවාට එරෙහි විය.
 
එපමණක් නොව මේ දෙදෙනාම ජ.වි.පෙ ට රජයට යටත්වීමට
 
අවස්ථා දුන්නාට අමතරව කැබිනට් ඇමති තනතුරු දෙන්නද සුදානමින් සිටියා.
 
ජේ.ආර්.කොටි මර්ධනයට පසු බාන්නේ උඩින් ඇවිත් පරිප්පු දමන විට
 
 ඔහුගේ අන්තර්ජාතික මිතුරන් ඔහු තනි කළ බැවින් වුවද .
 
ඒ වන විට කොටි බිත්තියටම හේත්තු කර තිබුනි.
 
ජ.වි.පෙ සහය ලබා ගැනීම උදෙසා වූ ප්‍රේමදාසගේ ඉන්දියානු විරෝධය
 
ගොස් නතරවූයේ වර්ධරාජා පෙරුමාල්ගේ ඊළමට එරෙහිව කොටින්ට ආයුධ දෙමින් වුවද
 
අවසාන කාළයේ ප්‍රේමදාස කොටියට එරෙහිවිය.
 
 4 (B)  “එවන් පසුබිමකදි ඩී. බී. විජේතුංග මගේ විශේෂ ගෞරවයට ලක්වීම නොවළැක්විය හැකිය. ඔහු ජනාධිපති වූ පසු කොටි සම්බන්ධයෙන් නිවැරදි ස්ථාවරයක් ගැනීමෙන් සහ යුද්ධය කොටියට එරෙහිව ආරම්භ කිරීමෙන් එස්. ටී. එෆ්. එක නිවැරදි ලෙස භාවිතා කළේය. ඔබ උපුටා දක්වන ලද මගේ අදහස් දැක්වීමට පාදක වී ඇත්තේ එයයි.”
 
 ඩී. බී . විජෙතුංග මහතා  කොටි මර්ධනයට ජාතිවාදි  ස්ථාවරයක් ගැනීමට
 
කොටින්ගෙන් එ.ජා.ප.යට එකළ වූ හානිය නිසා තල්ලුවුනා.
 
ඔහු එකළ කොටින් දෙස බැලුවේ ජාතිවාදී ස්ථාවරයක සිටයි.
 
එය කොතෙක් ප්‍රබලද යන්න වඩාත් සාමකාමි මතයක සිටි
 
චන්ද්‍රිකාගේ රූපවල පොට්‍ටු තබන්න තරම් පසුව එ.ජා.ප ගියා.
 
ඒ පිළිබඳව ඔහුට ඔබගේ ගෞරවය හිමිවීම ගැන මට විමතියක් නැතත්
 
මා එය උපුටා දක්වන්නේ සිංහල දෙමල ත්‍රස්ත්වාදීනට
 
ඔබ දෙවිදියකට සළකනවා යයි මගේ කීමට ඔබ එරෙහිවූ නිසාය.
 
නමුත් දැන් එය ඉතාමත්ම පැහැදිලිවම ඉදිරිපත් කිරීමනිසා එය ගැන වාද කළයුතු නොවේ.
 
5.
 
5(A).“ජේ. ආර්. ජයවර්ධන බොහෝ රැස්වීම් වළ ජ.වි.පෙ. මැයි පෙළපාලිවල ස්වභාවය ගැන භීතිය පළ කොට තිබුණි. ඔවුන් හමුදාවල මෙන් පෙළපාලි යතියි ඔහු නිතර දෙඩුවේය. මමද එවන් කතාවක් සජීවීව අසා ඇත. ඉන් ඔහු ජ.වි.පෙ. ආයුධ ගනිතියි සැක පහළ කොට ඇති බව පැහැදිළිය. ”
 
දේශපාලකයන් වේදිකාවල කතා කරනදේ
 
ක්‍රියාවට නොනගන බව මා මීට පෙරත් සඳහන් කළා.
 
ඔබ හරි ඔහු එහෙම කීවා.
 
දැන් බලන්න පසු ගිය කාලයේ අලි කොටි ගිවිසුම ගැන කිව්වත් වුනේ කුමක්ද.
 
සරත් ෆොන්සේකා ඇත්තටම හමුදාව පාවා දුන්නාද.
 
ගෝඨාභය ඇපලෝ රෝහල ගත්තාද?
 
එනිසා ජේ.ආර් ගේ මේ කතා පමණකින්
 
ජ.වි.පෙ.  ගැන ජේ.ආර් දැරූ මතය කිව නොහැකියි.
 
5(B) “නමුත් ජ.වි.පෙ. ආයුධ අතත ගන්නේ බොහෝ කළ් ගොස්ය. එනිසා ජ.වි.පෙ. පමණක් තහනම් කිරීම ඔහුට සධාරණීකරණය කිරීමට හැකියාවක් තිබුනේ නැත. සෙසු නාමික වමේ පක්ෂ තහනම් කරන්නේ ජ.වි.පෙ. පමණක් ඉලක්ක කළ බව සැඟවීමටය. ”
 
 
 
ඔබගේ මූලික තර්කයවූයේ ජ.වි.පෙ ආයුධ ගනීයයි සැක කළ නිසා STF එක හැදුවා යන්නයි.
 
“ඒ අනුව ජ.වි.පෙ ගැන සැක කළා STF එක හැදුවා
 
නමුත් ජ.වි.පෙ. ආයුධ ගන්නේ බොහෝ කළ් ගොස්ය.
 
එනිසා ජ.වි.පෙ. තහනම් කළා. “
 
යනුවෙන් ඔබ කියන බව ඕනෑම කෙනෙකුට පෙනේ.
 
ජ.වි.පෙ තහනම් කරනවිට හා ජ.වි.පෙ  ආයුධ  ගන්නා විට තිබුන
 
දේශපාලන වටපිටාව බෙහෙවින්ම වෙනස් බව තේරුම්
 
නොගන්නා තාක් ඔබට ඔබේ මතය නිවැරදියයි හැඟේ.
 
මට සමාවී කරුණාකර 1983 හා 1987 දි රටේ දේශපාලන පසුබිම
 
එකක් නොව දෙකක් බව වටහාගන්න.
 
එවිට ඔබට වැටහේවි STF එක හැදුවේ ජ.වි.පෙ මරන්න නොවේ කියා.
 
අනෙක 1971 දී සිරිමා රජය
 
වාසුදේව,එස්.ඩී.බණ්ඩාරනායක සහ  එන්.ශන්මුගදාසන් 
 
අත් අඩන්ගුවට ගන්නේ කැ‍රැල්ලට සම්බන්ධයයි සැක පිට.
 
එසේම 1983 දී කම්කරු නැගිටීමකට නායකත්වය දේ යැයි සැක කරන පක්ෂ තහනම් කරනවා.
 
මේ ගැන මගේ පැහැදිළි කිරීම මීට පෙර කළෙමි.
 
5(C) “1980 ජුලි වර්ජකයන්ගේ පරාජයත් සමග නැවත ජ.වි.පෙ. ට හෝ සක්‍රයාටවත් එවැනි වර්ජනයක් දියත් කළ නොහැකි බව ජේ. ආර්. ට අවබෝධ නොවිණිනම් ලෝක පුදුමයකි. ඔබට ජ.වි.පෙ. තහනම් කළ හේතුව එය යයි හැඟේනම් මට කළ හැකි දෙයක් නැත.”
 
 
 
ශක්‍රයා ගැන නොදනිතත් ජේ.ආර්.ගැන මම දනිමි.
 
නැවත වර්ජනයක් දියත් කළ හැකි බව ජේ. ආර්. ට අවබෝධ නොවිණිනම් ලෝක පුදුමයකි.
 
ඔබට ජ.වි.පෙ. තහනම් කළ හේතුව එය  නොවේයයි හැඟේනම් මට කළ හැකි දෙයක් නැත.
 
5(D)   “ජේ. ආර්. ජයවර්ධන බොහෝ බලගතු පුද්ගලයෙකුව සිටි බව සැබෑවකි. නමුත් ඔහුට සමහර නඩු තීන්දු ඔබ කියන අයුරින් තමුන්ගේ පැත්තට කරකවා ගැනීමට නොහැකි විය. එවන් අවස්ථාවලදී ඔහුට තමුන්ගේ ප්‍රජාතන්ත්‍රවාදී බලකාය එම නඩු තීන්දු දුන් විනිසුරන්ගේ නිවෙස් ඉදිරිපිටට ගෙනගොස් හූ කීමට සහ ගල් ගැසීමට යොදා ගත් අයුරු ඔබට මතක ඇතයි සිතමි. ”
 
 
 
ඔබ එසේ කීවත් එසේ වුවේ එක නඩුවක් ගැන පමණි.
 
මා දන්නා ලෙසට වී ඇත්තේ
 
“පිරිමියෙක් ,ගැහණියක් හෝ  ගැහණියක් ,පිරිමියෙක් හෝ
 
බවට පත් කිරීම හැර අන් සියල්ල කළ හැකි
 
සර්වබලධාරී ඔබතුමා මේ නඩුව ගැන ගන්නා තීන්දුව කුමක්දැ”යි
 
ඇසූවිට” උසාවිය මට ඉහළින් ගියා “යයි ජේ.ආර්.කී විට ,
 
කුපිත වූ ඔවුන් ගල් ගැසූ බවත් නමුත් ඔවුනට දඬුවම් කළ බවත්ය.
 
ලිඛිත සාක්ෂි ලැබුනහොත් ඔබට දන්වමි.
 
5(E)  “එමෙන්ම දෙවැනි මැතිවරණයකදී, පළමු මැතිවරණයේදි පරාජිත වුවන්ගේ ඡන්ද පළමු වරට වඩා අඩු වීම ස්වභාවිකය. එය ජ.වි.පෙ. ට විශේෂ වූවක් නොවේ”.
 
 
 
සාමාන්යය තත්වය එසේවුවද
 
1982 දී රෝහණ විජේවීරට චන්දය දුන් අය දුන්නේ
 
ඔහු පරදින බව දැන දැනම ප්‍රතිපත්තිය වෙනුවෙනි.
 
එය ජ.වි.පෙ.ට සුවිශේෂී තත්වයකි.
 
එසේ වු ජ.වි.පෙ.චන්ද පදනම අඩුවීම මට නම් විශේෂ වූවකි.
 
6)
 
6(A) “ නාමල් රාජ්‍ය සම්පත් තාරුණයට හෙටක් සඳහා පාවිච්චි කර ඇත්තේ කෙළෙසදැයි ඔබගේ දත්ත වළින් පැහැදිළි කරන්නේනම් කෘතඥ වෙමි.
 
6(B)කෙසේ වෙතත් දේශපාලන වයාපෘතියකින් මූලිකවම අපේක්ෂා කරන්නේ තමුන්ගේ ප්‍රතිරූපය නැංවීම මිස අන් කවරක්ද? සජිත්ගේ ජන සුවයත්, ප්‍රේමදාසගේ සුචරිතයත් එසේ නොවේයයි ඔබට කිව හැකිද?
 
6(C).තාරුණ්‍යට හෙටක් මගින් තරුණයන් ඉලක්ක කරමින් ඉංග්‍රීසි පන්ති පැවැත්වීම, පරිඝනක පාඨමාලා පැවැත්වීම යන්න මා දන්නා යම් සෙවාවන්ය.”
 
 
 
6(A) නමුත් නාමල්ගේ තාරුණයට හෙටක් සඳහා
 
දායකත්වය ලැබුනේ රජයේ අරමුදල් වලින් නොවේ යයි
 
ඔබ කියන්නේද.?
 
මා දෙන දත්තවල ඔබට සැක සිතෙන නිසා
 
ඔබම පසුගිය වසරවල පුවත්පත් බලන්න.
 
එයට රජයේ ආයතනවල අනුග්‍රහය ලැබී ඇති අයුරු.
 
     6(B). සජිත්ගේ ජනසුවයත් ,ප්‍රේමදාසගේ සුචරිතය ,
 
දේශපාලන ව්යාපෘති වුවද ඒවා ක්‍රියත්මකවූයේ
 
ඔවුන් විපක්ෂයේ සිටින විටයි.
 
ඒවාට රාජ්ය අනුග්‍රහය ලැබුනේ නැත.
 
එම ව්යාපෘතිවල කෝටි සිය ගණන් මුදල් යෙදවුනේද නැත.
 
6(C)  තාරුණ්‍යට හෙටක් මගින්
 
තරුණයන් ඉලක්ක කරමින් ඉංග්‍රීසි පන්ති පැවැත්වීම,
 
පරිඝනක පාඨමාලා පැවැත්වීට අමතර සේවාවල් කර ඇත.
 
බලන්න http://www.youth.lk/
 
මගේ ප්‍රශ්නය මේ බොහොම සේවා කිරීමට රජයේ ආයතන ඇති බැවින් (තරුණ කටයුතු අමාත්‍යංශය)
 
රජයේ ආයතන එම අනුග්‍රාහක මුදල් අදාළ ආයතනවලට නොදී
 
කාටවත් වගනොකියන තාරුණ්‍යට හෙටක් ට දීමයි
 
අනෙක අතට පසුගිය ජනාධිපතිවරණයේදී
 
තාරුණ්‍යට හෙටක් වියදම් කළ මුදල් කන්දරාව හා
 
සසඳන කළ ඉහත සියළු ව්යාපෘති වලට
 
 වැයකළේ සොච්ච්මක් නොවේද?
 
ඔව් ,මට දත්ත නැතත් ජනාධිපතිවරණයේදී  පෝස්ටර් හා දැන්වීම් වලට
 
 කොපමණක් වැයකළේද යන්න රටට රහසක් නොවේ.
 
රජයේ මුදල් එයට නොයදෙව්ව බවට ඔබට සාක්ෂි තිබේද.
 
ඔබ මෙතරම් නාමල් වෙනුවෙන් පෙනී සිටින නිසා 
 
ගනු දෙනු රටට හෙළිකරන්නයි මා ඉල්ලන ඉල්ලීමට එකගවෙනවාද.
 
මා පැහැදිලිවම කියන්නේ රජයේ මුදල් අනුග්‍රහක මුදල් ලෙස ලබාගත් නිසා
 
තම අවන්කභාවය පෙන්වීමට එදා සිට අද තෙක් විගණන වාර්තාවක්
 
මේ රටෙ තරුණයනට ලබාදෙන ලෙසයි
 
7.
 
7(A ) “නිවැරදියි. ඔබ කියනා අයුරින්ම තරුණ කටයුතු අමාත්‍යංශය මීට පෙර සෑම ආණ්ඩුවක් විසින්ම අගුපිලෙහි තබා තිබුණි.”
 
  
 
 ඔබ වැරදියි. මා කියා ඇත්තේ  ජේ.ආර්.ගෙන් පසු හැම රජයක්ම පාහේ තරුණ කටයුතු අමාත්‍යංශය අගුපිලෙහි තබා තිබුණ බවයි
 
7(B) “නමුත් තරුණ කටයුතු අමාත්‍යාංශය අගුපිළක් සේ සැලකීමට මට නොහැකිය. දැන් එම තත්වය වෙනස් වී ඇත්නම් අප කළ යුත්තේ සතුටු වීම නොවේද? අනික් අතට බියොන්ඩ්ෆ්‍රේම් විසින් එය හඳුන්වා දුන්නේ අගුපිලක් ලෙසටය.”
 
නමුත් තරුණ කටයුතු අමාත්‍යාංශය අගුපිළක් සේ සැලකීම කරන්නේ මා
 
,මල් මාමා හෝ බියොන්ඩ් ෆ්‍රේම් නොව මහින්ද රාජපක්ෂයි.
 
එය එසේ කරනබව පැවසීමයි අප කළේ.
 
වැ‍රැද්ද එසේ කිරීමද?
 
නැතිනම් එසේ කළ බව හෙළි කිරීමද.
 
මෙය ඩලස් ද  ඒ අයුරින්ම පිළිගෙන ඇතිබව මා හොඳින්ම  දන්නා කරුණකි.
 
7(C)
 
“එය ඩලස්ට දීම ඔහුට කළ මදි කමක් ලෙස හැඳින්විනි. මා විරුද්ද වූයේ එයටය. ඩලස් විසින් තරුණයන් සඳහා ඔබ කියන අයුරින් වයාපෘතියක් අරඹා තිබුණේනම් තරුණ කටයුතු අමාත්‍යංශය ඔහුට ලබා දීම නිවැරදි තීරණයක් නොවන්නේ කෙසේද?”
 
 
 
ඔව් එය ඩලස්ට කළ මදි පුන්චි කමකි.
 
ඩලස් විසින් තරුණයන් සඳහා වයාපෘතියක් අරඹා තිබුණ පමණින්
 
තරුණ කටයුතු අමාත්‍යංශය ඔහුට ලබා දීම නිවැරදි තීරණයක් වන්නේ කෙසේද?
 
එසේ නම් ඒ පදනමින් නාමල්ට ඔහුගේ නියෝජ්ය ඇමතිකම දිය යුතුය.
 
නාමල්ට නියෝජ්ය ඇමතිකම දෙනවාට මා නම් අදත් කැමතිය.
 
නමුත් ඩලස් යනු යෝධයෙකි.
 
7(D) “ඩලස්ට දුන් ඇමති කම නිසා ඔහුට අසාධාරණයක් නොවූ නිසා ඒ වෙනුවෙන් කෑ ගැසීම පළක් නැති දෙයකි. පළක් නැති දෙයකට කෑ ගැසීම මගින් කෑ ගැසීමෙ අයිතිය බාල්දු වන බව ඔබගේ ජාල ගත දත්ත වලින් පෙන්නුම් නොකිරීම මට පුදුමයක් නොවේ.”
 
ඩලස්ට දුන් ඇමති කම නිසා ඔහුට අසාධාරණයක් වූ නිසා
 
ඒ වෙනුවෙන් කෑ ගැසීම  මගින් කෑ ගැසීමෙ අයිතිය
 
බාල්දු වන බව ඔබට පෙනීම පුදුමයක් නොවුනත්
 
එය එසේ යයි සිතන අයට කැගෑසිමේ අයිතියක් ඇත.
 
“මා දන්නේ මා සතු දත්ත කැටි කොට අපහසුවෙන් වුව ජාල ගත කිරීමට පමණි ”
 
යනුවෙන් මා අදහස් කළේ අන්තර්ජාලයට එක්කිරීමයි.
 
එහිදි ඔබට ඇතිවු වැරදි අවබෝධයේ මුල මා බැවින් එයට වෙන්න සමා.
 
 
 
 
 
8).
 
“ඔබ සඳහන් කරන ලෙස ජ.වි.පෙ. විසින් කරන ලද ඝාතන ප්‍රමාණය එ.ජා.ප. විසින් කරනලද ඝාතන සංඛ්‍යාවට වඩා වැඩිය. එක්කෝ ඔබගේ දත්ත වැරදිය. නැත්නම් ඔබ එම දත්ත ජාල ගත කර තිබෙන අයුරු වැරදිය. මා දන්නා දත්ත අනුව 89-90 කාළය තුළ මියගියවුන්ගේ සංඛ්‍යාව 65000ක් පමණ වේ. ඉන් 6000කට පමණ වගකියා ඇත්තේ ජ. වි. පෙ. ය. එ.ජා.ප. ය සහ එහි අනුභද්ධ කණ්ඩායම් විසින් ඉතිරි 59000ට වග කියා තිබේ.”
 
මා එය සඳහන් කළේ ඊට පෙර ලිපියටද සම්බන්ද කරමිනුයි.
 
මා නැවත පැහැදිලි කරන්නම්.
 
1971 දී සභාග රජය සහ ජවිපෙ එකතු වී 20000ක් වලපල්ලට දැක්කුවා.
 
නැවත 1987 එ.ජා.ප ය සමග එකතුවී 60000ක් වලපල්ලට දැක්කුවා.
 
මේ අනුව  සභාග රජය 20000 ක්,එ.ජා.පෙ.ය 60,000ක්  වලපල්ලට දැක්කීමට දායක වෙද්දි
 
මේ 80,000 ම වලපල්ලට දැක්කිමට ජ.වි.පෙ. දායකවුනා.
 
එවිට පරතරය 20000කි.
 
මා කියන්නේ මේ හැම මරණයකටම
 
එවකට සිටිය රජයට සේම ජ.වි.පෙ.ටද සමාන වගකීමක් ඇතිබවය.
 
මා පිළිතුරුදුන්නේ ඔබේම වචනය වූ වලපල්ලට දැක්වීමටය.
 
ඝාතන ගැන නොවේ.
 
ඝාතනය එකෙක් කළද වලපල්ලට දැක්කිමට බොහෝ අයට හවුල්විය හැක.
 
9) “.9(A)ඇමති කෙනෙකුට ඇති නිල තත්වයම මන්ත්‍රි කෙනෙකුට නැතත් මන්ත්‍රී කෙනෙකුට ඒ සඳහා සහභාගි වීමට නිල තත්වයක් නැතැයි කියන්නෙ කුමන පදනමකින්දැයි මට නොතේරේ.”
 
 
 
ඇමතිවරුනට ද්විපාර්ශ්වික සාකච්චා සඳහා නිල බලයෙන් එතෙර යා හැක.
 
මන්ත්‍රීවරුනට එසේ නිලබලයක් තිබුනේ නැත.
 
නමුත් ඔවුනටද නිල සන්චාර ලැබේ.
 
ඒ මුළු පාර්ලිමෙන්තුවම නියෝජනය කෙරෙන ලෙසය.
 
එම අවස්ථාවලදී රජයේ මෙන්ම විපක්ෂ මන්ත්‍රීවරුද යම් අනුපාතයක් මත සහභාගීවේ.
 
දැන් පදනම පැහදිලි ඇතයි සිතමි.
 
  9(B). ”නාමල් ජනාධිපතිගේ පුතා නිසා ඔහුට තිබෙන නිල තත්වය අහිමි වේද? විමල්ට එම නිල තත්වය නැත්තේ ඇයි?”
 
 
 
නාමල් ජනාධිපතිගේ පුතා නිසා ඔහුට තිබෙන නිල තත්වය අහිමි යයි මා කියා නැත.
 
නාමල් හට  ඉහත පදනම මත සාර්ක් සමුළුවට යාමට නිලපදනමක් නැතිවුවද
 
ජනාධිපතිගේ පුතා වීම නිසා ඔහු සහභගීවී ඇත.
 
ඔබ කියන් අයුරින්  විමල් එසේ ගොස් ඇත්නම්
 
පදනම නාමල්ට අනුව ඔහු ජනාධිපතිගේ ලොකු පුතා වීම වියහැක.
 
10).”මා දන්නා තරමින් ඝෝඨාභය දේශපාලන රැස්වීම් අමතා නැත. ඔහු විසින් සිදු කරන ලද්දේ වෙනම සම්මණ්ත්‍රණ මාලවක් දියත් කිරීමයි. ඒ සඳහා ඔහුට අයතන සංග්‍රහයෙන් හෝ වෙන යමකින් බාධාවක් ඇත්ද?”
 
 
 
ඒ සම්මන්ත්‍රණ දේශපාලන අරමුණ උදෙසා නොවී යයි
 
ඔබ මට ඔප්පු කළහොත් ගෝඨාට මවිසින් සිදුකළ අපහාසය වෙනුවෙන්
 
ඔබ කියන ඕනෑම තැනකදී බිම වැඳ වැටී සමාව ගන්නෙමි.
 
අදාළ පුවත්වල යොමුවන් නුදුරේම ලබා දෙන්නෙමි.
 
11.).
 
11(A) “ඔබ කළින් සඳහන් කළ පරිදි ප්‍රේමදාස නැතිවී අවුරුදු 17කට පසුවත් බඩගෝස්තරවාදී දේශපාලනය වෙනස් කළ නොහැක්කේ පර්ලිමේන්තුව එල්ලී සිටි නිසා බව සඳහන් කළේ මීට මාසයකට පෙර තිබුනු පර්ලිමේන්තු එල්ලී සිටි බැවිනි.”
 
මීට මාසයකට පෙර තිබුන පාර්ලිමෙන්තුව පටන් ගන්නාවිට ආසන තිබුනේ මෙසේය.
 
එ.ජ්.නි.ස.              105                                                                                 එ.ජා.ප.    82
 
ජ.හෙ.උ.                09                                                                                ඉ.ත.අ.ක.    22
 
ක.ජ.පෙ.               01                                                                                මු.කො.        05
 
ඊ.පී.ඩී.පී               01
 
රජයට                 116                                                                             විපක්ෂ     109
 
හෙළ උරුමය මැදිහත්ව සිටීමට යාම නිසා රජයට 107 ක් විය.
 
නමුත් කතානායක පත්කිරීමේදී
 
හාමුදුරුවන්ගේ වෘෂණ කෝෂ මිරිකුවේ ,
 
දෙනමක් උස්සාගෙන ගියේ ,
 
ප්‍රේමදාස උගන්වපු බඩගෝස්තරවාදී දේශපාලනය  නිසාද?.
 
හොඳ හැමදෙයටම සහය දෙන බව කියද්දීත් ,
 
හාමුදුරුවන් දෙනමක් ඉස්සීම නිසා නොවෙද ?
 
රතන හාමුදුරුවො කිව්වේ සමබර කරන්න විපක්ෂයට චන්ද දෙකක් දෙනවා කියා.
 
එදා හික්මීමක් තිබුනානම් කථානායක නැතිව විපක්ෂයට 108 නේද?
 
පසුව හෙළ උරුමය රජයයට සහාය දෙනවිට රජයේ ගාන 115 (උඩුවේ හිමි හැර) උනා නේද.
 
එදා කළ බඩගෝස්තරවාදී දේශපාලන වැඩ නිසා කුමරි කුරෙ සියදිවි නසාගත් බව දන්නවාද?
 
මේ බඩගෝස්තරවාදී දේශපාලනය වැඩ ප්‍රේමදාසගෙද?
 
ජ.වි.පෙ. ඉවත් වුනේ ඔවුන් භේද කිරීම සහ පොරොන්දු ඉ‍ටු නොකිරීම මත බව අමතකද?
 
ඒවා ප්‍රේමදාසගෙ බඩගෝස්තරවාදී දේශපාලනය  වැඩද?
 
හෙල උරුමය ඇමතිකම් ඉල්ලුවාද?
 
ජ.වි.පෙ 4 කට වඩා ඉල්ලුවාද?
 
40 ට අඩුවෙන් ලස්සනට ඇමති මණ්ඩලය තියාගෙන
 
රජය ගෙනියන්න තිබුනා එල්ලෙන්නේ නැතිව.
 
අනික රනිල් එකඟතාවයකටත් ඇවිත් තිබුනා රජයට උදව් කිරීමට.
 
මහින්දගේ බල ලෝභී බඩගෝස්තරවාදී දේශපාලනය වැඩ නිසා ජ.වි.පෙ.වියෝ වුනේ.
 
අනෙක 2001 දී චන්ද්‍රිකා රජය පෙරලන්න
 
එස්.බී ලා පැන්නාම වුනේ නැවත චන්දයක් තියපු එක.
 
බඩගෝස්තරවාදී දේශපාලනය  නැතිනම් එ.ජා.ප මන්ත්‍රිවරුනට දොල පිදේනි නොදී
 
නැවත චන්දයකට ගිහිල්ලා ජනතාවට කියන්න තිබුනා
 
අපිට හරියට බලය දෙන්න කියලා.
 
 2001 දී චන්ද්‍රිකා කළා වගේ.
 
1994 දී රනිල් ආදර්ශයක් දුන්නා එල්ලෙන රජයක් නොහොදා ඉන්න.
 
මහින්ද තමයි බලය ‍රැකගැනීමට මන්ත්‍රිවරුනට මිල නියමකළේ.
 
මේ කියන්නේ ඩලස්.
 

පිස්සු වාසු             පිස්සු නටයි ….!

පාර්ලිමෙන්තුවේ     පිස්සු නටයි ….!

වාසුගේ …………  පිස්සු නටයි …….!

ෆැකල්ටියේ       පිස්සු නටයි………!

 ඉහත සඳහන් පෝස්ටරය මෙයට වසර දහ අටකට පමණ පෙර එක්තරා පීඨයක ඇලවුනේ

 සහකාර වෛද්යවරුන්ගේ අරගලයකට වාසු දුන්නාවූ සහයෝගයට එරෙහිවයි.

එයට අමතරව එවකට එම පීඨයේ සිටි ඔහුගේ නියෝජිතයාදටද එයින් පහර ගසන ලදි.

එකල මට සිතුනේ මෙය ලියු එකාට පිස්සු කියායි

මන්ද යත් මාද එම ස්ථාවරයේම සිටි හෙයිනි.

(අදත් නිවැරදි ක්‍රමවේදයක් හරහා ඔනෑම සුව සේවකයකුට වෛද්යවරයකු වීම සඳහා ඉඩලබාදීමට එරෙහි නොවෙමි.)

එදා කොතනක හෝ අරගලයක් විනි නම් වාසු එතන විය.

ජේ.ආර්.ගේ.1978 ආණ්ඩු ක්‍රම වයවස්ථාවට එරෙහිව කළු කොඩි ඔසවන බාහුට වාසු අයෝමය ශක්තියක් විය.

වියරණ නොවරදවා වේගවත් ප්‍රහාරක කතා පැවත්වීමේ ඔහුගේ ශෛලියට

අලගු තැබීමටවත් විමල්ට හෝ මහින්දට නොහැක.

කළෙක ඔහුගේ ගුරුවූ කාල් මාක්ස්ට අනුව හෝ

 රටේ බහුතරයක් අදහන බුදු දහමට අනුව හෝ නලින් ද සිල්වාට අනුව හෝ

භෞතික රසායනයට අනුව හෝ සැළකුවද මුළු විශ්වයම නිරන්තරයෙන් වෙනස්වෙමින් පවතී යන්න සත්යයකි.

එහෙයින් ඔහුගේ වෙනස්වීම ගැන මගේ ලොකු ගැටළුවක් නැත.

(මන්ද කළෙක මාක්ස්වාදියකු වූ මා අදද පිළිගන්නේ සමාජවාදය බිහිවන්නේ ධනපති ක්‍රමය තුලින් යන්නය.

එබැවින් විකෘති කම්කරු රජයන් බිහිවී සමාජවාදයේ නම කැත කරනවාට මම හැමවිටම එරෙහිවෙමි.

ගහ ලොකු කර ඵල නෙළා ගැනීම මගේ අරමුණ නිසා වඩාත් දියුණු ධනපති සමාජ ක්‍රමයක් රටේ ඇති කිරීමට කැපවී සිටිමි.)

නමුත් අද දින මා කියවූ මේ පුවත(මහින්දට තව දෙතුන් වරක් ජනාධිපතිවෙන්න වයවස්ථාව වෙනස් කළාට ප්‍රශ්නයක් නැහැ-වාසුදේව) ඇත්තක් නම්

ඉහත වු පෝස්ටරයට දායකවූ  සියළු දෙනාම සිසු අවධියේදීම රෝග නිශ්චයෙහි අති දක්ෂයන්ව සිටි බව නොකියාම බැරිය.

වාසු………….! 

 පොදු ජන අරගලයේදි ඔබෙන් ලැබුනාවූ දායකත්වය අදද අගයමි.

නමුත් වයස් ගතවීම නිසා ඔබේ සියළු ඉඳුරන් මෙන්ම මනසද රෝගාතුරවී ඇති බවක් මට හැඟේ.

පසුගියවරමෙන් නොලැබුනත් ලක්ෂ  භාගයක ජනයා ඔබට මනාපය.

(මගේ සුභ පැතුම් මේ සමග….!)
එහෙයින් ඔවුනට නිගා නොකොට වහාම ප්‍රතිකාර ලබාගන්න.

ඔබට සුවය දීර්ඝායුශ සමග සුභ අනාගතයක්…………………!

වඩින්න මගේ දෙවියෝ වඩින්න

සේලයින් කිලෝ 18000ක් කියන්නේ සෙල්ලමක්ද

ඇඳන් හැත්තෑ දහසක රෝගීනට

(බිම ඉන්නා උන්ට කවුද සෙලයින් දෙන්නේ)

දහසක් දවසට උපන්නද දෙසීය පනහක් මැරෙන නිසා

 බැලන්ස් එක හත්සිය පනහ නොවැ

ඉතින් එකෙකුට සේලයින් මිලිග්‍රෑම් 500 ගානේ බැලුවත්

මිලියන 36000කට දෙන්න බඩු ගේනාවා

දැන් ඉතින් කවුරුවත් මැරෙන්න බය වෙන්න එපා

මේ කප තිබෙන තුරාම බඩු තිබේ.

(බුදු අම්මෝ……………………..මුන්ට ………….පිස්සූඌඌඌඋ )

මොකාද බොල ඒ…… තොට ගණන් ඉගැන්නුවේ (S) පාලද බොල……….

(පිස්සෙක් (M) පාලට බැණ අඬ ගසයි… )

මොකද ….බොල …….මොකද ……….බොල ?

ඇයි යකඩෝ කිලෝ එකට සේලයින් බොතල් දෙක නොවැ…

 ඉතින් තොට ….   …………          රුදාවද..?

දොස්තරලා දන්නවා වාට්‍ටුවම එකෙන් ගොඩ දාන්න….

එනවා මෙතන අපේ ආසියාවේ මක්කද එකට කෙළින්න

අලියා ……………….කොටියා ………………………….සීනුවා……………..!

පින්තූරය ඉස්සුවේ 2010 මැයි 13 දින ලන්කාදීප අන්තර්ජාල සන්ස්කරණයෙන්.එහි අයිතිය ඔවුන් සතුය.

රාත්‍රී දහය වනතුරු චන්දය දැමීමට ඉඩදී තිබියදීත් චන්දයදීමේ වාසනාව නොලැබීම හැරෙන්නට වෙනත් චෝදනා නොමැතිව මහා බ්‍රිතානයයේ මැතිවරණය පසුගියදා නිමාවිය.

එහෙත් අදටත් අගමැති පරණ බ්‍රවුන්මය.

කේවළ මැතිවරණ ක්‍රමය යටතේ ප්‍රබල පක්ෂ තුනක් තරග වැදුනහොත් කිසිවකුටත් බහුතර බලය ලබාගත නොහැකිය යන සිද්ධාන්තය ,බ්‍රිතානයය  පුරවැසියන් අද අත්විඳිමින් සිටී.

මෙහිදී වැඩිම ආසන ලබාගත් කොන්සර්වර්ටිව් පක්ෂයට චන්දායයකයන් තුනෙන් දෙකක් එරෙහිය.

ඔවුන් තව ආසන 20ක් ලබා බලයගත්තද මේ චිත්‍රය නොවෙනස්ය.

මෙහිදි වඩාත්ම අසාධාරණයට ලක්වන්නේ ලිබරල් ඩිමොක්‍රට්ස් පක්ෂයයි

ඔවුනට වඩා සියයට 50 ක් චන්ද ලබාගන්නාවු කොන්සර්වර්ටිව් පක්ෂය, ඔවුන් මෙන් පස්ගුණයක ආසනහිමිකරගනී.

ඔවුන්ට වඩා සියයට විසිපහක් ලබාගන්නා ලේබර් පක්ෂය ඔවුන්මෙන් සිව් ගුණයක ආසන හිමි කරගනී.

මෙය පූර්ණ සමානුපාත ක්‍රමයකදී  නම්  ඔවුන්ගේ ආසන ගණන 150 ක්වන බැවින් සියළු වාද අත්හැර 50 ට 50 අනුපාතයට ක්‍රමවේදයන් දෙකම යොදා ගැනීම වෙනුවෙන් ඔවුන් කේවල් කරමින් සිටි.

ලේබර් පක්ෂය ඉන් ඔබ්බට යමින් විකල්ප චන්ද ක්‍රමයක් යෝජනා කරයි.

මෙහිදි කේවල ආසන  ක්‍රියාත්මක උවද එක් චන්දදායකයකුට මනාප දෙකක් හෝ තුනක් හිමිවන අතර  ආසනයකින් තේරීපත්වීමට සම්පූර්ණ චන්ද ගණනින්  සියයට 50 ලබා යුතුය.

ආසනයකින් තේරීපත්වීමට සම්පූර්ණ චන්ද ගණනින්  සියයට 50 ලබා ගන්නාතුරු පළමු මනාපයට දෙවනි හා තෙවැනි මනාප එකතුකළයුතුය.

ඒ වඩාත්ම ප්‍රජාතන්ත්‍රවාදී නියෝජනයක් ලැබෙන ක්‍රමවේදයකි.

නමුත් අප අපගේ අපේක්ෂකයන් හා ඔවුන්ගේ ආධාරකරුවන්ගේ නොහික්මුණ කම් හා නොහැකියාවන් මනාප ක්‍රමය මත පටවා  පැරණි කේවල ක්‍රමයට ඉදිරි පලාත් පාලන මැතිවරණය පවත්වමු.

පවත්නා මනාප ක්‍රමය නිසා අමනාපවිම වළක්වමින් වඩා ප්‍රජාතන්ත්‍රවාදී නියෝජනයක් ලබාගතයුතුනම් පහත ක්‍රමවේදය සුදුසුයැයි සිතමි.

1.

පාර්ලිමෙන්තුව ආසන 225කින් සමන්විත අතර ඒ සඳහා නියෝජිතයන් 150ක් ‍තෝරා ගැනෙන්නේ දිවයින පුරා විසිරුණු ආසන 150කින් වන අතර

ඉතිරි 75 ‍තෝරා ගැනෙන්නේ එක් එක් පක්ෂ ලබාගන්නා චන්ද ප්‍රමාණය ජාතික මට්ටමින් ගණනය කොට ජාතික ලයිස්තුව ක්‍රමයටය.

2.

දැනට පවත්නා අවිධිමත් ආසන බෙදීම වෙනුවට ආසන්න වශයෙන් එක් ආසනයකට චන්දදායකයන් ලක්ෂයක් පමණ වන  පරිදි අළුතින්ම ආසන නිර්ණය කිරීම.

 (ගණනය කිරීම සමස්ත චන්දදායකයන්ගේ ගණන 150 න් බෙදුවිට ලැබෙන අගයට ආසන්න අගය.)

3.පක්ෂයට චන්දයකුත් ,පක්ෂභේදයකින් තොරව ඕනෑම අපේක්ෂකයන් තිදෙනකුට මනාප ලබාදීමට ඉඩකඩ සළසාදීම.

A).ආසනය හිමිවන අපේක්ෂකයකයා ප්‍රකාශිත චන්දවලින් සියයට 51 ක් පළමු මනාපයෙන් හෝ දෙවැනි තෙවැනි මනාපයන්හි එකතුවෙන් ලබා ගතයුතුය.

B).මෙහිදි එක් චන්දදායකුට පක්ෂ තුනකින් අපේක්ෂකයන් තුන්දෙනකුට මනාප ලබාදිය හැකිවේ

C).එම නිසා කිසිම චන්දදායකයකු අමනාප කරගත නොහැකි නිසා විනීතව හැසිරීම ඉබේම සිදුවේ.

D).එසේම එකම පක්ෂයේ අය අතර ගැටීම කොහෙත්ම සිදුනොවන අතර විවිධ පක්ෂවල අයට එකට සිට මනාප ඉල්ලිය හැකිවේ.

E).ආසනයේ ප්‍රමාණය කුඩාවීම නිසා පෝස්ටර කටවුට්වලට යන වියදම අඩුවීම හෝ ගෙයින් ගෙට යාම,

කුඩා ‍රැස්වීම් සහ අත්පත්‍රිකා බෙදීමට පමණක් ඉඩදීමෙන් නොයෙකුත් පූර්ව මැතිවරණ දූෂණ හා වැරදි අවම කරගත හැකිවේ.

F).තමන්ගේ චන්දය ලබාගත් කවරකු හෝ කෙළින්ම ආසනයට වගකියන බැවින් චන්දදායකයන් ද තෘප්තිමත්ය.

G).තේරිපත්වූ නියෝජිතයාට අන් පක්ෂවල චන්දදායකයන්ටද සැළකීමට සිදුවේ.

3).

A).එක් එක් පක්ෂ ලබාගන්නා චන්ද ප්‍රමාණය ජාතික මට්ටමින් ගණනය කොට ජාතික ලයිස්තුව සකසනු ලැබේ.

B).මෙහිදී මැතිවරණයට පෙර ලබාදෙන නම් පසුව වෙනස් කර චන්දදායකයන් ට හොරෙන් මන්ත්‍රීවරු යැවීමේ ක්‍රමය නතරකළයුතුවන්නේය.

C). ඒ චන්දදායකයන් චන්දය ලබාදෙන්නේ එම අනුපිළිවෙළ අනුමත කරමින් බැවින් එය වෙනස් කිරීමට කිසිව්කුට ඉඩනොතිබියයුතු නිසාවෙනි.

D).මෙම ක්‍රමයම පලාත් සභා සහ පලාත් පාලන ආයතන සඳහා නියෝජිතයන් ‍තෝරා ගැනීමටද එලෙසින්ම උපයෝගී කරගත හැකි අතර

ඒ සඳහා පිළිවෙලින් පලාත් සභා සහ පලාත් පාලන ආයතන සඳහා ආසන අළුතින් නිර්ණයකළයුතුවේ.

4.

එසේම ජනාධිපතිවරයා දිවයිනේම චන්ද වලින් ‍තෝරා ගන්නා අයුරින්

පලාත් ආණ්ඩුකාරවරයා පලාතේම චන්දවලිනුත්

නගරාධිපති හෝ ප්‍රාදේශීය සභාවේ සභාපති එම පලත්පාලන ආයතන බලප්‍රදේශයේම චන්ද වලින් ‍

තෝරා ගැනීමෙන් මෙම ක්‍රමය වඩාත් අර්ථවත්වන අතර

පක්ෂනායකයනට අවැසි අය නොව සුදුස්සන් පත් කරගැනීමට ඇති චන්දදායකයන් ගේ අයිතිය උපරිමයෙන් ආරක්ෂාවීමද සිදුවේ.

5.

මෙය තවදුරටත් පුළුල් කරමින් සිව්වසරකට වරක් සියළුම මැතිවරණ එකවර පැවත්වීමටද යොදා ගත හැකිය.

එහිදී පක්ෂය වෙනුවෙන් එක් චන්දයක් දිය හැකි අතර,

ජනාධිපති,

පලාත් ආණ්ඩුකාර ,

පලාත් සභා මන්ත්‍රී,

නගරාධිපති(ප්‍රාදේශීය සභාවේ සභාපති )

සහ නගරසභා (ප්‍රාදේශීය සභාවේ )මන්ත්‍රී වෙනුවෙන් මනාප තුන බැගින් සළකුණු කළහැකිවේ.

6.

මෙහිදී ඉහළ තනතුරේ අපෙක්ෂකයාගේ නියොජිතයා ලෙස ඊට පහල නියෝජිතයා යොදාගැනීමෙන් මුළු මහත් දෙශපාලන යන්ත්‍රයම සක්‍රියව මැතිවරණයට ඉබේම දායකවේ.

7.

එසේම තම පලාත්පාලන ආයතන නියෝජිතයාම ගමේ චන්දපොළ නියොජිතයා වන බැවින් එහිදීම ගණනය කිරීම දුෂණයකින් තොරව සිදුකළ හැක.

8.

පවත්නා ක්‍රමය මත මෙහිදී මතුවන ප්‍රධාන ප්‍රශ්නයක් වන්නේ දේශපාලන පක්ෂ සහ ස්වාධීන කණ්ඩයම් විශාල ප්‍රමාණයක්වන ඉදිරිපත්වීමයි.

බොහෝ විට ස්වාධීන කණ්ඩයමක් ඉදිරිපත් කරන්නේ චන්දපොළ නියොජිතයා / චන්ද ගණන් කිරීමේ නියෝජිතයන් වැඩිකරගැනීමට නිසා සියළුම මැතිවරණ එකවර පැවැත්වීමේදී මෙය මගහැරී යනු ඇත.

එසේ නොමැතිනම්

a).දේශපාලන පක්ෂ නැවත ලියාපදින්චි කරනා විට සාධාරණවූ අවම සුදුසුකම් නිර්ණය කිරීම ,

b).ස්වාධීන කණ්ඩායමක් ඉදිරිපත්වීමේදී යම් අවම අත්සන් ප්‍රමාණයක් නිර්ණය කිරීම

c).ඇපමුදල් තැන්පතුව වැඩි කිරීම මගින් විසඳා ගත හැකිය.

වඩාත්ම වැදගත් වන්නේ තුනෙන් දෙක හැමදාම තබාගත හැකිවීමයි………!

පලාත්පාලන ආයතන චන්දය පැවත්වීමට කිසිදු හදිසියක් නොමැති මේ අවස්තාවේ මේ ක්‍රමය අත් හදා බැලීමක් ලෙස ක්‍රියත්මක කර උපරිම ප්‍රජතන්ත්‍රවාදී නියෝජණයක් තුලින් ලොවටම ආශ්චර්යයක් විය හැකිවනු නො අනුමානය.

සන්වාදයට විවෘත අතර හිමිකම් නො ඇවිරිණ.

පොල්ලෙ එල්ලී නැළවි නැළවි
කුමාරිගේ ජීවන සුවඳටම මුසුව එන
කරුවගේ  ගල් අරක්කු සුවඳ නොමදව විඳිමින්
කොළඹ්බ සිට මරදාන තෙක්
මිටර දෙදහසක අති දුෂ්කර ගමනක්
විඩාබර මගේ නෙතු විවර වූයේ
ඔබ නිසයි උතුමාණනි.

 ඔබදු‍ටු සැණින් මා ගත විඩාව
පැන ගියේ මටද නොදන්වමිනි.
අහෝ උණු වන සිතක් ඇති ඔබතුමා
ඇයි අපේ දුක වෙනුවෙන්
මේ තරම් දුක් විඳ මේ දුර ගෙවන්නේ.
මගේ මොබයිලයට කොටම කොට පණිවුඩයක්
එහෙත් නැතිනම් රින්ග් කට් එකක්
දුන්නා නම් ඉවර නොව
අපෙ දුක මාගලක ලියාගෙන
දෙදහක් අත්සන් ද සමග
ටෙක්නිකල් හන්දියේ කන්‍තෝරුවටම
අරගෙන එනවා නොවැ.

දැන් ඉතින් මක් කොරන්නද
මෙන්න මේ

ඩීසල් සුවඳැති කළුම කළු පුයර ටිකක් උලාගන්න හැමතැන

ප්‍රසන්න   දුම් පූජාව විඳිමින්

ඊ ලඟ නැවතුමෙන් බැසගන්න.
තනියම පාරට යන්න දන්නවා නේ.
සැකයක් හිතන්න එපා
ඔබතුමා විඳි දුක
හැමදාම හැමෝටම
හැමවිටදි  හැමතැනදි
කියන්නෙමි නොවළහා..
අහෝ මෙහෙව් ගුණ කඳක්..

මා මරදානෙන් බැස ගමි
අද වැඩ නොකළත්
සිත පිරී ඇත
තන් ‍තෝසෙට…….!

 පින්තූරය ඉස්සුවේ 2010 මැයි 7 දින ලන්කාදීප අන්තර්ජාල සන්ස්කරණයෙන්.එහි අයිතිය ඔවුන් සතුය.